འདི་ནི་གཞིས་རྩེ་གྲོང་ཁྱེར་མངའ་ཁོངས་ཀྱི་ཇོ་མོ་གླང་མའི་རོང་པོ་འཁྱགས་རོམ་ཤར་མ་ཡིན་པ།

འདི་ནི་གཞིས་རྩེ་གྲོང་ཁྱེར་གྲོ་མོ་རྫོང་མངའ་ཁོངས་ཀྱི་ཇོ་མོ་ལྷ་རི་ཡིན་པ།

2022ལོའི་ཟླ་12པར་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཐོག་གྲོས་ཆོད་ལ་གྲོས་འཆམ་བྱུང་ནས་2025ལོ་ནི་རྒྱལ་སྤྱིའི་འཁྱགས་རོམ་སྲུང་སྐྱོང་ལོ་ཡིན་པ་ཁྱབ་བསྒྲགས་བྱས་པ་དང་འབྲེལ་2025ལོ་ནས་བཟུང་ལོ་ལྟར་གྱི་ཟླ་3ཚེས་21ཉིན་འཛམ་གླིང་འཁྱགས་རོམ་ཉིན་མོར་གཏན་འཁེལ་བྱས་པ་རེད། དེའི་དམིགས་ཡུལ་ནི་གནམ་གཤིས་དང་ཆུ་དཔྱད་འཁོར་སྐྱོད་ཁྲོད་ཀྱི་འཁྱགས་རོམ་གྱི་ནུས་པ་གལ་ཆེན་དང་དེ་བཞིན་འཁྱགས་རོམ་མགྱོགས་མྱུར་བཞུར་བའི་ཤུགས་རྐྱེན་ཐད་ཀྱི་མི་རྣམས་ཀྱི་ངོས་འཛིན་མཐོ་རུ་གཏོང་ཆེད་ཡིན་པ་རེད།

མཚོ་བོད་མཐོ་སྒང་ནི་སའི་གོ་ལའི་འཕྲེད་ཐིག་འབྲིང་དམའ་ས་ཁུལ་གྱི་འཁྱགས་རོམ་ཁྱབ་རྒྱ་ཆེ་ཤོས་ཀྱི་ས་ཁུལ་ཞིག་ཡིན་པས། “ཨེ་ཤེ་ཡའི་ཆུ་གསོག་མཐོ་ལྕོག”ཅེས་བརྗོད་ཀྱི་ཡོད། དབྱིབས་མི་འདྲ་བའི་འཁྱགས་རོམ་མང་པོ་ལས་གངས་ལྗོངས་ས་མཐོའི་ཐུན་མོང་མ་ཡིན་པའི་མཛེས་ལྗོངས་གྲུབ་ཡོད།