ཕྱི་འབྲེལ་པུས་བརྗོད་དོན།
ཕྱོགས་ཁག་དང་མཉམ་དུ་གོ་ལ་ཧྲིལ་པོའི་ཡ་རབས་སྤེལ་རེས་དང་དཔྱད་གཞིར་འཛིན་རེས་ལ་སྐུལ་འདེད་གཏོང་འདོད་ཡོད།
ཉེ་ཆར། ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་ད་ལོའི་ཟླ་6ཚེས་10ཉིན་རྒྱལ་སྤྱིའི་སྤྱི་ཚོགས་ཀྱིས་ཡ་རབས་སྤེལ་རེས་ཀྱི་རྒྱལ་སྤྱིའི་ཉིན་མོ་ཐོག་མ་དེར་རྟེན་འབྲེལ་ཞུ་རྒྱུ་རེད། གྲོས་འགོ་འདོན་མཁན་རྒྱལ་ཁབ་ཡིན་པའི་ཀྲུང་གོ་ཕྱོགས་ཀྱིས་ཕྱོགས་ཁག་དང་མཉམ་དུ་གོ་ལ་ཧྲིལ་པོའི་ཡ་རབས་སྤེལ་རེས་དང་དཔྱད་གཞིར་འཛིན་རེས་ལ་ལག་གདང་སྦྲེལ་ནས་སྐུལ་འདེད་གཏོང་འདོད་ཡོད་ཅེས་གསུངས་པ་རེད།
ལིན་ཅན་གྱིས། ཉེ་ཆར་མཉམ་འབྲེལ་རྒྱལ་ཚོགས་ཀྱིས་ཆེད་དོན་དྲ་ཚིགས་བཙུགས་ནས་ཡ་རབས་སྤེལ་རེས་ཀྱི་རྒྱལ་སྤྱིའི་ཉིན་མོ་དྲིལ་བསྒྲགས་དང་ངོ་སྤྲོད་བྱས་པ་དེས་མིའི་རིགས་ཡོངས་ཀྱི་ཐུན་མོང་རིན་ཐང་དར་སྤེལ་གཏོང་བ་དང་། ཤེས་དཔལ་སྣ་མང་རང་བཞིན་ལ་བརྩི་འཇོག་བྱེད་པའི་སྤྱི་དམངས་ཀྱི་འདུ་ཤེས་ཟབ་ཏུ་གཏོང་བ། གོ་ལ་ཧྲིལ་པོའི་རང་བཞིན་གྱི་འགྲན་སློང་ཐག་གཅོད་བྱེད་པའི་ཐབས་ལམ་འཚོལ་ཞིབ་བྱེད་པ་བཅས་ལ་ཕན་ཐོགས་ཡོད་ཅེས་གསུངས་པ་རེད།
“གྲོས་འགོ་འདོན་མཁན་རྒྱལ་ཁབ་ཡིན་པའི་ཀྲུང་གོ་ཕྱོགས་ཀྱིས་ཕྱོགས་ཁག་དང་མཉམ་དུ་གྲོས་ཆོད་ཀྱི་དགོངས་དོན་དོན་འཁྱོལ་ཡག་པོ་བྱེད་པ་དང་། སྣ་མང་ཕུན་སུམ་ཚོགས་པའི་རྟེན་འབྲེལ་བྱེད་སྒོ་སྤེལ་བ། ལག་གདང་སྦྲེལ་ནས་གོ་ལ་ཧྲིལ་པོའི་ཡ་རབས་སྤེལ་རེས་དང་དཔྱད་གཞིར་འཛིན་རེས་ལ་སྐུལ་འདེད་གཏོང་བ། ཡ་རབས་སྤེལ་རེས་བརྒྱུད་འཛམ་གླིང་ཞི་བདེར་སྔར་ལས་ལེགས་པའི་སྒོ་ནས་སྲུང་སྐྱོང་དང་ཐུན་མོང་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་ནས་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་རྒྱུར་སྐུལ་འདེད་གཏོང་བར་འབད་བརྩོན་ལྷོད་མེད་བྱེད་འདོད་ཡོད”ཅེས་ལིན་ཅན་གྱིས་གསུངས་པ་རེད།