མ་འོངས་པར་AIཡིས་ངའི་ཚབ་བྱེད་སྲིད་དམ།

མ་འོངས་པར་AIཡིས་ངའི་ཚབ་བྱེད་སྲིད་དམ། གནད་དོན་འདིས་མི་མང་པོ་ཞིག་གི་ཡ་མཚན་དང་སེམས་ཁྲལ་མཚོན་ཡོད། གྲོལ་མ་ཐག་པའི་རྒྱལ་ཡོངས་ཚོགས་འདུ་གཉིས་རིང་ཚོགས་ར་ནས་སྡོད་སའི་བར་འཐུས་མི་དང་ཨུ་ཡོན་རྣམས་ཀྱིས་ཀྱང་གླེང་མོལ་འཁྲུག་པོ་གནང་བ་རེད།

ངས་DeepSeekནས་བདེན་དཔང་བཙལ་བ་སྟེ། “ཁྱེད་ཀྱིས་དོ་ཁུར་ཆེ་ཤོས་བྱེད་པའི་མི་ཐབས་རིག་ནུས་སྐོར་གྱི་གནད་དོན་ནི་གང་ཞིག་ཡིན་ནམ། AIཡིས་མིའི་རིགས་ཀྱི་ལས་ཀའི་ཚབ་བྱེད་སྲིད་དམ”ཞེས་པའི་སྐོར་འདྲི་མཁན་མང་ཤོས་ཡིན།

དོན་དངོས་ཐོག་འདི་ནི་གནད་དོན་གསར་པ་ཞིག་མིན། མིའི་རིགས་ཀྱིས་མི་ཐབས་རིག་ནུས་ལ་ཡ་མཚན་ཅི་ཙམ་ཡོད་ན་སེམས་ཁྲལ་ཡང་དེ་འདྲ་ཡོད།

མིའི་རིགས་ཀྱིས་AIལ་ལྟ་སྟངས་ཇི་ལྟར་འཛིན་གྱི་ཡོད་དམ། གནད་དོན་དེ་ནི་མེ་ལོང་ཞིག་དང་འདྲ་བས། རང་ཉིད་ཀྱི་ངེས་ཤེས་གསལ་པོར་མངོན་གྱི་ཡོད། AIཐད་སེམས་ཁྲལ་བྱེད་པ་ནི་མདོར་ན་དེའི་ཐད་རྒྱུས་མངའ་མེད་པས་རེད། དེས་ན་ང་ཚོས་སྔོན་ལ་AIནི་གང་ཞིག་ཡིན་པ་གསལ་པོར་ཤེས་དགོས།

ལག་རྩལ་མངོན་འགྱུར་གྱི་ངོས་ནས་བལྟས་ན། ད་ལྟའི་AIནི“མི་དང་འདྲ་བར་བསམ་བློ་གཏོང་ཐུབ་མཁན་རེད”ཅེས་ཤོད་པ་ལས། དེ་ནི“སློབ་སྦྱོང་ཐུབ་མཁན་འཕྲུལ་འཁོར”ཞིག་རེད་ཅེས་བརྗོད་ན་འཚམ་ཤོས་རེད།

དུས་རབས་གོང་མའི་ལོ་རབས་50པ་ནས་བཟུང་ཚན་རིག་པས་ཐབས་ཤེས་མང་པོ་ཞིག་བསམ་བློ་བཏང་སྟེ། རྩིས་རྒྱག་འཕྲུལ་འཁོར་ལ་མིའི་ཤེས་ཚོར་དང་ཤེས་རྟོགས་ཀྱི་རིག་ནུས་ལྡན་དུ་འཇུག་རྩིས་བྱས་མོད། འོན་ཀྱང་ཕན་འབྲས་ཆེན་པོ་ཐོན་མེད། ཉེ་བའི་ལོ་ཤས་རིང་གྲངས་གཞི་ཆེན་པོས་སྐུལ་འདེད་གཏོང་བའི་སློབ་སྦྱོང་གཏིང་ཟབ་དང་འཕྲུལ་ཆས་སློབ་སྦྱོང་ལ་ཚད་བརྒལ་ཆེན་པོ་བྱུང་ཡོད། དེའི་དམའ་རིམ་གཏན་ཚིགས་ནི་མིའི་ཀླད་པའི་འཁོར་རྒྱུག་ལ་ལད་ཟློས་བྱེད་པ་མ་ཡིན་པར་གྲངས་གཞིའི་བསྡོམས་རྩིས་ཀྱི་མ་དཔེ་བཟོ་བ་ཞིག་རེད།

“གང་ཞིག་ཡིན་པ”གསལ་པོ་ཤེས་རྗེས། དེ་རྗེས་གཞི་ནས“ཇི་ལྟར་བྱེད་དགོས་པ”བརྗོད་དགོས། “མི་ཐབས”AIཡིས་ཚབ་བྱེད་སྲིད་དམ།

ཁྱབ་ཁོངས་ཁ་ཤས་ནང་ཕལ་ཆེར་ཚབ་བྱེད་སྲིད། ཉེ་སར་བལྟས་ན། AIཁ་ལོ་བ་དང་། AIགཙོ་སྐྱོང་བ། AIལས་རོགས་དགེ་རྒན། AIསྨན་པ་བཅས་ལས་གནས་སུ་ཞུགས་བཞིན་ཡོད་མོད། ཁྱབ་ཁོངས་ཁ་ཤས་ནང་ཚབ་བྱེད་ཐབས་བྲལ་བ་རེད། AIནི་ལག་ཆ་ཙམ་རེད། མིའི་དམིགས་བསལ་གྱི་ཚོར་ཤེས་དང་། དབྱེ་འབྱེད། མཛེས་དཔྱད་བཅས་ནི་ཚབ་བྱེད་ཐབས་བྲལ་བ་ཞིག་རེད། དེ་དང་དུས་མཚུངས་ལས་གནས་རྙིང་པ་ཉུང་དུ་ཕྱིན་པ་དེས་ལས་རྣམ་གསར་པ་དང་ལས་གནས་གསར་པ་ཐོན་བཞིན་ཡོད། ལོ་རྒྱུས་ཐོག་རླངས་འཁོར་གྱིས་ཤིང་རྟ་འཁོར་ལོའི་ཚབ་བྱེད་པ་དང་པར་འདེབས་ལག་རྩལ་གྱིས་ལག་བྲིས་ཀྱི་ཚབ་བྱས་ཡོད། དུས་ཐུང་ནང་མི་འགའ་ཞིག་ལས་ཀ་ཤོར་མོད། འོན་ཀྱང་ཕུགས་ནས་བལྟས་ཚེ་ལས་ཞུགས་ཀྱི་གོ་སྐབས་ནི་དེ་སྔའི་ལྡབ་ཁྲི་སྟོང་རེད།

AIཡིས་ཕྱིས་སུ་གོ་སྐབས་གང་ཞིག་སྐྲུན་སྲིད་དམ།

《སྲིད་གཞུང་གི་ལས་དོན་སྙན་སྒྲོན》ནང་ལན་བཏབ་དོན། “མི་ཐབས་རིག་ནུས་+”བྱ་སྤྱོད་ལ་མུ་མཐུད་སྐུལ་འདེད་བཏང་སྟེ། གྲངས་འཛིན་ལག་རྩལ་དང་བཟོ་སྐྲུན་ལེགས་ཆ་དང་ཁྲོམ་རའི་ལེགས་ཆ་ཟུང་འབྲེལ་སྔར་བས་ལེགས་པར་བྱས་ཏེ། དཔེ་དབྱིབས་ཆེན་པོ་རྒྱ་ཁྱབ་ཏུ་བཀོལ་སྤྱོད་བྱེད་པར་རྒྱབ་སྐྱོར་བྱེད་པ་དང་རིག་ནུས་དྲ་སྦྲེལ་ནུས་རྒྱུ་གསར་པའི་རླངས་འཁོར་དང་། མི་ཐབས་རིག་ནུས་ལག་ཐོགས་ཁ་པར་དང་གློག་ཀླད། རིག་ནུས་འཕྲུལ་་མི་སོགས་རབས་གསར་པའི་རིག་ནུས་མཐའ་སྣེ་དང་དེ་བཞིན་རིག་ནུས་བཟོ་སྐྲུན་སྒྲིག་ཆས་བཅས་འཕེལ་རྒྱས་ཤུགས་ཆེན་གཏོང་དགོས།

ཚོགས་འདུ་གཉིས་རིང་འཐུས་མི་དང་ཨུ་ཡོན་གྱིས་གཅིག་རྗེས་གཉིས་མཐུད་ངང་ཐབས་ཇུས་བཏོན་གནང་བ་སྟེ། རིག་ནུས་རྒན་གསོའི་འཕྲུལ་མི་ཞིབ་བཟོ་དང་གསར་སྤེལ་ལ་ཤུགས་སྣོན་རྒྱག་པ་དང་། མི་ཐབས་རིག་ནུས་དེ་སློབ་གསོ་གསོ་སྐྱོང་མ་ལག་སོགས་ནང་སྤྱོད་རྒྱུ་དང“མི་ཐབས་རིག་ནུས+”ཀྱི་ནུས་པ་ལས་གནས་ཁྲི་སྟོང་ལ་ཁྱབ་དགོས་པ་གླེང་ཡོད།

དེ་སྔ་དབུགས་རླངས་གསར་བརྗེ་དང་གློག་རླངས་གསར་བརྗེའི་ཁྲོད་གོ་སྐབས་ཤོར་བའི་ཀྲུང་གོས་ད་ཐེངས་གཏིང་ཟབ་ལ་རྒྱང་རིང་ཕྱོགས་སུ་བལྟས་ཡོད། “མི་ཐབས་རིག་ནུས་ནི་རེས་སྐོར་གསར་པའི་ཚན་རྩལ་གསར་བརྗེ་དང་ཐོན་ལས་འཕོ་འགྱུར་གྱི་སྐུལ་འདེད་སྟོབས་ཤུགས་གལ་ཆེན་ཞིག་ཡིན”རྩེ་རིམ་ཇུས་འགོད་ཀྱིས་མི་ཐབས་རིག་ནུས་དེ་འཐབ་ཇུས་རང་བཞིན་གྱི་ཐོན་ལས་སུ་བརྩིས་ནས་འབྱུང་འགྱུར་གྱི་ཐོན་ལས་བཀོད་སྒྲིག་ནས་རྩིས་ནུས་བཀོད་སྒྲིག་དང་ཡུལ་ལྗོངས་བཀོད་སྒྲིག་བར་ལག་བསྟར་བརྟན་པོ་ཡོང་བ་བྱ་རྒྱུ་དང་། དེ་དང་ཆབས་ཅིག་དེའི་ལག་རྩལ་དང་མི་ཆོས་ཀྱི་ཉེན་ཁར་ངོས་འཛིན་གང་ལེགས་བྱས་ཏེ་AIཡི་ལེགས་ཆ་འགན་ལེན་གྱིས་ཆུ་མ་ཤོར་གོང་གི་རགས་བརྒྱབ་ཡོད།

ཚན་རྩལ་གྱིས་དགེ་བརྩོན་བྱེད་པ་ནི་ངོ་བོའི་ཐོག་ནས་མི་ཚང་མར་གོ་སྐབས་དེ་བས་མང་བ་གཏོད་ཡོད།

ལོ་ངོ་5000ལྷག་ཙམ་གྱི་ཤེས་དཔལ་ལོ་རྒྱུས་ལྡན་པའི་ས་གཞི་འདིའི་ཐོག་སྤྱོད་མཁན་དུང་ཕྱུར་2.5ཙམ་གྱིས་སྐྱེད་གྲུབ་རྣམ་པའི་AIདང་ལེན་བྱས་པར་མི་ཐབས་རིག་ནུས་ཀྱི་ལྟེ་བའི་ཐོན་ལས་ཀྱི་གཞི་ཁྱོན་སྒོར་དུང་ཕྱུར་6000ཙམ་ཟིན་གྱི་ཡོད་པ་རེད། ཉིང་ལྷེབ་དང་། རྩི་ཐབས། གྲངས་གཞི། ལས་སྟེགས། ཉེར་སྤྱོད་བཅས་ཀྱི་ཐོན་ལས་འབྲེལ་ཐག་གི་ལྷུ་ཚིགས་རེ་རེ་ནི་གསར་གཏོད་དང་ལས་གཏོད་ཀྱི་འགྲན་ལམ་ཞིག་ཡིན།

མ་འོངས་པར་རེ་བས་ཁེངས་ཤིང་། AIཡིས་ནམ་ཡང་མིའི་ཚབ་ཡོད་ཚད་བྱེད་མི་ཐུབ།

བྲིས་མཚམས་འདིར་ངས་ཡང་DeepSeekལ་དྲིས་དོན། AIདང་བསྡུར་ན། མིའི་འགྲན་རྩོད་ནུས་པ་གང་དུ་ཡོད་དམ། DeepSeekཡིས་ལན་བརྒྱབ་དོན།

མི་ཐབས་རིག་ནུས་ནི་རྗེས་དཔག་གི་སྣུར་སྲིང་ཞིག་ཡིན་ལ། མིའི་རིགས་ནི་ཚོར་ཤེས་དང་རྗེས་དཔག་གི་མཉམ་བསྡུས་ཤིག་རེད། ཉེན་ཁ་ཡོད་པ་ནི་འཕྲུལ་ཆས་ཀྱིས་མི་དང་འདྲ་བར་བསམ་བློ་གཏོང་ཤེས་པ་དེ་མིན་པར། མིས་འཕྲུལ་ཆས་དང་འདྲ་བར་ལས་ཀ་བྱེད་པ་དེ་ཡིན།

མི་དང་འཕྲུལ་ཆས་ཀྱི་མཉམ་ལས་བྱེད་འགོ་ཚུགས་པར་ཁྱེད་ཀྱིས་གྲ་སྒྲིག་ཡག་པོ་བྱས་ཟིན་ནམ།