ཀྲུང་ཡོའི་དྲ་རྒྱའི་གླེང་མོལ་ཐེངས་དགུ་པ་པུ་རུ་སེར་རུ་འཚོགས་པ།
ཤིན་ཧྭ་གསར་འགྱུར་ཁང་གྲོང་ཁྱེར་པུ་རུ་སེར་ནས་གློག་འཕྲིན་འབྱོར་བ་གཞིར་བཟུང་། ཉེ་ཆར། ཀྲུང་ཡོའི་དྲ་རྒྱའི་གླེང་མོལ་ཐེངས་དགུ་པ་པེར་ཀྲེམ་གྱི་རྒྱལ་ས་པུ་རུ་སེར་རུ་འཚོགས་པ་དང་ཕྱོགས་གཉིས་པོས་ཀྲུང་ཡོའི་དྲ་རྒྱ་དང་གྲངས་འཛིན་མཉམ་ལས་དང་དེ་བཞིན་གོ་ལ་ཧྲིལ་པོའི་བཅོས་སྐྱོང་སོགས་འབྲེལ་ཡོད་གྲོས་གཞིའི་ཐད་བསམ་འཆར་བརྗེ་རེས་བྱས་པ་རེད། ཀྲུང་གོ་ཕྱོཌ་ཀྱིས་ཀྲུང་གོ་ནི་ཡོ་རོབ་མནའ་འབྲེལ་གྱི་གྲངས་འཛིན་འཕེལ་རྒྱས་ཀྱི་གོ་སྐབས་དང་ལག་རྩལ་བདག་དབང་སྲུང་སྐྱོང་བྱེད་མཁན་རོགས་ཟླ་ཞིག་ཡིན་ཞེས་ནན་བཤད་བྱས་པ་རེད།
ཀྲུང་གོ་ཕྱོགས་ཀྱིས་ཕྱོགས་གཉིས་པོས་ཕན་ཚུན་གྲངས་འཛིན་འཕེལ་རྒྱས་རོགས་ཟླའི་འཐབ་ཇུས་ངེས་ཤེས་བཙུགས་ནས་ཕྱོགས་གཉིས་པོའི་ཁེ་ལས་ལ་སྒོ་དབྱེ་དང་། དྲང་གཞག མཉམ་ལས་བཅས་ཀྱི་ཚོང་གཉེར་ཁོར་ཡུག་གི་རྣམ་པ་བཏོད་ནས་ཀྲུང་ཡོའི་གྲངས་འཛིན་གསར་གཏོད་ལ་ཐུན་མོང་ཐོག་སྐུལ་འདེད་གཏོང་དགོས། ཡོ་རོབ་ཕྱོགས་ཀྱིས་རང་ཉིད་ཀྱི་ཕུགས་ཀྱི་ཁེ་ཕན་ལ་གཞིགས་ནས་ཀྲུང་གོའི་གྲངས་འཛིན་འཕེལ་རྒྱས་ཀྱི་རོགས་ཟླར་འགྱུར་རྒྱུའི་རེ་བ་ཡོད་ཅེས་བརྗོད་པ་རེད།
ཡོ་རོབ་མནའ་འབྲེལ་ཕྱི་ཕྱོགས་བྱ་སྤྱོད་ཧྲུའུ་ཡི་དྲ་རྒྱའི་ལས་དོན་མཐུན་སྦྱོར་པ་མཱ་ནུང·ལེ་པུའུ་ལང་གིས་མིག་སྔ་ནི་ཡོ་ཀྲུང་གི་འབྲེལ་བ་འཕེལ་རྒྱས་འགྲོ་བའི་དུས་སྐབས་གལ་ཆེན་ཞིག་ཡིན་པས་ཡོ་རོབ་ཕྱོགས་ཀྱིས་ཀྲུང་གོ་ཕྱོགས་དང་མཉམ་དུ་ཁྱབ་ཁོངས་ཁག་ཏུ་དགེ་མཚན་ལྡན་པའི་མཉམ་འགུལ་བྱས་ནས་གཉིས་ཕན་མཉམ་ལས་ཟབ་ཏུ་གཏོང་འདོད་ཡོད་ཅེས་བརྗོད་པ་རེད།