ཀྲུང་ཧྲན་གྲོང་ཁྱེར་གྱི་ལས་རིགས་ཁག་གིས་སྐུ་ཞབས་སུན་ཀྲུང་ཧྲན་སྐུ་གཤེགས་ནས་ལོ་100འཁོར་བར་དྲན་གསོ་ཞུས་པ།
ཚེས་12ཉིན་གྱི་སྔ་དྲོར། ཀྲུང་ཧྲན་གྲོང་ཁྱེར་གྱི་ལས་རིགས་ཁག་གིས་སྐུ་ཞབས་སུན་ཀྲུང་ཧྲན་སྐུ་གཤེགས་ནས་ལོ་100འཁོར་བར་དྲན་གསོ་ཞུ་བའི་མཛད་སྒོ་ཀོང་ཏུང་ཀྲུང་ཧྲན་གྲོང་ཁྱེར་སུན་ཀྲུང་ཧྲན་གྱི་བཞུགས་གནས་རྙིང་པའི་དྲན་གསོའི་ཁང་དུ་འཚོགས་པ་རེད།
དྲན་གསོའི་མཛད་སྒོར་ལས་རིགས་ཁག་གི་མི་སྣའི་འཐུས་མིས་སྐུ་ཞབས་སུན་ཀྲུང་ཧྲན་གྱི་འཇིམ་བརྙན་མདུན་དུ་གུས་སྟབས་ཀྱིས་ལངས་པ་དང་འབྲེལ་གུས་འདུད་ཐེངས་གསུམ་ཞུས་པ་དང་། འབྲེལ་ཡོད་ཚན་པ་དང་ཚོགས་པའི་འཐུས་མིས་སྐུ་ཞབས་སུན་ཀྲུང་ཧྲན་གྱི་འཇིམ་བརྙན་ལ་མེ་ཏོག་སི་ར་ཕུལ་བ། ཀྲུང་ཧྲན་དྲན་གསོའི་སློབ་འབྲིང་སློབ་མས《ང་ཚོའི་སུན་ཀྲུང་ཧྲན》ཞེས་པའི་གླུ་གཞས་བླངས་པ་རེད།