འདི་ནི་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ལྷན་ཤང་ཁྲའུ་ཆེ་གྲོང་ཚོར་མང་ཚོགས་ཚོས་རྨོན་མཛོ་དོར་སྦྲེལ་གྱི་མཛད་སྒོ་འཚོགས་ནས་ས་ཞིང་རྨོ་བཞིན་པ།

འདི་ནི་ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་ཀོང་པོ་རྒྱ་མདའ་གྲོང་རྡལ་ང་ཕོད་གྲོང་ཚོའི་བུ་མོ་ཆུང་ཆུང་ཚེ་བརྟན་ལྷ་མོས་སོན་གཤོ་བཞིན་པ།

འདི་ནི་མལ་གྲོ་གུང་དཀར་རྫོང་གི་ཞིང་ཐང་དུ་འདྲུད་འཐེན་འཁོར་ལོ་བང་བསྒྲིགས་ནས་ཞིང་ནང་དུ་སྐྱོད་བཞིན་པ།

འདི་ནི་ལྷ་རྩེ་རྫོང་ཆུ་ཤར་གྲོང་རྡལ་དོན་གླིང་གྲོང་ཚོའི་ཡུལ་མིས་ལུས་ལ་གཟབ་མཆོར་སྤྲས་ནས་གཉའ་གཅོག་མཛད་སྒོར་ཞུགས་བཞིན་པ།

ཚེས་16ཉིན། བོད་ཀྱི་ཞིང་ཁུལ་རྫོང་ཁག་ གིས་2025ལོའི་གཉའ་གཅོག་མཛད་སྒོ་འཚོགས་ནས་ལོ་འཁོར་མོའི་ཞིང་ལས་ཐོན་སྐྱེད་ཀྱི་འགོ་བཙུགས་ཡོད།

ཤེས་རྟོགས་བྱུང་གསལ། 2024ལོར་ལྷ་ས་གྲོང་ཁྱེར་མལ་གྲོ་གུང་དཀར་རྫོང་དཔེ་མཚོན་དུ་བྱས་ན། ཁྱོན་འབྲུ་རིགས་ཐོན་འབབ་བསྡོམས་འབོར་ཏུན་ཁྲི་2.8ལས་བརྒལ་བ་དེ་དུས་མཚུངས་ལས་2.23%འཕར་ཡོད་པ་དང་། ཞིང་འབྲོག་པའི་ཡོང་འབབ་བརྟན་པོའི་ངང་འཕར་ནས་ལོ་གསུམ་བསྟུད་མར་གྲོང་ཁྱེར་རིམ་པའི་འབྲུ་རིགས་བདེ་འཇགས་ཐོན་སྐྱེད་ཀྱི་བྱ་དགའ་ཐོབ་པ་མ་ཟད། ཞིང་པའི་ཡོང་འབབ་ཀྱང་ཆེས་ཆེར་འཕར་ཡོད།