སུའེ་ཏེན་གྱི་དམག་དོན་རིག་མཛོད་ཀྱིས་བསྟན་དོན།
ཨ་རིའི་གོ་མཚོན་ཕྱིར་གཏོང་བྱེད་ཚད་ཀྱིས་གོ་ལ་ཧྲིལ་པོའི་བཅུ་ཆ་བཞི་ཡན་བཟུང་བ།
ཤིན་ཧྭ་གསར་འགྱུར་ཁང་གྲོང་ཁྱེར་ཧེར་སིན་ཁི་ནས་ཟླ་3ཚེས་10ཉིན་གློག་འཕྲིན་འབྱོར་གསལ། སི་ཏེ་ཀེར་མོ་ནས་འབྱོར་བའི་གནས་ཚུལ། སུའེ་ཏེན་གྱི་སི་ཏེ་ཀེར་མོ་རྒྱལ་སྤྱིའི་ཞི་བདེ་ཞིབ་འཇུག་ཁང་གིས་ཚེས་10ཉིན་ཁྱབ་བསྒྲཌ་བྱས་པའི་སྙན་ཞུ་ལས་མངོན་པར། 2020ལོ་ནས་2024ལོ་བར་གོ་ལ་ཧྲིལ་པོའི་གོ་མཚོན་ཕྱིར་གཏོང་ཁྲོམ་རའི་ཁྲོད་ཨ་རིས་བཟུང་བའི་བསྡུར་ཚད་43%བར་འཕར་ནས་ཨང་གཉིས་པ་ཡིན་པའི་ཧྥ་རན་སེ་ལས་9.6%ཡིས་མཐོ་བ་ཡོད།
སྙན་ཞུའི་གྲངས་གཞི་ལས་མངོན་པར། 2020ལོ་ནས་2024ལོ་བར་ཡུག་རེན་གོ་ལ་ཧྲིལ་པོའི་གོ་མཚོན་ནང་འདྲེན་རྒྱལ་ཁབ་ཆེ་ཤོས་སུ་གྱུར་བ་དང་ནང་འདྲེན་བྱེད་ཚད་ལྡབ་100ལ་ཉེ་བ་འཕར་ཡོད། ད་ཆ་ཡུག་རེན་གྱི་གོ་མཚོན་ནང་འདྲེན་བྱེད་ཚད་ཀྱིས་གོ་ལ་ཧྲིལ་པོའི་གོ་མཚོན་ནང་འདྲེན་བསྡོམས་འབོར་གྱི་8.8%བཟུང་བའི་ནང་45%ཨ་རིས་མཁོ་འདོན་བྱས་ཡོད། གཞན་ཡང་ཨུ་རུ་སུ་དང་ཡུག་རེན་གྱི་གདོང་ཐུག་སོགས་རྒྱུ་རྐྱེན་དབང་གིས། 2020ལོ་ནས་2024ལོ་བར་ཡོ་རོབ་ཀྱི་གོ་མཚོན་ནང་འདྲེན་བྱེད་ཚད་དེ་སྔོན་གྱི་ལོ་ལྔ་ལས་155%འཕར་ཡོད། དེའི་ནང་ཨ་རིས་64%མཁོ་འདོན་བྱས་ཡོད།