འདི་ནི་ཡུལ་སྐོར་བས་ཡུན་ནན་ཞིང་ཆེན་ཏ་ལི་གྲོང་ཁྱེར་ཏ་ལི་གྲོང་རྡལ་ཨེར་ཧའེ་མཚོ་ནས་ཉི་ཤར་ལ་ལྟ་བཞིན་པ།

ཡུན་ནན་ཞིང་ཆེན་ཏ་ལི་གྲོང་ཁྱེར་ཀུའུ་ཧྲེང་གྲོང་ཚོའི་གྲོང་མི་ཧོ་ལེ་ཁྲེང་གིས་དུས་རབས་གོང་མའི་ལོ་རབས་90པ་དང་དུས་རབས་འདིའི་དུས་འགོར། ཨེར་ཧའེ་མཚོ་ལ་སྐབས་ཤིག་རིང་རྫས་ལུད་དང་ཞིང་སྨན་གྱི་སྦགས་བཙོག་ཕོག་ནས་མཚོན་བྱེད་རང་བཞིན་གྱི་ཨེར་ཧའེ་མཚོའི་ཧའེ་ཚའེ་མེ་ཏོག་ལ་ཤུགས་རྐྱེན་ཐེབས་ཏེ་བཞད་ཁ་ཕྱེ་ཐུབ་མེད་ཅེས་ཕྱིར་དྲན་བྱེད་བཞིན་བཤད།

ད་ཕན་ལོ་ཤས་རིང་། ཀྲུང་གོས་དུས་དང་རྣམ་པ་ཀུན་ཏུ“སྐྱེ་ཁམས་ཤེས་དཔལ”གྱི་འདུ་ཤེས་ནི་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་གྱི་འགག་རྩའི་གཙོ་རྒྱུའི་གྲས་ཤིག་ཡིན་པ་ནན་བཤད་བྱས་པ་མ་ཟད། ཁོར་ཡུག་སྲུང་སྐྱོང་ནི་དཔལ་འབྱོར་དང་སྤྱི་ཚོགས་དར་རྒྱས་ཀྱི་ལྡོག་མེད་རྨང་གཞིར་བརྩི་རྒྱུ་དར་སྤེལ་ཡང་བཏང་ཡོད། ཉེ་བའི་ལོ་བཅུའི་རིང་ཨེར་ཧའེ་མཚོ་ལ་འགྱུར་ལྡོག་ཆེན་པོ་ཕྱིན་ནས་སྦགས་བཙོག་ཤུགས་ཆེན་ཐེབས་པའི་མཚོ་དེ་སྐྱེ་ཁམས་སླར་གསོའི་དཔེ་མཚོན་ལ་གྱུར་པ་མ་ཟད། ཧའེ་ཚའེ་མེ་ཏོག་ཀྱང་རབ་ཏུ་བཞད་ཡོད་པ་རེད།

ཧོ་ལེ་ཁྲེང་གི་མི་ཚེའི་ཤུལ་ལམ་དེ་ཨེར་ཧའེ་མཚོ་དང་དམ་པོར་སྦྲེལ་ཡོད། སྲིད་གཞུང་གི“གྲོང་ཚོ་ཀུན་ཁྱབ”ཀྱི་རྣམ་གྲངས་ལས་ཁྱིམ་གྱི་སྒོ་རྩ་བར་འགྲོ་ལམ་ཤར་གཏོང་ཐུབ་པས་ཁོང་གིས་ཀྱང་འགྲུལ་ཁང་གཉེར་འགོ་ཚུགས། དེ་རྗེས་ཁོང་གིས་དུད་ཚང་1800ལྷག་ཙམ་དང་མཉམ་དུ་ཉེ་འགྲམ་གྱི་སྡེ་ཁུལ་དུ་སྤོས་ཏེ་ཁང་ས་དག་འདམ་ར་སླར་གསོར་སྤྱད་ཡོད། 2021ལོར་ཁོང་གིས་ཕ་ཡུལ་ནས་ས་ཞིང་ཞིག་བོགས་མར་བླངས་ནས་ཆུ་འབྲས་དང་པད་ཁ་བཏབ་སྟེ་སྐྱེ་ཁམས་ཞིང་ལས་འཕེལ་རྒྱས་བཏང་ཡོད།

—— ཨ་རིའི《མི་དམངས་ཀྱི་འབོད་སྒྲ》ནས་སྤེལ་བའི་རྩོམ་ཡིག་གཞིར་བཟུང་།