དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ཀྲུང་གོའི་ཁེ་ལས་མཁས་ཅན་གྱི་འཐུས་མི་ཚོགས་པས་ཨོ་སི་ཁྲུ་རི་ཡར་འཚམས་འདྲི་བྱས་པ།

  • ཡོང་ཁུངས།  ཤིན་ཧྭ་གསར་འགྱུར་ཁང་།   |     སྤེལ་དུས།  2025-03-21

    ཤིན་ཧྭ་གསར་འགྱུར་ཁང་གྲོང་ཁྱེར་ཝི་ཨེན་ན་ནས་གློག་འཕྲིན་འབྱོར་གསལ། ཟླ་3ཚེས་13ནས་16ཉིན་བར། ཀྲུང་གོའི་རྒྱལ་སྤྱིའི་ཚོང་དོན་སྐུལ་སྤེལ་ཨུ་ལྷན་གྱིས་ཀྲུང་གོའི་ཁེ་ལས་མཁས་ཅན་གྱི་འཐུས་མི་ཚོགས་པ་སྒྲིག་འཛུགས་བྱས་ནས་ཨོ་སི་ཁྲུ་རི་ཡར་འཚམས་འདྲི་བྱས་པ་དང་། དེ་ནི་ཨོ་སི་ཁྲུ་རི་ཡའི་སྲིད་གཞུང་གསར་པ་བཙུགས་རྗེས་བསུས་པའི་ཀྲུང་གོ་ཕྱོགས་ཀྱི་ཨོ་སི་ཁྲུ་རི་ཡར་འཚམས་འདྲིའི་གཞི་ཁྱོན་ཆེ་བའི་ཚོགས་པ་དང་པོ་རེད། ཕྱོགས་གཉིས་པོའི་ཁེ་ལས་ཀྱིས་རླངས་འཁོར་དང་། ཞིང་ལས། བཟའ་བཅའ་ལས་སྣོན་སོགས་ཐོན་ལས་ལ་དམིགས་ནས་སྤེལ་རེས་གཏིང་ཟབ་བྱས་པ་དང་མཉམ་ལས་ཀྱི་འདོད་མཐུན་མང་པོ་བཞག་ཡོད།

    འཚམས་འདྲི་བྱེད་རིང་ཀྲུང་གོའི་རྒྱལ་སྤྱིའི་ཚོང་དོན་སྐུལ་སྤེལ་ཨུ་ལྷན་གྱི་ཚོགས་གཙོ་རེན་ཧུང་པིན་གྱིས་ས་གནས་དེ་གའི་སྲིད་ཚོང་ལས་རིགས་ཀྱི་མི་སྣ་དང་དེ་བཞིན་མཉམ་འབྲེལ་རྒྱལ་ཚོགས་ཀྱི་འབྲེལ་ཡོད་ལས་ཁུངས་ཀྱི་འཐུས་མི་དང་སྤེལ་རེས་རྒྱ་ཁྱབ་བྱས་པ་མ་ཟད། ཀྲུང་ཨོའི་དཔལ་འབྱོར་ཚོང་དོན་གླེང་སྟེགས་དང་མཁོ་སྤྲོད་འཁོར་འབྲེལ་དངོས་མང་སྟོན་ཚོགས་སྐབས་གསུམ་པའི་འོས་སྦྱོར་ངོ་སྤྲོད་ཚོགས་འདུར་ཡང་ཞུགས་ནས་ཀྲུང་གོ་ཕྱོགས་ཀྱིས་ཕྱོགས་ཁག་དང་མཉམ་དུ་དཔལ་འབྱོར་ཚོང་དོན་མཉམ་ལས་ལ་སྐུལ་འདེད་གཏོང་བ་དང་། དྲང་བདེན་གྱི་ཕྱོགས་མང་རིང་ལུགས་མཐའ་འཁྱོངས་བྱེད་པ། ཕྱོགས་མང་གི་ཉོ་ཚོང་སྒྲིག་སྲོལ་ལ་ཐུན་མོང་ཐོག་སྲུང་སྐྱོང་བཅས་བྱས་ནས་གོ་ལ་ཧྲིལ་པོའི་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་ཤར་བགྲོད་བརྟན་པོ་ཡོང་བར་སྐུལ་འདེད་གཏོང་འདོད་ཡོད་ཅེས་ནན་བཤད་གནང་བ་དང་། ཨོ་སི་ཁྲུ་རི་ཡའི་བཟོ་ཚོང་ལས་རིགས་མཁོ་སྤྲོད་འཁོར་འབྲེལ་དངོས་མང་སྟོན་ཚོགས་སྐབས་གསུམ་པར་ཞུགས་རྒྱུར་དགའ་བསུ་ཞུ་རྒྱུ་ཡིན་ཞེས་བཤད།

    ཨོ་སི་ཁྲུ་རི་ཡའི་བཟོ་ཚོང་ལས་རིགས་ཀྱི་མི་སྣས་ཀྲུང་གོའི་བཟོ་ཚོང་ལས་རིགས་དང་མཉམ་ལས་ལ་ཤུགས་སྣོན་བརྒྱབ་ནས་ཚོང་དོན་སྲུང་སྐྱོང་རིང་ལུགས་ལ་མཉམ་དུ་ངོ་རྒོལ་བྱས་ཏེ། ཀྲུང་གོའི་ཁེ་ལས་དེ་བས་མང་བ་ཨོ་སི་ཁྲུ་རི་ཡར་མ་འཇོག་ལས་དར་ལ་ཡོང་ནས། རྒྱལ་ཁབ་གཉིས་པོའི་མཛའ་མཐུན་འཐབ་ཇུས་ཀྱི་རོགས་ཟླའི་འབྲེལ་བ་སླར་ཡང་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་རྒྱུའི་རེ་བ་ཡོད་ཅེས་བརྗོད།

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

མཉམ་སྤྱོད།

འབྲེལ་ཡོད་གསར་འགྱུར།