འདི་ནི་ཧྲང་ཧའེ་ལྕགས་ལམ་འགྲིམ་འགྲུལ་གྲོང་ཁོངས་ལམ་ཐིག་དང་གནམ་ཐང་འབྲེལ་བའི་ལམ་ཐིག་གི་མེ་འཁོར་ཞིག་ཀྲུང་ཁྲུན་ལམ་བབས་ཚུགས་སུ་འབྱོར་བ། （ཤིན་ཧྭ་གསར་འགྱུར་ཁང་གི་གསར་འགོད་པ་ཧྥང་ཀྲེས་པར་བརྒྱབ）

ཀྲུང་གོ་འཇིག་རྟེན་འཕུར་སྐྱོད་ཚན་རྩལ་བཟོ་ལས་ཚོགས་པས་ལག་རྩལ་གསར་པ་ཞིག་གསར་སྤེལ་བྱེད་བཞིན་ཡོད་ཅིང་། ཆུ་ཚོད་རེའི་མྱུར་ཚད་སྤྱི་ལེ་1000ཟིན་པའི“ཆེས་མྱུར་བགྲོད་མེ་འཁོར”ཐོན་སྐྱེད་ཐུབ་པའི་རེ་བ་བྱེད་ཀྱི་ཡོད། དེ་དང་བསྡུར་ན། ཚོང་སྤྱོད་གནམ་གྲུའི་ཆ་སྙོམས་ཆུ་ཚོད་རེའི་མྱུར་ཚད་ཧ་ལམ་སྤྱི་ལེ་800ནས་900ཡས་མས་ཡིན་པ་རེད།

“ཆེས་མྱུར་བགྲོད་མེ་འཁོར”དེ་འཛམ་གླིང་ཐོག་གི་མེ་འཁོར་མགྱོགས་ཤོས་ཤིག་ཏུ་འགྱུར་རེ་ཡོད་པ་དང་། དེའི་གསར་སྤེལ་ཚོད་ལྟ་ཀྲུང་གོར་དུས་ཚོད་ངེས་ཅན་ཞིག་བྱས་ཡོད་པ་རེད། ན་ནིང་ཟླ་8པར་ཧྲན་ཤིས་སུ“ཆེས་མྱུར་བགྲོད་མེ་འཁོར”ཚོད་ལྟ་བྱས་པས། ཚོད་ལྟ་ལེགས་གྲུབ་བྱུང་བ་རེད།

མིག་སྔར། ཧྲང་ཧའེ་ཕུའུ་ཏུང་རྒྱལ་སྤྱིའི་གནམ་ཐང་དང་ཧྲང་ཧའེ་ས་འོག་ལྕགས་ལམ་ལུང་དབྱང་ལམ་བབས་ཚུགས་འབྲེལ་མཐུད་བྱས་པའི་འཕྱོ་སྐྱོད་མེ་འཁོར་གྱི་འཁོར་སྐྱོད་མྱུར་ཚད་ཆུ་ཚོད་རེར་སྤྱི་ལེ་430ཟིན་ཐུབ་པ་དང་། སྐར་མ་7དང་སྐར་ཆ་20ཡི་ནང་ལམ་ཐག་སྤྱི་ལེ་30སྐྱོད་ཐུབ་ཀྱི་ཡོད་པ་རེད།

—— པར་ཙིར་གྱི《གླེང་སྟེགས》དུས་དེབ་དྲ་ཚིགས་ཐོག་སྤེལ་བའི་གནས་ཚུལ་གཞིར་བཟུང་།