འདི་ནི་སི་ཁྲོན་ཏཱ་ཀྲོའུ་ཤར་རྒྱུད་དཔལ་འབྱོར་གསར་སྤེལ་ཁུལ་མཱ་ལིའུ་གྲོང་རྡལ་དུ་གནས་པའི་དམངས་གཉེར་རྐང་འཛིན་ཁེ་ལས—སི་ཁྲོན་ཤིན་ཁུང་ནཱ་གློག་གློག་རྫས་ཚད་ཡོད་ཀུང་སིའི་རིག་ནུས་ཐོན་སྐྱེད་སྒྲུབ་རིམ་དུ་འཕྲུལ་མིས་ལས་ཀ་བྱེད་བཞིན་པ། ཏེང་ལེང་ཁུའེ་ཡིས་པར་བླངས（མི་དམངས་ཀྱི་མཐོང་ཚོར）

ཉེ་ཆར། ཀྲུང་གོ་སྲིད་གཞུང་གིས་ཚད་གཞི་མཐོ་བའི་དམངས་གཉེར་ཁེ་ལས་ཀྱི་བཞུགས་མོལ་ཚོགས་འདུ་ཞིག་འཚོགས་པ་རེད། ད་ཐེངས་ཀྱི་བཞུགས་མོལ་ཚོགས་འདུ་ནས་བརྡ་རྟགས་གལ་ཆེན་གཉིས་བཏང་བ་སྟེ། གཅིག་ནི་དམངས་གཉེར་དཔལ་འབྱོར་གྱི་འགག་རྩའི་གནས་བབ་དང་གལ་ཆེའི་རང་བཞིན་ནན་བཤད་བྱས་པ་དང་། གཉིས་ནི་དམངས་གཉེར་དཔལ་འབྱོར་ལ་གདེང་ཚོད་ཡོད་པ་བྱས་པ་དང་ཆབས་ཅིག་དེའི་འཕེལ་རྒྱས་ལ་སྐུལ་འདེད་ཀྱང་བཏང་ཡོད། རྩོམ་ཡིག་ནང་དབྱེ་ཞིབ་བྱས་ནས་ངོས་འཛིན་བྱས་དོན། དམངས་གཉེར་དཔལ་འབྱོར་གྱིས་ཀྲུང་གོའི་དཔལ་འབྱོར་དར་རྒྱས་ཡོང་བར་དེ་བས་གལ་འགངས་ཆེ་བའི་ནུས་པ་ཐོན་རྒྱུ་མ་ཟད། ཀྲུང་གོས་རང་ངོས་ཀྱི་ཚན་རྩལ་སྟོབས་ཤུགས་རྒྱུན་ཆད་མེད་པར་ཆེ་རུ་གཏོང་བར་ཕན་པ་ཐོབ་རྒྱུ་ཡིན་པ་རེད། རིགས་གཅིག་མཁས་ཅན་གྱིས་སྔོན་དཔག་བྱས་པ་ལྟར་ན། ད་ཐེངས་ཀྱི་བཞུགས་མོལ་ཚོགས་འདུ་འཚོགས་རྗེས་ཀྲུང་གོ་སྲིད་གཞུང་གིས་དེ་བས་ལྷུག་གཏོང་གི་ཁྲོམ་རར་ཞུགས་འཐུས་ཀྱི་ཚད་གཞི་སྤྱོད་རྒྱུ་མ་ཟད། ཚན་རྩལ་འཕེལ་རྒྱས་ལ་སྐུལ་འདེད་གཏོང་བའི་སྲིད་ཇུས་རབ་དང་རིམ་པ་བཏོན་ནས་དམངས་གཉེར་ཁེ་ལས་འཕེལ་རྒྱས་ཐད་སྲིད་གཞུང་གིས་རེ་སྒུག་དང་རྒྱབ་སྐྱོར་བྱེད་ལུགས་མཚོན་པར་བྱས་ནས་ཁོང་ཚོར་མི་ཐབས་རིག་ནུས་དང་ནུས་རྒྱུ་གསར་པའི་རླངས་འཁོར་སོགས་གཙོ་གནད་ཁྱབ་ཁོངས་སུ་ལྟེ་བའི་འགྲན་རྩོད་ནུས་པ་ལྡན་པར་བྱས་ནས་ཁོང་ཚོ་རྒྱལ་སྤྱིའི་འགྲན་རྩོད་ནང་ཞུགས་རྒྱུར་རམ་འདེགས་བྱ་རྒྱུ་རེད།

—— དབྱིན་ཇིའི་ལུའུ་ཐོའོ་འཕྲིན་གཏོང་ཁང་ནས་སྤེལ་བའི་གནས་ཚུལ་གཞིར་བཟུང་།