དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་ནང་།
  • ཅང་སུའུ་ཡིས་སྟོབས་ཤུགས་གཅིག་སྒྲིལ་གྱིས་ཐོན་ལས་ ཚན་རྩལ་གསར་གཏོད་ཀྱི་གནས་གཞི་བསྐྲུན་པ།

  • ཡོང་ཁུངས།  མི་དམངས་ཉིན་རེའི་ཚགས་པར།   |     རྩོམ་པ་པོ།  ཧོ་ཚུང་།   |     སྤེལ་དུས།  2025-03-16

    ཅང་སུའུ་ཞུས་ཀྲོའུ་ཡི་ཝོའོ་ཉིའུ་རི་བོའི་ས་འོག་གི་སྨི་100ལྷག་ཙམ་གྱི་སར། གོ་ལ་ཧྲིལ་པོའི་ས་གཏིང་ལས་གྲྭའི་ཁྱབ་ཁོངས་ཀྱི་གཞི་ཁྱོན་ཆེ་ཤོས་ཀྱི་ས་འོག་ཚོད་ལྟ་ཁང་སྟེ། ས་གཏིང་ཚན་རིག་དང་ལས་གྲྭའི་ཡུན་ལུང་ཧུའུ་ཚོད་ལྟ་ཁང་གི་སྒོ་བྱང་ཉིན་ཤས་གོང་དངོས་སུ་ཕྱེ་བ་དང་། ཅང་སུའུ་ནན་ཅིན་དུ་ཡོད་པའི་ཙི་ཅིན་ཧྲན་ཚོད་ལྟ་ཁང་ནས་གཏམ་བཟང་ཡང་ཡང་གྲགས་པ། གོ་ལ་ཧྲིལ་པོའི་འོད་གློག་མཉམ་འདྲེས་གཏན་འཁེལ་རང་བཞིན་གྱི་རྩིས་རྒྱག་དྲ་བའི་རྨང་གཞིའི་སྒྲིག་བཀོད་གསར་པ་ཐོག་མ་སྤྱོད་འགོ་ཚུགས་པ་བཅས་རྒྱལ་ཁབ་ཀྱི་ཚོད་ལྟ་ཁང་དང་རྒྱལ་ཡོངས་ཀྱི་གཙོ་གནད་ཚོད་ལྟ་ཁང་སོགས་ཚན་རྩལ་གསར་གཏོད་ལས་སྟེགས་བསྐྲུན་པར་སྐུལ་འདེད་གཏོང་བ་དང་འཐབ་ཇུས་རང་བཞིན་གྱི་གསར་དར་ཐོན་ལས་དང་འབྱུང་འགྱུར་ཐོན་ལས་འཕེལ་རྒྱས་ལ་སྣེ་ཁྲིད་བྱས་ཏེ། ཅང་སུའུ་ཡིས་སྟོབས་ཤུགས་གཅིག་སྒྲིལ་གྱིས་གོ་ལ་ཧྲིལ་པོའི་ཐོན་ལས་ཚན་རྩལ་གསར་གཏོད་ཀྱི་གནས་གཞི་གལ་ཆེན་སྐྲུན་བཞིན་ཡོད།

    2023ལོའི་ཟླ་7པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཅང་སུའུ་ལ་རྟོག་ཞིབ་གནང་སྐབས། ཅང་སུའུ་ལ“ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་ཁྲོད་མདུན་གྲལ་དུ་སྐྱོད་པ་དང་མིག་དཔེ་འདོན་པའི་ནུས་པ་ཡོད་ལ་འགན་འཁྲི་ཡང་ཡོད”ཅེས་ནན་བཤད་གནང་ཡོད། ད་ལོའི་རྒྱལ་ཡོངས་ཀྱི་ཚོགས་འདུ་གཉིས་སུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་ཅང་སུའུ་ཡི་འཐུས་མི་ཚོགས་པའི་གྲོས་ཞིབ་ལ་ཞུགས་སྐབས་ཅང་སུའུ་ཡི་ལས་དོན་ལ་ཁས་ལེན་གང་ལེགས་གནང་བ་མ་ཟད། ཅང་སུའུ་ཡིས་ལྕི་འགན་འཁུར་བའི་འགན་འཁྲི་དོན་འཁྱོལ་ཡག་པོ་བྱས་ནས་གྲུབ་འབྲས་གསར་པ་དེ་བས་ཆེ་བ་ཐོབ་རྒྱུའི་ཐུགས་རེ་གནང་བ་རེད།

    ཐུགས་རེ་ཟབ་མོས་ཅང་སུའུ་ཡིས་དོན་འཁྱོལ་དམ་འཛིན་ནན་པོ་དང་དཔལ་འབྱོར་ཞིང་ཆེན་ཆེན་པོས་འགན་འཁྲི་ལྕི་པོ་འཁུར་བར་སྐུལ་ལྕག་ཐུབ་ཡོད།

    གོ་ལ་ཧྲིལ་པོར་ཤུགས་རྐྱེན་ལྡན་པའི་ཐོན་ལས་ཚན་རྩལ་གསར་གཏོད་ལྟེ་གནས་དང་། རྒྱལ་སྤྱིའི་འགྲན་རྩོད་ནུས་པ་ལྡན་པའི་སྔོན་ཐོན་བཟོ་སྐྲུན་ལས་རིགས་ཀྱི་རྟེན་གཞི། འཛམ་གླིང་གི་མཉམ་ཤུགས་ལྡན་པའི་ཕྱོགས་གཉིས་སྒོ་དབྱེའི་ལྟེ་གནས་བཅས་བསྐྲུན་རྒྱུར་དམིགས་ནས། ཅང་སུའུ་ཞིང་ཨུད་དང་ཞིང་ཆེན་སྲིད་གཞུང་གིས“ལྟེ་བ་གཅིག་དང་། རྟེན་གཞི་གཅིག ལྟེ་གནས་གཅིག”བཅས་འཛུགས་སྐྲུན་ལ་གཞི་གཅིག་ཏུ་སྐུལ་འདེད་གཏོང་བར་མཉམ་དུ་ཤུགས་སྣོན་བརྒྱབ་ཡོད།

    བཟོ་སྐྲུན་ལས་རིགས་ཀྱི་འཕར་ཐང་གིས་གོ་ལ་ཧྲིལ་པོའི་4%ཙམ་བཟུང་བའི་ཅང་སུའུ་ཡིས། དངོས་ཚན་དཔལ་འབྱོར་བརྟན་སྲུང་དང་དེང་རབས་ཅན་གྱི་ཐོན་ལས་མ་ལག་བསྐྲུན་རྒྱུ་དེ་ཞིང་ཆེན་སྟོབས་ཆེར་གཏོང་བའི་འགག་རྩར་བརྩིས་ཤིང་། 2024ལོར་ཅང་སུའུ་ཡི་མཐོ་གསར་ལག་རྩལ་ཐོན་ལས་ཀྱི་ཐོན་རྫས་རིན་ཐང་གིས་གཞི་ཁྱོན་ཡན་གྱི་བཟོ་ལས་ཁྲོད་བཟུང་བའི་བསྡུར་ཚད་50%ལས་བརྒལ་བ་དང་། རྒྱལ་ཁབ་ཀྱི་སྔོན་ཐོན་བཟོ་སྐྲུན་ལས་རིགས་ཀྱི་ཁྱུ་ཚོགས་14བར་འཕར་བ། བཟོ་སྐྲུན་འཕྲུལ་ཆས་དང་གྲུ་གཟིངས་མཚོ་ལས། རྩེར་སོན་འཁེལ་འཐག འོད་ཤུགས་སོགས་ཐོན་ལས་གོ་ལ་ཧྲིལ་པོའི་མདུན་གྲལ་དུ་སླེབས་ཡོད།

    བཟོ་སྐྲུན་འཕྲུལ་ཆས་དང་གྲུ་གཟིངས་མཚོ་ལས་སོགས་ཐོན་ལས་ཚོགས་པའི་རྒྱལ་སྤྱིའི་འགྲན་རྩོད་ནུས་པ་མུ་མཐུད་ཆེ་རུ་གཏོང་བ་དང་། འོད་ཤུགས་དང་དམིགས་བསལ་ངར་ལྕགས་རྒྱལ་ཁབ་ཀྱི་སྔོན་ཐོན་བཟོ་སྐྲུན་ལས་རིགས་ཚོགས་པའི་སྤུས་ཚད་མཐོ་བའི་འཕེལ་རྒྱས་ཀྱི་བྱ་སྤྱོད་ཇུས་གཞི་བཟོ་བ། ཆ་འཕྲིན་ལག་རྩལ་དང་རྒྱུ་ཆ་གསར་པ་སོགས་འཐབ་ཇུས་རང་བཞིན་གྱི་གསར་དར་ཐོན་ལས་སྐྱེད་སྲིང་འདུ་འགོད་ལག་བསྟར་བཅས་བྱས་ཏེ། ཅང་སུའུ་ཡིས་སྔོན་ཐོན་ལག་རྩལ་དང་ཡང་ཡང་བསྡུར་བ་དང་ཁེ་ལས་ཀྱི་ལག་རྩལ་དགོས་མཁོ་གལ་ཆེན་བསྡུས་ནས་ཚན་རྩལ་འགག་སྒྲོལ་རྣམ་གྲངས་60དང་སྔོན་ཐོན་ལག་རྩལ་ཞིབ་འཇུག་གསར་སྤེལ་རྣམ་གྲངས་80བཀོད་སྒྲིག་བྱས་ཡོད་པ་རེད།

    “གསར་གཏོད་ནི་སྒུལ་ཤུགས་ཀྱི་འབྱུང་རྩ་དང་། བཟོ་སྐྲུན་ལས་རིགས་ནི་འདེགས་སྐྱོར་གྱི་འབྱུང་རྩ། སྒོ་དབྱེ་ནི་འཕེལ་རྒྱས་བར་མཐོངས་ཀྱི་འབྱུང་རྩ་བཅས་ཡིན་པས། དེ་གསུམ་པོ་ཕན་ཚུན་འདེགས་སྐྱོར་ཐུབ་པ་བྱེད་དགོས་ན། ངེས་པར་དུ་མཐུན་སྦྱོར་ལ་སྐུལ་འདེད་གཏོང་དགོས” ཅང་སུའུ་ཞིང་ཨུད་ཀྱི་ཧྲུའུ་ཅི་ཤིན་ཁྲང་ཤིན་གྱིས། རང་འགུལ་ངང་ཚད་གཞི་མཐོ་བའི་རྒྱལ་སྤྱིའི་དཔལ་འབྱོར་ཚོང་དོན་གྱི་སྒྲིག་སྲོལ་དང་ཡང་ཡང་བསྡུར་ནས་ཁེ་ལས་གོ་ལ་ཧྲིལ་པོའི་ཐོན་ལས་ཀྱི་ལས་བགོས་མཉམ་ལས་ལ་ཞུགས་རྒྱུར་སྐུལ་ལྕག་བྱས་ཏེ་གྲུ་ཁ་དང་རྒྱལ་སྤྱིའི་ཟོག་འགྲེམས་བགྲོད་ལམ་དང་། ཕྱི་རྒྱལ་དུ་ཡོད་པའི་གླིང་ཁུལ། རང་མོས་ཚོང་དོན་ཚོད་ལྟའི་ཁུལ། གསར་སྤེལ་ཁུལ་སོགས་སྒོ་དབྱེའི་གཞི་རྟེན་བསྐྲུན་རྒྱུར་སྤུས་ཚད་མཐོ་པོས་སྐུལ་འདེད་གཏོང་དགོས་ཞེས་གསུངས་པ་རེད།

    ཅང་སུའུ་ཡིས་རྒྱལ་སྤྱིའི་ཟོག་འགྲེམས་བགྲོད་ལམ་བསྐྲུན་རྒྱུར་རྒྱུན་ཆད་མེད་པར་སྐུལ་འདེད་བཏང་སྟེ། ཤར་ལེན་ཡུན་ཀང་གྲུ་ཁ་ནས་འགོ་ཚུགས་པའི་ཨེ་ཤེ་ཡ་དང་ཡོ་རོབ་ཀྱི་སྐམ་མཚོའི་མཉམ་འབྲེལ་སྐྱེལ་འདྲེན་གྱི་གྲུ་ཁ་གསར་པ་རྒྱ་སྐྱེད་བཏང་སྟེ། བདེ་འཇགས་དང་དཔལ་འབྱོར་གྱི་མཚོ་ཐོག་བགྲོད་ལམ་བསྐྲུན་པ་དང་། ནུབ་ཨེ་ཤེ་ཡ་དང་ཡོ་རོབ་ཀྱི་སྐམ་མཚོའི་མཉམ་འབྲེལ་སྐྱེལ་འདྲེན་བགྲོད་ལམ་གསར་པའི་ནུས་པ་ཆེ་རུ་བཏང་ནས་ཀྲུང་གོ་དང་ཡོ་རོབ་ཀྱི་དུས་གཏན་མེ་འཁོར་གྱི“དྲ་གསབ་མྱུར་གཏོང”དང་བསྡུས་འགྲེམས་འདྲེན་བཅས་ཀྱི་མ་ལག་བསྐྲུན་མགྱོགས་སུ་བཏང་ཡོད།

    “ཅུང་སུའུ་རུ་ཕྱི་ཕྱོགས་ཚོང་དོན་གྱི་རྒྱང་རིང་མཚོ་ལམ་84ཡོད་པ་དེ་དག་ཚོང་དོན་རྒྱལ་ཁབ་དང་ས་ཁུལ་གལ་ཆེན་65%ལ་ཁྱབ་པ་དང་། ཡོ་རོབ་དང་། ཨེ་ཤེ་ཡ་དབུས་མ། ཨེ་ཤེ་ཡ་ཤར་ལྷོ་སོགས་ས་ཁུལ་དུ་བསྐྱོད་སའི་ལམ་ཐིག་25བཏོད་ཡོད”ཅང་སུའུ་ཡིས“རྒྱུད་གཅིག་ལམ་གཅིག”མཉམ་སྐྲུན་གྱི་དཔལ་འབྱོར་ཚོང་དོན་མཉམ་ལས་ལ་སྐུལ་འདེད་ཤུགས་ཆེན་གཏོང་བཞིན་ཡོད་ལ། ཕྱི་རྒྱལ་མ་དངུལ་གྱི་ཐོན་ལས་གལ་ཆེན་གྱི་ཚོང་འགུག་ཇུས་གཞི་བཟོས་ནས་ཕྱི་རྒྱལ་གྱི་མ་དངུལ་འགུག་པ་དང་ཕྱི་ཕྱོགས་ཚོང་དོན་རྒྱ་ཆེར་གཏོང་བའི་བྱེད་ཐབས་གསར་པ་མུ་མཐུད་གསར་གཏོད་བྱས་ཏེ། ཆུ་ཚད་དེ་བས་མཐོ་བའི་སྒོ་དབྱེ་རྣམ་པའི་དཔལ་འབྱོར་གྱི་ལེགས་ཆ་གསར་པ་གཏོད་བཞིན་ཡོད་ཅེས་ཅང་སུའུ་ཞིང་ཆེན་ཚོང་དོན་ཐིང་གི་ཐིང་ཀྲང་སི་ཡུང་གིས་ངོ་སྤྲོད་བྱས། 

    འགན་འཁུར་རྩོམ་སྒྲིག་པ། བསོད་ནམས་དབང་འདུས།

མཉམ་སྤྱོད།

འབྲེལ་ཡོད་གསར་འགྱུར།