ཉེ་ཆར། མེན་སི་ཁེའི་རྒྱལ་སྤྱིའི་དཔེ་དེབ་འགྲེམས་སྟོན་སྐབས་སོ་གཉིས་པ་བྷེ་ཨུ་རུ་སུའི་རྒྱལ་སྤྱིའི་འགྲེམས་ཚོགས་ལྟེ་གནས་སུ་འགོ་ཚུགས་ཤིང་། ཀྲུང་གོ་དང་། བྷེ་ཨུ་རུ་སུ། ཨུ་རུ་སུ། ཧ་སག་སི་ཐན་སོགས་རྒྱལ་ཁབ་21གི་ཚོང་དུད་500ལྷག་ཙམ་ཞུགས་ཡོདཔ་རེད།

མེན་སི་ཁེ་ཀྲུང་གོའི་རིག་གནས་ལྟེ་གནས་དང་། བྷེ་ཨུ་རུ་སུའི་གཞུང་བཙུགས་སློབ་ཆེན་ཁུང་ཙི་སློབ་གླིང་། ཧྲང་སི་རྒྱལ་སྤྱིའི་དཔེ་སྐྲུན་ཚོགས་པ་བཅས་ཀྱིས་བྷེ་ཨུ་རུ་སུའི་སྐད་ཡིག་ དང་། ཨུ་རུ་སུའི་སྐད་ཡིག དབྱིན་ཡིག་སོགས་ཀྱི་ཐོག་ནས་དཔེ་སྐྲུན་བྱས་པའི་ཀྲུང་གོའི་ཀློག་དེབ་སྣ་ཁ་400ལྷག་ཙམ་ལེགས་འདེམས་བྱས་ནས་འགྲེམས་སྟོན་ཐོག་བཏོན་པས་ས་གནས་དེ་གའི་ཀློག་པ་པོས་ཀྲུང་གོ་དེ་བས་ཤེས་རྟོགས་གཏིང་ཟབ་ཐུབ་པར་བྱས་ཡོད།