འདི་ནི་དཔལ་འབར་རྫོང་ལྕགས་གོང་ཤང་ལྕགས་གོང་གྲོང་ཚོའི་ཏང་ཀྲི་པུའི་ཧྲུའུ་ཅི་བསྟན་དར(དཀྱིལ)གྱིས་ལྕགས་གོང་ཤང་གི“གསར་བརྗེའི་ཆབ་མདོ། དར་རྒྱས་འབད་འབུངས”ཀྱི་བྱེད་སྒོ་སྐབས་དང་པོའི་ཐོག་དེང་རབས་ཐོན་སྐྱེད་རྩལ་ནུས་ཀྱི་ཞིང་འཕྲུལ་བཀོལ་སྟངས་འགྲན་བསྡུར་ལ་ཞུགས་པའི་གནས་ཚུལ་ཡིན་པ།

དཔྱིད་ཟླ་ར་བར། ཞོགས་པའི་ཉི་ཟེར་རི་ཁུག་དང་གྲོག་རོང་དུ་འཕྲོས་པ་དང་ཆབས་ཅིག ས་བབ་མཐོ་ཚད་སྨི་4050ཟིན་པའི་ཆབ་མདོ་གྲོང་ཁྱེར་དཔལ་འབར་རྫོང་ལྕགས་གོང་ཤང་གི་ཆུ་འགོའི་ཞིང་ནང་དུའང་ཡོངས་སུ་འཕྲོས།

ཞིང་ནང་དུ་འཕྲུལ་འཁོར་གྱི་ལྡིར་སྒྲ་གྲགས་པ་དང་ཆབས་ཅིག གཟུགས་སྟོབས་ཆེ་བའི་ཁམས་པའི་ཕོ་གཞོན་ཚོས་ཞིང་འཕྲུལ་བྱང་ཆུབ་པོས་བཏང་སྟེ། ཐིག་དཀར་པོ་བརྒྱབ་པའི་ཞིང་ཁ་དུས་ཐུང་ནང་རྨོད་ཞིང་སྔོན་ལ་ཁོད་སྙོམས་མཁན་ལ་ཨང་དང་པོ་སྤྲོད་པའི་འགྲན་བསྡུར་ལ་ཞུགས་བཞིན་ཡོད།

ལོ་79ལ་སླེབས་པའི་ལྕགས་གོང་གྲོང་ཚོའི་བགྲེས་སོང་བཀྲ་ཤིས་རྐང་པ་ཐང་པོ་མེད་ཀྱང་། གཞན་གྱིས་བསྐྱོར་ནས་དུས་རྒྱུན་ཧ་ཅང་དགའ་པོ་བྱེད་པའི་ཞིང་ཁར་འོང་ཞིང་། ཁོང་གིས“སྔོན་མ་རང་ཉིད་ཀྱང་སོ་ནམ་པ་མཁས་པ་ཞིག་ཡིན། དེ་དུས་ཞིང་ཁ་ཕལ་མོ་ཆེ་མི་ཕྱུགས་གཉིས་ལ་བརྟེན་ནས་འདེབས་དགོས་ཀྱི་ཡོད། ད་ཆ་རང་ཉིད་རྐང་པ་ཐང་པོ་མེད་པས་ཞིང་ལས་བྱེད་མི་ཐུབ་ཀྱང་། རྗེས་རབས་པ་ཚོས་ཞིང་འཕྲུལ་གྱི་རྨོ་འདེབས་འགྲན་བསྡུར་ནང་སུས་ཞིང་ཁ་ཡག་པོ་རྨོ་བ་དང་སུར་མདུན་ལམ་ཆེ་ཤོས་ལྡན་པ་ལྟ་བར་འོང་འདོད་བྱུང”ཞེས་བཤད།

དེ་ལྟར་ཤོད་པའི་སྐབས། ལོ་60ལ་སླེབས་པའི་ལྕགས་གོང་གྲོང་ཚོའི་ཏང་ཀྲི་པུའུ་ཡི་ཧྲུའུ་ཅི་བསྟན་དར་གྱིས་ཕྱི་གོས་ཕུད་ནས་ཕུ་ཐུང་བརྫེས་ཏེ་འགྲན་བསྡུར་ལ་ཞུགས་ཤིང་། ཁོང་ངོ་ཤེས་མཁན་ཡུལ་མི་ཚོས“ཧྲུའུ་ཅི་བསྟན་དར་ལགས། ཤུགས་རྒྱོབ། ཨང་དང་པོ་ཡིན་གཅིག་ལེན་ཤོག་ཨང”ཞེས་ཉེ་འགྲམ་ནས་ངར་ཤུགས་བསླངས།

བསྟན་དར་གྱིས་འཛུམ་དམུལ་དམུལ་ངང“དེའི་ནང་ཞུགས་རྒྱུ་ཙམ་ལས་ངས་ཨང་དང་པོ་ལེན་མི་ཐུབ། དེ་ལས་ན་གཞོན་ཚོར་ལྕག་སྐུལ་མང་ཙམ་བྱེད་རོགས”ཞེས་ཚང་མར་ལག་བརྡ་བྱེད་བཞིན་དུ་བཤད།

དེ་ནས་བསྟན་དར་གྱིས་ཕུ་ཐུང་བརྫེས་ཏེ་བྱང་ཆ་དོད་པོས་ཞིང་འཕྲུལ་བཏང་ནས་ས་སྦོལ་ཕྲུ་སློག་བྱེད་འགོ་བརྩམས། འགྲམ་གྱི་ཞིང་སའི་ནང་ལོ་18ལ་སླེབས་པའི་བསོད་ནམས་བཀྲ་ཤིས་ཀྱིས་རྫིག་ཉམས་སྟོན་བཞིན་བསྡད་པས། ཞིང་འཕྲུལ་གི་གློག་ཡང་སེ་ཤི་བས་མཐའ་འཁོར་གྱི་ཡུལ་མི་ཚོ་དགོད་ཤོར།

ངོ་ཚ་སྨིན་པའི་ལྷ་སྐྱིད་སྒྲོལ་མས་ལུས་ལ་གཟབ་མཆོར་སྤྲས་ཤིང་། ཁོང་ནི་ཆེད་མངགས་ཕ་ཡུལ་དུ་བོད་ཀྱི་ལོ་གསར་གཏོང་བར་འོང་ཡོད། ཁོང་གིས“དེ་རིང་གི་འགྲན་བསྡུར་ན་ནིང་ལས་ཧ་ཅང་འཁྲུག་ཆ་དོད་པས་བསམ་པའི་ཡུལ་ལའང་འཁོར་མ་བྱུང”ཞེས་བཤད། མི་མང་པོ་ཞིག་དང་འདྲ་བར་ཁོང་ཡང་ཆུང་དུས་ནས་ཕ་མ་དང་མཉམ་དུ་ཞིང་ལས་བྱས་ནས་བསྡད་པ་དང་། དེ་ནས་ཕྱིར་སློབ་གྲྭར་བསྐྱོད་པ་དང་ལས་ཀ་རག་རྗེས་རིམ་བཞིན་ཞིང་ལས་དང་ཁ་བྲལ་ཡོད། “འགྲན་བསྡུར་དེ་འདྲ་བྱས་ཚེ་གྲོང་གསེབ་འཁྲུག་ཏུ་འགྲོ་བ་མ་ཟད། འགྲན་བསྡུར་གྱི་རྣམ་གྲངས་མང་བས་ཕ་ཡུལ་ནས་བྲལ་མི་ཕོད་པ་ཞིག་འོང་བ་མ་ཟད། རྣམ་གྲངས་དེའི་ནང་ཞུགས་ནས་ཚོད་ལྟ་ཞིག་བྱེད་འདོད་ཀྱང་སྐྱེ་ཡི་འདུག”ཅེས་ལྷ་སྐྱིད་སྒྲོལ་མས་བཤད།

ལྷ་སྐྱིད་སྒྲོལ་མས་བཤད་པའི“འགྲན་བསྡུར་གྱི་རྣམ་གྲངས་མང་པོ་འདུག”ཅེས་པ་ནི་བོད་ཤར་ས་གཞི་ཆེན་མོར་འཁྲུག་ཆ་དོད་པོས་སྤེལ་བཞིན་པའི“གསར་བརྗེའི་ཆབ་མདོ། དར་རྒྱས་འབད་འབུངས”ཀྱི་བྱེད་སྒོ་སྐབས་དང་པོ་ལ་ཟེར་བ་རེད། བྱེད་སྒོ་དེ་ཁག་བདུན་ལ་ཕྱེ་བ་དང་། དེའི་ནང་རིགས་པའི་གཞུང་ལུགས་དང་སྲིད་ཇུས་སྒྲོག་འགྲེལ་འགྲན་བསྡུར་དང་། རྒྱལ་ཁབ་ཀྱི་སྤྱི་སྤྱོད་སྐད་ཡིག་འགྲན་བསྡུར། གཏམ་རྒྱུད་གྱེར་འདོན་འགྲན་བསྡུར། གླུ་ལེན་གར་འཁྲབ་འགྲན་བསྡུར། པར་ལེན་དང་བརྙན་ཐུང་འགྲན་བསྡུར། སྲོལ་རྒྱུན་ཐོན་སྐྱེད་ཀྱི་རྩལ་ནུས་འགྲན་བསྡུར་སོགས་ཚུད་པས། ཞིང་འབྲོག་པས་རང་ཉིད་གང་ལ་གོམས་ཆ་ཆེ་བའི་འཇོན་ཐང་ལ་བརྟེན་ནས་བྱ་དགའི་དངུལ་དང་གཟི་བརྗིད་མཚན་སྙན་བརྩོན་ལེན་བྱེད་ཆོག་གི་ཡོད། ད་རེས་ཀྱི་འཁྲུག་ཆ་དོད་ཤོས་ནི། ལྕགས་གོང་ཤང་གི་དེང་རབས་ཐོན་སྐྱེད་རྩལ་ནུས་ཞིང་འཕྲུལ་གཏོང་སྟངས་ཀྱི་འགྲན་བསྡུར་དེ་ཡིན་པ་དང་། དེའི་ནང་ཞུགས་མཁན་ནི་གྲོང་ཚོ་སོ་སོ་ནས་ཐོག་མར་བདམས་པའི་ཞིང་འབྲོག་པ་13ཡོད། ཁོང་ཚོའི་ཁྲོད་ནས་ཨང་དང་པོ་ཐོབ་མཁན་སླར་ཡང་རྫོང་དང་གྲོང་ཁྱེར་གྱི་འགྲན་བསྡུར་ནང་ཞུགས་ཏེ་མཐར་ཨང་དང་པོ་ལེན་མཁན་དེ་ཆབ་མདོ་གྲོང་ཁྱེར་གྱི་ཞིང་འཕྲུལ་གཏོང་མཁས་པར་འགྱུར་རྒྱུ་རེད།

ཐལ་རྡུལ་གྱིས་ཁེངས་པའི་ཁྲོད་འགྲན་བསྡུར་མཇུག་འགྲིལ་ཞིང་། ཞིང་འཕྲུལ་གཏོང་མཁས་པའི་ཡུལ་མི་སྐལ་བཟང་བསྟན་འཛིན་ཀུན་ལས་རྣམ་པར་རྒྱལ་ནས་གཟི་བརྗིད་མཚན་སྙན་ལག་ཁྱེར་དང་བྱ་དགའི་དངུལ་སྒོར་1000རག་ཡོད། སྐལ་བཟང་བསྟན་འཛིན་གྱིས“དཔྱིད་རྨོད་འགོ་ཚུགས་གྲབས་ཡོད་པས། ཡུལ་མིར་ལག་རྩལ་མཛུབ་ཁྲིད་པ་དགོས་ཚེ་རང་ཉིད་ལ་འབྲེལ་བ་གནང་རོགས”ཞེས་ལྟད་མོ་བ་ཚོར་སྤོབས་སེམས་ཆེན་པོས་འཛུམ་དམུལ་དམུལ་ངང་བཤད། ཚང་མས་དགོད་བཞིན་དུ་ཁོང་ལ་བཀྲ་ཤིས་བདེ་ལེགས་ཞུས་རྗེས། བྲེལ་འཚུབ་ངང་ཉེ་འགྲམ་དུ་གྱང་རྩེག་གི“དཔྱིད་ཀའི་འགྲན་བསྡུར་ཆེན་པོར”ལྟ་བར་བསྐྱོད།

འགྲན་བསྡུར་གྱི་མྱུར་ཚད་དང་བརྩེ་བ་རིམ་བཞིན་ཡལ་ནས“ཆུ་འགོའི”ནས་ཞིང་རེ་ཞིག་དབེན་འཇམ་དུ་གྱུར་པ་དང་། ས་སྦོལ་ཕྲུ་སློག་བྱས་མ་ཐག་པའི་ཞིང་ནང་དུ་ཉི་འོད་འཕྲོས་ཏེ་གསེར་མདོག་གི་ཞིང་སར་གསེར་ལྷང་ངེའི་རེ་བ་ཞིག་ངང་གིས་འབུད་བཞིན་ཡོད།