དངུལ་རྩ་ལྟ་འདོམས་སྤྱི་ཁྱབ་ཅུས་ཀྱིས་དངུལ་རྩའི་སྒྲིག་གཞིས་འཛད་སྤྱོད་དངུལ་རྩ་འཕེལ་རྒྱས་བཏང་ནས་མི་སྒེར་ལ་འཛད་སྤྱོད་དངུལ་བུན་གཏོང་ཤུགས་ཆེ་རུ་གཏོང་དགོས་པའི་བླང་བྱ་བཏོན་པ།
ཉེ་ཆར་དངུལ་རྩ་ལྟ་འདོམས་སྤྱི་ཁྱབ་ཅུས་ཀྱིས་བརྡ་ཐོ་བཀྲམ་སྟེ་དངུལ་རྩའི་སྒྲིག་གཞིས་འཛད་སྤྱོད་དངུལ་རྩ་འཕེལ་རྒྱས་བཏང་ནས་འཛད་སྤྱོད་ཁྱབ་ཁོངས་ཀྱི་དངུལ་རྩའི་དགོས་མཁོ་དེ་བས་ལེགས་པའི་སྒོ་ནས་སྐོང་དགོས་པའི་བླང་བྱ་བཏོན་ཞིང་། དངུལ་ཁང་ལས་རིགས་ཀྱི་དངུལ་རྩའི་སྒྲིག་གཞིས་ཉེན་ཁ་ཚོད་འཛིན་བྱེད་ཐུབ་པའི་སྔོན་འགྲོའི་ཆ་རྐྱེན་འོག་མི་སྒེར་ལ་འཛད་སྤྱོད་དངུལ་བུན་གཏོང་ཤུགས་ཆེ་རུ་གཏོང་བ་དང་། འཛད་སྤྱོད་དངུལ་བུན་གྱི་གྲངས་ཚད་དང་། དུས་ཚད། སྐྱེད་ཚད་བཅས་ལུགས་མཐུན་ངང་གཏན་འཁེལ་བྱས་ནས་ཐོན་ཁུངས་བཀོད་སྒྲིག་ལེགས་སུ་གཏོང་བ་དང་། ཐོབ་ཐང་ཞིབ་དཔྱད་ནུས་ལྡན་དང་ཉེན་ཁ་ཚོད་འཛིན་ཐུབ་པའི་སྔོན་འགྲོའི་ཆ་རྐྱེན་འོག་དྲ་ཐོག་ཏུ་ཡིད་རྟོན་གཱ་འཛུགས་པ་དང་ནུས་སློང་བྱེད་པའི་ལས་སྒོ་འཚོལ་ཞིབ་བྱས་ནས་གཉེར་དགོས་པའི་ལྕག་སྐུལ་བྱས་ཡོད།
དངུལ་རྩ་ལྟ་འདོམས་སྤྱི་ཁྱབ་ཅུས་ཀྱི་འབྲེལ་ཡོད་སི་དང་ཅུས་ཀྱི་འགན་འཁུར་བས། དངུལ་ཁང་ལས་རིགས་ཀྱི་དངུལ་རྩའི་སྒྲིག་གཞིས་དངུལ་གཡར་མཁན་གྱི་ཡིད་རྟོན་ཟིན་ཐོ་དང་དངུལ་འཇལ་འགན་ལེན་གཞིར་བཟུང་། གནས་སྐབས་དཀའ་ངལ་འཕྲད་པའི་དངུལ་གཡར་མཁན་ལ་གཞིགས་ཏེ་དངུལ་བུན་འཇལ་བའི་དུས་ཚད་དང་ཐེངས་གྲངས་ལུགས་མཐུན་ངང་གྲོས་ཐག་གཅོད་ཆོག དངུལ་གཡར་མཁན་གྱི་རེ་ཞུ་གཞིར་བཟུང་ཞིབ་བཤེར་བྱས་ནས་ཚད་གཞི་ལོན་རྗེས་ཆ་རྐྱེན་དང་མཐུན་པའི་དངུལ་གཡར་མཁན་ལ་མུ་མཐུད་དངུལ་བུན་གཏོང་རྒྱུའི་རྒྱབ་སྐྱོར་བྱེད་དགོས་ཞེས་བརྗོད་ཡོད།