ཁྲོམ་ར་ལྟ་འདོམས་སྤྱི་ཁྱབ་ཅུས་ཀྱིས་ཉིན་ཤས་གོང《དྲ་རྒྱའི་ཉོ་ཚོང་ལས་སྟེགས་ཀྱི་ཁེ་ལས་ཀྱིས་སྒྲིག་སྲོལ་དང་མཐུན་པའི་དོ་དམ་གྱི་བྱེད་པོའི་འགན་འཁྲི་དོན་འཁྱོལ་ལ་སྐུལ་འདེད་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་ནས་དྲ་རྒྱའི་ཉོ་ཚོང་ལས་སྟེགས་ཀྱི་ཁེ་ལས་ཀྱིས་སྒྲིག་སྲོལ་དང་མཐུན་པའི་དོ་དམ་ལ་ཤུགས་སྣོན་རྒྱག་པ་དང་། ཁྲིམས་ལྟར་སྒྲིག་སྲོལ་དང་མཐུན་པའི་གཉེར་སྐྱོང་ཆུ་ཚད་མཐོ་རུ་གཏོང་བ། ལས་སྟེགས་དཔལ་འབྱོར་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་བཅས་ལ་ཁྲིད་སྟོན་བྱ་རྒྱུ་རེད།

མཛུབ་ཁྲིད་བསམ་འཆར་ནང་བླང་བྱ་བཏོན་དོན། སྒྲིག་སྲོལ་དང་མཐུན་པའི་དོ་དམ་རྩ་འཛུགས་འཐུས་སྒོ་ཚང་དུ་གཏོང་བ་དང་། ལས་སྟེགས་ཁེ་ལས་ཀྱི་འགན་འཁུར་བ་གཙོ་བོའི་སྒྲིག་སྲོལ་དང་མཐུན་པའི་དོ་དམ་འགན་འཁྲིར་ཤུགས་སྣོན་རྒྱག་པ། ལས་སྟེགས་ཁེ་ལས་ལ་གཉེར་སྐྱོང་གཞི་ཁྱོན་དང་མཐུན་པའི་ཚད་ལྡན་དོ་དམ་པ་བཀོད་སྒྲིག་བྱ་རྒྱུར་ལྕག་སྐུལ་བཅས་བྱས་ནས་སྒྲིག་སྲོལ་དང་མཐུན་པའི་དོ་དམ་གྱི་ནུས་པ་ཆེ་རུ་གཏོང་དགོས། སྒྲིག་སྲོལ་དང་མཐུན་པའི་དོ་དམ་འགན་འཁྲི་ཁ་གསལ་བཟོ་བ་དང་། སྒྲིག་སྲོལ་དང་མཐུན་པའི་སྤྱི་ཁྱབ་ལྟ་ཞིབ་དང་དོ་དམ་པའི་འགན་འཁྲི་གཙོ་བོ་ཞིབ་ཕྲ་བཟོ་དགོས། སྒྲིག་སྲོལ་དང་མཐུན་པའི་དོ་དམ་འཁོར་སྐྱོད་ལམ་སྲོལ་འཐུས་སྒོ་ཚང་དུ་བཏང་སྟེ། ལས་སྟེགས་ཁེ་ལས་ཀྱིས་དོན་དངོས་དང་ཟུང་འབྲེལ་བྱས་ཏེ《སྒྲིག་སྲོལ་དང་མཐུན་པའི་ཉེན་ཁར་དོ་དམ་ཚོད་འཛིན་གྱི་གསལ་ཐོ》བཟོ་བ་དང་། སྒྲིག་སྲོལ་དང་མཐུན་པའི་ཉེན་ཁར་གྲལ་བཤེར་གཏིང་ཟབ་བྱེད་པ། ཤེས་རྟོགས་བྱུང་བའི་གནད་དོན་དུས་ཐོག་ཏུ་ཐག་གཅོད་བཅས་ལ་ཁྲིད་སྟོན་བྱས་ནས་ལས་སྟེགས་ཁེ་ལས་འཁོར་སྐྱོད་བརྟན་པོ་ཐུབ་པར་འགན་ལེན་བརྟན་པོ་བྱེད་དགོས། སྒྲིག་འཛུགས་དང་ལག་བསྟར་བྱེད་ཤུགས་ཆེ་རུ་གཏོང་བ་དང་། ལས་སྟེགས་ཁེ་ལས་ཀྱིས་སྒྲིག་སྲོལ་དང་མཐུན་པའི་གསོ་སྦྱོང་དང་དཔྱད་ཞིབ་བྱེད་པར་རྒྱབ་སྐྱོར་བྱེད་པ། སྒྲིག་སྲོལ་དང་མཐུན་པའི་སྐུལ་ལྕག་དང་གཅུན་སྡོམ་ལམ་སྲོལ་འཚོལ་ཞིབ་ཀྱིས་འཛུགས་པ། ལས་སྟེགས་ཁེ་ལས་ཀྱི་སྒྲིག་སྲོལ་དང་མཐུན་པའི་ཧུར་བརྩོན་རང་བཞིན་སྐུལ་སློང་གང་ལེགས་བཅས་བྱས་ནས་སྒྲིག་སྲོལ་དང་མཐུན་པའི་གཉེར་སྐྱོང་གི་ཁོར་ཡུག་བཟང་པོ་ཆགས་པར་བྱེད་དགོས།

མཛུབ་ཁྲིད་བསམ་འཆར་ནང་བཏོན་དོན། ཁྲོམ་ར་ལྟ་འདོམས་སྤྱི་ཁྱབ་ཅུས་ཀྱིས་སྔར་བས་བརྟན་པོ་དང་། ཁ་གསལ། སྔོན་དཔག་ཐུབ་པ་བཅས་ཀྱི་སྲིད་ཇུས་ཁོར་ཡུག་བསྐྲུན་ནས། ལས་སྟེགས་ཁེ་ལས་ཀྱིས་སྒྲིག་སྲོལ་དང་མཐུན་པའི་གཉེར་སྐྱོང་ཁྲོད་འགྲན་རྩོད་ནུས་པ་ཆེ་རུ་གཏོང་རྒྱུར་མུ་མཐུད་སྐུལ་འདེད་གཏོང་བ་དང་། གསར་གཏོད་ལ་སྐུལ་འདེད། འཛད་སྤྱོད་རྒྱ་སྐྱེད། ལས་ཞུགས་བརྟན་གཏོང་སོགས་ཀྱི་ཐད་ནུས་པ་དེ་བས་ཧུར་ཐག་བཏོན་ནས་ལས་སྟེགས་དཔལ་འབྱོར་གྱི་ཁོར་ཡུག་བཟང་པོ་མཉམ་དུ་གཏོད་དགོས།