ཉིན་ཤས་གོང་། “བདེ་ཐང་མྱུར་འཁོར་ཀྲུང་ནེའི་ལོང་བ་སྔོན་འགོག་མཉམ་ལས་ལྟེ་གནས”ནེ་པ་ལའི་རྒྱལ་ས་ཀ་ཏ་མན་རྡུ་རུ་སྒོ་བྱང་ཕྱེ་བ་རེད། ནེ་པ་ལའི་རྒྱལ་ཕྲན་མཉམ་འབྲེལ་གྲོས་ཚོགས་རྒྱལ་ཕྲན་མཉམ་འབྲེལ་ཁང་གི་ཀྲུའུ་ཞི་གཞོན་པ་པི་མཱ་ལཱ·ཅི་སྨི་ལེ་ཡིས་མཉམ་ལས་ལྟེ་གནས་ཀྱིས་ནེ་པ་ལའི་ནད་པ་མང་པོར་སྨན་བཅོས་བྱེད་ཐུབ་རྒྱུ་རེད་ཅེས་བརྗོད་པ་རེད།

“བདེ་ཐང་མྱུར་འཁོར་ཀྲུང་ནེའི་ལོང་བ་སྔོན་འགོག་མཉམ་ལས་ལྟེ་གནས”དེ་ཀྲུང་གོས་རོགས་སྐྲུན་བྱས་པའི་ཀ་ཏ་མན་རྡུའི་གཞུང་ལས་པའི་སྨན་ཁང་དུ་བཙུགས་པ་དང་ཀྲུང་གོ་ཕྱོགས་ཀྱིས་དུས་མཚུངས་སུ་མཉམ་ལས་ལྟེ་གནས་ལ་མིག་ནད་ཚན་ཁག་གི་སྒྲིག་ཆས་དང་ཡོ་བྱད་ཁག་གཅིག་མཁོ་འདོན་བྱས་པ་རེད།