ཚེས་10ཉིན། མཉམ་འབྲེལ་རྒྱལ་ཚོགས་ཀྱི་འཛམ་གླིང་ཉེ་ཤར་ཕ་ལེ་སི་ཐན་གྱི་སྐྱབས་བཅོལ་རྒུད་སྐྱོབ་འདུ་འགོད་ཁྲུའུ(འཛམ་གླིང་ཉེ་ཤར་རྒུད་སྐྱོབ་འདུ་འགོད་ཁྲུའུ)ཡི་ཀྲུའུ་རེན་ཀྲོན་ཡོན་ཧྥེ་ལི་ཕུའུ·ལ་ཀྲ་ལི་ཉི་ཡིས། ཅ་ཧྲ་ལ་མི་ཆོས་རིང་ལུགས་ཀྱི་རོགས་སྐྱོར་བྱེད་ཆོག་པ་ནི་གལ་འགངས་ཤིན་ཏུ་ཆེ་བ་ཞིག་རེད། ཅ་ཧྲ་ས་ཁུལ་གྱི་དམག་མཚམས་འཇོག་པའི་གྲོས་མཐུན་གྱི་དུས་མཚམས་དང་པོར་ཐོབ་པའི་གྲུབ་འབྲས་རྒྱུན་འཁྱོངས་བྱེད་པ་དང་ཆབས་ཅིག་མི་རྣམས་ཀྱི་གཞི་རྩའི་དགོས་མཁོ་སྐོང་དགོས་ཞེས་བརྗོད་པ་རེད།

དེ་ཉིན་ལ་ཀྲ་ལི་ཉི་ཡིས། རི་ནེ་ཝ་རུ་འཚོཌ་པའི་མཉམ་འབྲེལ་རྒྱལ་ཚོགས་ཀྱི་འཆར་ཅན་གྱི་གསར་འགྱུར་ཚོགས་འདུའི་ཐོག་དབྱི་སི་རལ་གྱིས་མི་ཆོས་རིང་ལུགས་ཀྱི་རོགས་སྐྱོར་དང་ཚོང་ལས་དངོས་ཟོག་ཅ་ཧྲ་ས་ཁུལ་དུ་དབོར་བར་བཀག་འགོག་བྱས་ནས་ཉིན་10ཙམ་སོང་ཡོད། གཏན་འབེབས་འདིས་ཅ་ཧྲ་ས་ཁུལ་མི་སེར་གྱི་ཚེ་སྲོག་དང་འཚོ་གནས་ལ་འཇིགས་སྐུལ་ཕོག་ཡོད། ཟླ་དང་པོའི་ཟླ་མཇུག་ཏུ་དབྱི་སི་རལ་གྱིས་འཛམ་གླིང་ཉེ་ཤར་རྒུད་སྐྱོབ་འདུ་འགོད་ཁྲུའུ་ཡི་ལས་གཉེར་ལ་བཀག་འགོག་བྱེད་པའི་ཁྲིམས་གཞི་གོ་ཆོད་ཚུན། སྒྲིག་གཞི་དེས་ཕ་ལེ་སི་ཐན་གྱི་སྐྱབས་བཅོལ་བར་སྤྱི་པའི་ཞབས་འདེགས་ཞུ་མི་ཐུབ་པར་ཧམ་བཟུང་བྱས་པའི་ཕ་ལེ་སི་ཐན་གྱི་མངའ་ཁོངས་ལ་ཉེན་ཁ་འཕྲད་རྒྱུ་མ་ཟད། ཅོར་ཏན་དང་། ལེ་པ་ནོན། སི་རི་ཡ་བཅས་ལ་རྡབ་སིག་བཟོ་ངེས་རེད་ཅེས་བརྗོད། ཁོང་གིས་ཕ་ལེ་སི་ཐན་གྱི་སྐྱབས་བཅོལ་བར་རོགས་སྐྱོབ་བྱེད་མཁན་སྒྲིག་གཞི་གློ་བུར་དུ་མེད་པ་བཟོས་ཚེ། སྐྱབས་བཅོལ་བའི་དཀའ་ངལ་ཆེ་རུ་འགྲོ་བ་ལས་ཁོ་ཚོའི་ཐོབ་ཐང་ལ་འགྱུར་ལྡོག་འགྲོ་མི་སྲིད་ཅེས་ནན་བཤད་བྱས་པ་རེད།

ལ་ཀྲ་ལི་ཉི་ཡིས། དབྱི་སི་རལ་གྱི་བདེ་འཇགས་དམག་དཔུང་གིས་ཅོར་ཏན་གཙང་པོའི་ནུབ་ངོགས་སུ་གཞི་ཁྱོན་ཆེན་བའི་སྐྲུན་དངོས་བཤིག་པས་ཕ་ལེ་སི་ཐན་གྱི་སྐྱབས་བཅོལ་བ་ཁྲི་4ཙམ་ཆགས་ས་བརྟེན་ས་མེད་པར་གྱུར་ནས། 1967ལོ་ཚུན། ཅོར་ཏན་གཙང་པོའི་ནུབ་ངོགས་ས་ཁུལ་གྱི་ཕ་ལེ་སི་ཐན་བ་གཞི་ཁྱོན་ཆེ་ཤོས་ཀྱི་གནས་མེད་ཡུལ་གྱར་དུ་གྱུར་ཡོད་ཅེས་བརྗོད་པ་རེད།