འདི་ནི་ཟླ་3ཚེས་15ཉིན་སའེ་ལི་མུའུ་མཚོ་མཛེས་ལྗོངས་ཁུལ་གྱི་རུ་ཁག་གིས་མཐའ་སྣེར་འབྱོར་རྗེས་རྟེན་འབྲེལ་ཞུ་བཞིན་པ།

ཤིན་ཧྭ་གསར་འགྱུར་ཁང་ཝུའུ་ལུའུ་མུའུ་ཆི་ནས་གློག་འཕྲིན་འབྱོར་གསལ། ཚེས་15ཉིན། “མཚོ་ཐོག་གི་ཐུག་འཕྲད། འཁྱགས་ཤུད་ཀྱི་ཁ་ཆད”ཅེས་པའི་སའེ་ལི་མུའུ་མཚོའི་རྒྱལ་ཡོངས་འཁྱགས་ཤུད་གྲུ་ཤན་འབྲུག་མགོ་མའི་གདན་ཞུས་འགྲན་བསྡུར་སྐབས་དང་པོ་དང་རྒྱལ་ཡོངས་དམངས་ཡོངས་ཀྱི་ལུས་སྦྱོང་འགྲན་བསྡུར་ཆེན་མོ་སྐབས་དང་པོའི（ནུབ་བྱང་ཁུལ）འཁྱགས་ཤུད་གྲུ་ཤན་འབྲུག་མགོ་མའི་འགྲན་བསྡུར་ཤིན་ཅང་པོར་ཐ་ལཱ་སོག་རིགས་རང་སྐྱོང་ཀྲོའུ་སའེ་ལི་མུའུ་མཚོ་མཛེས་ལྗོངས་ཁུལ་དུ་འགོ་ཚུགས་ཤིང་། རུ་ཁག་20དང་འགྲན་ཞུགས་རུ་མི་240ཡིས་འཁྱགས་ཤུད་འགྲན་བསྡུར་བྱས་པ་རེད།

ཤིན་ཅང་ཡུ་གུར་རང་སྐྱོང་ལྗོངས་ལུས་རྩལ་ཅུས་ཀྱི་ཅུས་ཀྲང་གཞོན་པ་ཡེ་ཧའེ་ཡིས། འཁྱགས་ཤུད་གྲུ་ཤན་འབྲུག་མགོ་མ་ནི་སྲོལ་རྒྱུན་གྱི་གྲུ་ཤན་འབྲུག་མགོ་མའི་ལུས་རྩལ་གྱི་གསར་གཏོད་དང་སྣུར་སྲིང་ཞིག་ཡིན་པ་དེས་གངས་འཁྱགས་ལུས་རྩལ་དང་རིག་གནས་ཡུལ་སྐོར་མཉམ་འདྲེས་གཏིང་ཟབ་བྱེད་པར་སྐུལ་འདེད་བཏང་ཡོད། ད་ཐེངས་ཀྱི་འགྲན་བསྡུར་བརྒྱུད། སའེ་ལི་མུའུ་མཚོ་འདི་ཉིད་རྒྱལ་ཡོངས་ཀྱི་གངས་འཁྱགས་ལུས་རྩལ་ལ་དགའ་པོ་བྱེད་མཁན་གྱི་དམིགས་ས་གསར་པ་ཞིག་ཏུ་བསྐྲུན་རྒྱུའི་རེ་བ་ཡོད་ཅེས་ངོ་སྤྲོད་བྱས།

ངོ་སྤྲོད་བྱས་པར་གཞིགས་ན། འཁྱགས་ཤུད་གྲུ་ཤན་འབྲུག་མགོ་མས་སྲོལ་རྒྱུན་གྱི་གྲུ་ཤན་འབྲུག་མགོ་མའི་ལུས་རྩལ་གྱི་རྩལ་བདེ་རང་བཞིན་དང་རྩལ་འགྲན་རང་བཞིན་སོར་འཇོག་བྱས་ཤིང་། གྲུ་ཤན་འབྲུག་མགོ་མའི་ལུས་རྩལ་གྱི་དུས་ཚིགས་ཀྱི་ཚད་བཀག་རང་བཞིན་མེད་པར་བཟོས་ནས་རྩལ་འགྲན་རང་བཞིན་དང་། ཚོཌ་པའི་རང་བཞིན། རོལ་རྩེད་རང་བཞིན་བཅས་མཉམ་འདྲེས་ཀྱི་འཁྱགས་ཤུད་ལུས་རྩལ་རྣམ་གྲངས་ཤིག་ཡིན་པ་རེད།