ཟླ་3ཚེས་14ཉིན། “ང་ཧྲའོ་ཧྲན་དུ་སྐྱོད”ཅེས་པའི་གསར་བརྗེའི་ཞིབ་སློབ་བྱེད་སྒོ་ཧུའུ་ནན་ཞིང་ཆེན་ཧྲའོ་ཧྲན་གྲོང་ཁྱེར་དུ་སྤེལ་འགོ་ཚུགས་པ་དང་། ཧུའུ་ནན་ཞིང་ཆེན་གཡོད་དབྱང་གྲོང་ཁྱེར་གྱི་དགེ་སློབ་4000ཙམ་ད་ཐེངས་ཀྱི་ཞིབ་སློབ་བྱེད་སྒོར་ཞུགས་ཡོད། ཉེ་བའི་ལོ་ཤས་རིང་། ཧུའུ་ནན་ཞིང་ཆེན་གྱིས་ཧྲའོ་ཧྲན་ཚོད་ལྟ་བྱ་ཡུལ་ལ་བརྩིས་ཏེ་གསར་བརྗེའི་སློབ་གསོའི་ཁྱབ་རྒྱ་ཆེ་རུ་ཤུགས་ཆེན་གཏོང་བ་དང་། “ང་ཧྲའོ་ཧྲན་དུ་སྐྱོད”ཅེས་པའི་ཧུའུ་ནན་ཞིང་ཆེན་གྱི་སློབ་གྲྭ་འབྲིང་ཆུང་གི་སློབ་མའི་གསར་བརྗེའི་ཞིབ་སློབ་བྱེད་སྒོ་སྤེལ་བ། གསར་བརྗེའི་ཞིབ་སློབ་དང་བསམ་བློ་ཆབ་སྲིད་སློབ་གསོ་ཟུང་འབྲེལ་དམ་ཟབ་བཅས་བྱས་ནས“བསམ་བློ་ཆབ་སྲིད་ཀྱི་སློབ་ཚན་ཆེན་པོའི”ཧུའུ་ནན་གྱི་ལག་ལེན་འཚོལ་ཞིབ་ཧུར་ཐག་བྱས་ཡོད། མིག་སྔའི་བར། ཁྱོན་སློབ་མ་ཁྲི་30ལྷག་ཙམ་སྔ་རྗེས་སུ་ཧྲའོ་ཧྲན་དུ་བསྐྱོད་དེ་རྒྱལ་གཅེས་རིང་ལུགས་ཀྱི་སློབ་གསོ་སྤེལ་ནས་གསར་བརྗེའི་སྙིང་སྟོབས་རྟོགས་ཐུབ་པ་བྱས་ཡོད། འདི་ནི་དེ་ཉིན་ཧུའུ་ནན་ཞིང་ཆེན་ཧྲའོ་ཧྲན་གྲོང་ཁྱེར་མའོ་ཙེ་ཏུང་ཐང་ཆེན་དུ་སློབ་མ“ང་ཧྲའོ་ཧྲན་དུ་སྐྱོད”ཅེས་པའི་གསར་བརྗེའི་ཞིབ་སློབ་ཀྱི་སློབ་འགོ་ཚུགས་པའི་མཛད་སྒོར་ཞུགས་བཞིན་པ།