སྡེ་ཚན་གསུམ་གྱིས་བྱེད་ཐབས་16བཏོན་ནས་མཁའ་འགྲུལ་འགག་སྒོ་སྒྲོལ་བར་སྟབས་བདེ་བསྐྲུན་པ།
ཉེ་ཆར། འགག་སྒོ་སྤྱི་ཁྱབ་ཧྲུའུ་དང་། རྒྱལ་ཁབ་ཡུལ་མི་གནས་སྤོས་ཅུས། དམངས་སྤྱོད་མཁའ་འགྲུལ་ཅུས་བཅས་སྡེ་ཚན་གསུམ་གྱིས་ཁྱབ་བསྒྲགས་བྱས་པའི《མཁའ་འགྲུལ་འགག་སྒོ་སྒྲོལ་བར་སྟབས་བདེ་བསྐྲུན་རྒྱུར་སྔར་བས་སྐུལ་འདེད་གཏོང་བའི་བྱེད་ཐབས་འགའ་ཞིག་སྐོར་གྱི་བརྡ་ཐོའི》ནང་མཐོ་གསར་ལག་རྩལ་གྱི་སྒྲིག་ཆས་དང་མ་བཅོས་རྒྱུ་ཆ་དང་། དམིགས་བསལ་སྨན་རྫས། སྨན་བཅོས་ཡོ་ཆས། སྐྱེ་དངོས་བཟོས་རྫས། འཕྲལ་མཁོའི་མཁའ་འགྲུལ་རྒྱུ་ཆ། རྒྱལ་སྤྱིའི་བྱེད་སྒོ་གལ་ཆེན་དང་དེ་བཞིན་འགྲེམས་ཚོགས་ཀྱི་གནས་སྐབས་རྒྱལ་སྒྲོལ་ཚོང་ཟོག་སོགས་དམིགས་བསལ་དངོས་ཟོག་འགག་སྒོ་་སྒྲོལ་བའི་མྱུར་ཚད་མགྱོགས་སུ་གཏོང་བ་དང་ཆ་རྐྱེན་འཛོམས་པའི་མཁའ་འགྲུལ་འགག་སྒོར“ཐོགས་མེད་བགྲོད་ལམ”བསྐྲུན་ནས་མགྱོགས་མྱུར་འགག་སྒྲོལ་བྱ་རྒྱུར་སྐུལ་ལྕག་བྱས་ཡོད།
བརྡ་ཐོའི་ནང་མཁའ་འགྲུལ་འགག་སྒོའི་ཕྱིར་གཏོང་ནང་འདྲེན་གྱི་དངོས་ཟོག་འགག་སྒོ་སྒྲོལ་བའི་ལས་ཕྱོད་སྔར་བས་ཆེ་རུ་གཏོང་བ་དང་། མཁའ་འགྲུལ་འགག་སྒོ་ནས་རྒྱལ་མཚམས་འཛུལ་སྒྲོལ་བྱེད་མཁན་འགྲོ་སྐྱོད་ལས་ཕྱོད་སྔར་བས་ཆེ་རུ་གཏོང་བ། གཙོ་གནད་མཁའ་འགྲུལ་འགག་སྒོའི་ལྟེ་བའི་ནུས་པ་འཛུགས་སྐྱོང་ལ་སྔར་བས་ཤུགས་སྣོན་རྒྱག་པ། མཁའ་འགྲུལ་འགག་སྒོའི་སྤྱི་པའི་ཞབས་ཞུའི་ཆུ་ཚད་སྔར་བས་མཐོ་རུ་གཏོང་བ། མཁའ་འགྲུལ་འགག་སྒོའི་ཕྱོགས་བསྡུས་ཟོག་འགྲེམས་ཀྱི་མ་གནས་སྔར་བས་ཚད་ལྡན་དང་དམའ་རུ་གཏོང་བ་སོགས་ཕྱོགས་ཆེན་པོ་ལྔའི་ཐད་བྱ་ཐབས་16བཏོན་ཡོད་པ་རེད།