ཤིན་ཧྭ་གསར་འགྱུར་ཁང་པེ་ཅིང་ནས་ཟླ་3ཚེས་14ཉིན་གློག་འཕྲིན་འབྱོར་གསལ།《2024ལོའི་ཀྲུང་གོའི་རང་བྱུང་ཐོན་ཁུངས་སྤྱི་བསྒྲགས》ནས་མངོན་པར། གྲོང་གསེབ་ཀྱི་གཏན་འཇགས་རྒྱུ་ནོར་གྱི་བདག་དབང་གཏན་འཁེལ་ཐོ་འགོད་ལས་དོན་ལ་སྐུལ་འདེད་བརྟན་པོ་བཏང་ཞིང་། མིག་སྔར་ཁང་སའི་ལམ་ལུགས་སྒྱུར་བཅོས་ཚོད་ལྟའི་ས་ཁུལ་དང་གྲོང་གསེབ་ཀྱི་མཉམ་སྡེབ་གཉེར་སྐྱོང་རང་བཞིན་གྱི་འཛུགས་སྐྲུན་ས་ཆ་ཁྲོམ་ཞུགས་ཚོད་ལྟའི་ས་ཁུལ་དུ་ས་ཁང་གཞི་གཅིག་གི་ཁང་སའི་སྤྱོད་དབང་གཏན་འཁེལ་ཐོ་འགོད་ལས་འགན་གཞི་རྩའི་ཆ་ནས་ལེགས་གྲུབ་བྱུང་ཡོད།

ཚེས་14ཉིན་རང་བྱུང་ཐོན་ཁུངས་པུས་ཁྱབ་བསྒྲགས་བྱས་པའི་སྤྱི་བསྒྲགས་ནང་། ས་གནས་ཁག་གིས་ཁང་སའི་སྤྱོད་དབང་གཏན་འཁེལ་ཐོ་འགོད་ལས་དོན་ལ་སྐུལ་འདེད་ཏན་ཏིག་བཏང་ཞིང་། ཁང་སའི་ལམ་ལུགས་སྒྱུར་བཅོས་ཚོད་ལྟའི་ས་ཁུལ་121དང་གྲོང་གསེབ་ཀྱི་མཉམ་སྡེབ་ཀྱི་གཉེར་སྐྱོང་རང་བཞིན་གྱི་འཛུགས་སྐྲུན་ས་ཆ་ཁྲོམ་ཞུགས་ཚོད་ལྟའི་ས་ཁུལ་350རུ་ས་ཁང་གཞི་གཅིག་གི་ཁང་སའི་སྤྱོད་དབང་གཏན་འཁེལ་ཐོ་འགོད་ལས་དོན་གཞི་རྩའི་ཆ་ནས་ལེགས་གྲུབ་བྱུང་ཡོད་ཅེས་བསྟན་ཡོད།

དེ་དང་ཆབས་ཅིག ས་ཞིང་འགན་གཙང་གཉེར་སྐྱོང་དབང་ཆ་དང་ས་ཞིང་གཉེར་སྐྱོང་དབང་ཆའི་གཏན་འཇགས་རྒྱུ་ནོར་ཐོ་འགོད་ལས་དོན་གོ་རིམ་ལྡན་པའི་སྒོ་ནས་སྤེལ་ཞིང་། 2024ལོའི་ལོ་མཇུག་བར་རྫོང(གྲོང་ཁྱེར་དང་ཆུས)1191དང་རྫོང(གྲོང་ཁྱེར་དང་ཆུས)103སོ་སོར་ས་ཞིང་འགན་གཙང་གཉེར་སྐྱོང་དབང་ཆ་དང་ས་ཞིང་གཉེར་སྐྱོང་དབང་ཆའི་གཏན་འཇགས་རྒྱུ་ནོར་དབང་ཆའི་ལག་ཁྱེར་སྤྲད་ཡོད། ནགས་དབང་ཐོ་འགོད་ཀྱི་སྤུས་འབྲས་ལེགས་གཉེར་གྱི་ཚོད་ལྟ་བྱས་པའི་ཐད། རྒྱལ་ཡོངས་སུ་ནགས་དབང་ཐོ་འགོད་ཀྱི་དཔྱད་ཡིག་རྩིས་སྤྲོད་ལས་དོན་ལེགས་གྲུབ་བྱུང་ཞིང་། རྫོང(གྲོང་ཁྱེར་དང་ཆུས)1479རུ་ནགས་དབང་ཐོ་འགོད་ཀྱི་གསོག་འབོར་བསྡུ་སྒྲིལ་ལེགས་གྲུབ་བྱུང་ཡོད།