འདི་ནི་ཏུང་ཅང་ཕྱོགས་བསྡུས་སྒོ་ཁྲལ་མེད་ཁུལ་དུ་སྒྱུར་བཟོ་བྱེད་བཞིན་པའི་མཁའ་འགྲུལ་གནམ་གྲུ་ཡིན་པ།

འདི་ནི་བཤིག་ཟིན་པའི་མཁའ་འགྲུལ་གནམ་གྲུའི་མ་སྒྲོམ་ཐེན་ཅིན་གྲུ་ཁར་དབོར་བཞིན་པ།

མི་རིང་བའི་གོང་། ཐེན་ཅིན་ཏུང་ཅང་ཕྱོགས་བསྡུས་སྒོ་ཁྲལ་མེད་ཁུལ་དུ་མི་མི་ཉུང་བ་ཞིག་གིས“གནམ་གྲུ་གཞུང་ལམ་སྟེང་སྐྱོད་པའི”ངོ་མཚར་ཆེ་བའི་རྣམ་པ་པར་དུ་བླངས་ཡོད།

མི་རྣམས་ཀྱིས་གཞུང་ལམ་ནས་པར་དུ་བླངས་པའི་འཕུར་མཚམས་བཞག་པའི་མཁའ་འགྲུལ་གནམ་གྲུ་དེ་ད་ཆ་ཏུང་ཅང་ཕྱོགས་བསྡུས་སྒོ་ཁྲལ་མེད་ཁུལ་དུ་སྒྱུར་བཟོ་བྱེད་བཞིན་ཡོད། སྒྱུར་བཟོ་བྱས་ཟིན་རྗེས་གནམ་གྲུའི་ཕྱི་སྒྲོམ་དེ་གནམ་གྲུ་གཏོང་རྩལ་ཉམས་ལེན་དང་། མཁའ་འགྲུལ་ཤེས་བྱའི་ཚན་རིག་ཁྱབ་གདལ། བཟའ་བཏུང་རོལ་རྩེད་སོགས་ཀྱི་ནུས་པ་ལྡན་པའི་ཡུལ་སྐོར་ཉམས་ལེན་གཞི་གཅིག་ཅན་དུ་འགྱུར་རྒྱུ་ཡིན་ཞིང་། སྔོན་དཔག་བྱས་ན“ལྔ་གཅིག”ངལ་རྩོལ་དུས་ཆེན་རིང་སྤྱི་དམངས་ཀྱི་མིག་ལམ་དུ་གཤོམ་རྒྱུ་རེད།

ཞ་མོན་ལུའུ་ཧྥུའུ་མཁའ་འགྲུལ་ཚན་རྩལ་ཚད་ཡོད་ཀུང་སིས་གཙོ་བོ་གནམ་གྲུ་རྙིང་པ་བོགས་མར་གཏོང་བ་དང་མཐའ་མའི་ཐག་གཅོད་ལས་སྒོ་གཉེར་གྱི་ཡོད། ཀུང་སིའི་ལས་གཉེར་པུའུ་ཡི་སྤྱི་ཁྱབ་ཅིང་ལི་ཤུའེ་ཧུང་པོ་ཡིས། མཁའ་གྲུ་A330-200རྟགས་ཅན་དེའི་ལོ་ཚད་ལོ་20ཙམ་ཡིན་པ་དང་། འགྲུལ་ཚང་གི་སྒྲིག་ཆས་རྙིང་པ་ཆགས་པ་སོགས་ཀྱི་དབང་གིས་འཕུར་མཚམས་བཞག་ཡོད་ཅེས་ངོ་སྤྲོད་བྱས་པ་རེད།

ལོ་ཤས་རིང་། ཀུང་སིས་གནམ་གྲུའི་སྒྲོམ་20ཙམ་བཙོངས་པའི་གྲས་ནས་ལ་ལ་མེ་གསོད་ནང་སྦྱོང་ལ་སྤྱད་པ་དང་། ལ་ལ་སློབ་ཁྲིད་སྒྲིག་ཆས་སུ་བསྒྱུར་བ། ད་དུང་འགའ་ཞིག་ཁང་པ་འཚོང་སའམ་རིག་གནས་ཡུལ་སྐོར་བཟའ་བཏུང་གསར་སྤེལ་བྱེད་སར་སྤྱད་ཡོད། ཤེས་རྟོགས་བྱུང་བར་གཞིགས་ན། མིག་སྔར་རང་རྒྱལ་གྱི་སྐྱེལ་འདྲེན་གནམ་གྲུ་4300ལྷག་ཙམ་ཟིན་པ་དང་གནམ་གྲུ་མི་ཉུང་བ་ཞིག་གི་ལོ་ཚད་ལོ་10ཟིན་ཡོད་པ་དེ་ཐོག་ནས་འབྱུང་འགྱུར་ལོ་10ཡི་ནང་གནམ་གྲུའི་མཐའ་མའི་ཐག་གཅོད་ལས་སྒོ་མང་དུ་འགྲོ་རྒྱུ་ཡིན་པ་མཚོན་གྱི་ཡོད།