“གསར་བརྗེའི་སྙིང་སྟོབས་རྒྱུན་འཛིན་གྱིས། དུས་རབས་མི་གསར་གསོ་སྐྱོང་བྱེད”ཅེས་པའི་བརྗོད་དོན་གཙོ་བོའི་དཔེ་སྐྲུན་འགྲེམས་སྤེལ་བཞུགས་མོལ་ཚོགས་འདུ་འཚོགས་པ།
ཉེ་ཆར། “གསར་བརྗེའི་སྙིང་སྟོབས་རྒྱུན་འཛིན་གྱིས། དུས་རབས་མི་གསར་གསོ་སྐྱོང་བྱེད”ཅེས་པའི་བརྗོད་དོན་གཙོ་བོའི་དཔེ་སྐྲུན་འགྲེམས་སྤེལ་བཞུགས་མོལ་ཚོགས་འདུ་མི་དམངས་ཉིན་རེའི་ཚགས་པར་ཁང་དུ་འཚོགས་པ་རེད། བློ་མཐུན་མའོ་ཙེ་ཏུང་གི་ཚ་བོའི་མནའ་མ་ལིའུ་པིན་དང་། བློ་མཐུན་ཀྲོའུ་ཨེན་ལའེ་ཡི་ཚ་མོ་ཀྲོའུ་པིན་ཏེ། ཀྲུང་གོ་སྤྱི་ཚོགས་ཚན་རིག་ཁང་རིག་གཞུང་པུའུ་ཡི་ཨུ་ཡོན་ཀྲང་ཧའེ་ཕེང་སོགས་སྐུ་མགྲོན་ཚོགས་འདུར་ཞུགས་ཡོད་པ་རེད།
“སློབ་གྲྭ་ཆེ་འབྲིང་ཆུང་གསུམ་གྱི་བསམ་བློ་ཆབ་སྲིད་སློབ་གསོ་གཞི་གཅིག་ཅན་འཛུགས་སྐྱོང་ལ་སྐུལ་འདེད་གཏོང་རྒྱུའི”སྐོར་གྱི་ཏང་གི་ཚོགས་ཆེན་ཉི་ཤུ་པའི་འཐབ་ཇུས་བཀོད་སྒྲིག་ལག་བསྟར་གཏིང་ཟབ་བྱ་ཆེད། མི་དམངས་ཉིན་རེའི་ཚགས་པར་དཔེ་སྐྲུན་ཁང་གིས་ཀྲུང་གོ་སྤྱི་ཚོགས་ཚན་རིག་ཁང་ཉེ་རབས་ལོ་རྒྱུས་ཞིབ་འཇུག་ཁང་གི་ཏང་ཨུད་ཀྱི་དེ་སྔའི་ཧྲུའུ་ཅི་ཅིན་མིན་ཆིང་དང་པེ་ཅིང་ཏ་ལོན་ཞང་ཡུས་དགེ་སྒྲུབ་ཐེབས་རྩ་ལྷན་ཚོགས་ཀྱི་ལས་འཛིན་པ་ཧྲེན་ཆིང་གདན་དྲངས་ནས“གསར་བརྗེའི་སྙིང་སྟོབས་རྒྱུན་འཛིན་གྱིས། དུས་རབས་མི་གསར་གསོ་སྐྱོང་བྱེད”ཅེས་པའི་དཔེ་ཚོགས་ཐུན་མོང་ཐོག་གཙོ་སྒྲིག་བྱས་པ་རེད། དཔེ་ཚོགས་འདིའི་ནང་གཞོན་ནུ་ལོ་ཆུང་གི་དང་ལེན་གྱི་ནུས་པ་དང་ཁྱད་ཆོས་ལ་གཞིགས་ནས་གསར་བརྗེ་བ་རྒན་རབས་ཚོའི་གཏམ་རྒྱུད་བརྗོད་ཡོད། མིག་སྔར《མའོ་ཙེ་ཏུང་གཞོན་ནུ་ལོ་ཆུང་གི་དུས་རབས》དང《ཀྲོའུ་ཨེན་ལའེ་གཞོན་ནུ་ལོ་ཆུང་གི་དུས་རབས》(སྒྲ་སྦྱོར་དཔར་མ་དང་། བྱིས་པའི་དཔར་མ། ལོ་ཆུང་གི་དཔར་མ། གཞོན་ནུའི་དཔར་མ་བཅས་ཚུད་ཡོད)པར་སྐྲུན་བྱས་ཡོད། ཚོགས་ཞུགས་མི་སྣས་དཔེ་ཚོགས་དེའི་སྤྱི་ཚོགས་ཀྱི་རིན་ཐང་ལ་ཁས་ལེན་གང་ལེགས་བྱས་པ་དང་ཆབས་ཅིག གསར་བརྗེ་བ་རྒན་རབས་གཞན་དག་གི་གཏམ་རྒྱུད་བརྗོད་པའི་དཔེ་དེབ་ཀྱང་སྔར་བས་ཡག་པོ་འདོན་རྒྱུའི་གྲོས་འགོ་བཏོན་པ་རེད།