ཟླ་3ཚེས་8ཉིན། རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི“འཐུས་མིའི་བགྲོད་ལམ”ཐེངས་གཉིས་པའི་གཅིག་སྡུད་བཅར་འདྲིའི་བྱེད་སྒོ་པེ་ཅིང་མི་དམངས་ཚོགས་ཁང་ཆེན་མོར་འཚོགས་ཤིང་། འདི་ནི་རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི“འཐུས་མིའི་བགྲོད་ལམ”ཐེངས་གཉིས་པའི་གཅིག་སྡུད་བཅར་འདྲིའི་བྱེད་སྒོ་སྤེལ་ཡུལ་ཡིན་པ།

ཤིན་ཅང་ཡུ་གུར་རང་སྐྱོང་ལྗོངས་ཝུའུ་ཆ་རྫོང་སྲིད་གྲོས་ཀྱི་ཀྲུའུ་ཞི་གཞོན་པ་དང་ཨུ་ཡོན་ཨ་དབྱི་མུའུ་ཧྲ·ཐོ་ཧོ་ཐ་ཧུང་གིས་ཟླ་3ཚེས་7ཉིན་རྒྱལ་ཡོངས་སྲིད་གྲོས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི“ཨུ་ཡོན་བགྲོད་ལམ”ཐེངས་གཉིས་པར་མྱུར་སྐྱེལ་གྲོང་ཚོར་ཁྱབ་པས་ཞིང་ལས་ཐོན་རྫས་གང་སར་གཏོང་ཐུབ་པ་དང་མི་སེར་གྱི་དངུལ་ཁུག་ལྗིད་ཏིག་ཏིག་ཏུ་གྱུར་ནས་དགའ་བའི་འཛུམ་མདངས་འཕྱུར་ཞེས་གསུངས་པ་རེད།

ཟླ་3ཚེས་6ཉིན། ནང་སོག་འཐུས་མི་ཚོགས་པའི་འཐུས་མིས་སྲིད་གཞུང་གི་ལས་དོན་སྙན་སྒྲོན་ལ་སྤེལ་རེས་གྲོས་བསྡུར་གནང་བཞིན་པ། (མི་དམངས་དྲ་བའི་གསར་འགོད་པ་ཝུང་ཆི་ཡུས་ཀྱིས་པར་བརྒྱབ)

“དཀར་ནག་གསལ་བའི”དྭངས་གསིང་སྐྱི་མོ་གཉིས་ནི་ཧོང་རུན་ཆིའུ་ཡིས་ཆེད་མངགས་བསྣམས་ཕེབས་པ་ཞིག་རེད། དེ་འདྲ་བསྣམས་དོན་གང་ཡིན་ནམ།

དེས་པེ་ཅིང་གི་རླུང་ཁམས་ཆེན་པོའི་སྦགས་བཙོག་འགོག་བཅོས་ཀྱི་མངོན་གསལ་དོད་པའི་གྲུབ་འབྲས་ལ་བདེན་དཔང་བྱས་ཤིང་། 2015ལོར། པེ་ཅིང་གི་PM2.5ཡི་ཆ་སྙོམས་གར་ཚད་སྨི་རྒྱ་དཔངས་གྲུ་བཞི་རེར་ཝེ་ཁེ་80.6ཟིན་པ་དང་། ལོ་ཧྲིལ་པོར་ཉིན་46ནི་སྦགས་བཙོག་ཆེ་བའི་གནམ་གཤིས་བསྟན་ནས་དྭངས་གསིང་སྐྱི་མོའི་ཚོས་གཞི་སྐྱ་ནག་རེད། 2024ལོར། PM2.5ཡི་ཆ་སྙོམས་གར་ཚད་སྨི་རྒྱ་དཔངས་གྲུ་བཞི་རེར་ཝེ་ཁེ་30.5ཟིན་ནས་ལོ་ཧྲིལ་པོར་PM2.5ཡི་སྦགས་བཙོག་ཆེ་བའི་ཉིན་གྲངས་1ལས་མེད་པ་དང་དྭངས་གསིང་སྐྱི་མོའི་ཚོས་གཞི་སྐྱ་མདོག་ཡིན་པ་རེད།

ཧོང་རུན་ཆིའུ་ཡིས། སྐྱེ་ཁམས་ཁོར་ཡུག་པུས་སྐྱེ་ཁམས་ཁོར་ཡུག་ཁུལ་དབྱེའི་དོ་དམ་ཚོད་འཛིན་ལ་རྒྱུན་མཐུད་སྐུལ་འདེད་བཏང་བས། རྒྱལ་ཡོངས་སུ་ཁོར་ཡུག་དོ་དམ་ཚོད་འཛིན་གྱི་ཚན་པ་ཁྲི་4.4ལྷག་ཙམ་དབྱེ་འབྱེད་བྱས་ནས“ཚན་པ་རེ་དང་གསལ་ཐོ་རེ”མངོན་འགྱུར་བྱུང་སྟེ། ཆུ་ཚད་མཐོ་བའི་སྲུང་སྐྱོང་གི་རྨང་གཞིའི་ལམ་ལུགས་ཀྱི་མ་ལག་བཏོད་ཡོད། སྲིད་ཇུས་དང་བྱེད་ཐབས་སྦབ་ཆ་གཅིག་མུ་མཐུད་བཏོན་ནས་ཐོན་སྐྱེད་ནུས་ཤུགས་གསར་མ་འཕེལ་རྒྱས་ལ་རྒྱབ་སྐྱོར་བྱས་ཏེ་སྲོལ་རྒྱུན་ཐོན་ལས་ཀྱི་ལྗང་མདོག་ཅན་གྱི་སྒྱུར་བཀོད་དང་གྲངས་འཛིན་དང་རིག་ནུས་ཅན་གྱི་ཕྱོགས་སྒྱུར་རིམ་སྤོར་ལ་སྐུལ་འདེད་དང་ལྡོག་སྐུལ་བྱ་རྒྱུ་རེད་ཅེས་ངོ་སྤྲོད་གནང་བ་རེད།

“ཁོར་ཡུག་སྲུང་སྐྱོང་གི་བྱས་འབྲས་ལེགས་པ་དང་ཁྲིམས་ལྟར་སྒྲིག་སྲུང་གི་ཁེ་ལས་ལ་ང་ཚོས་ཁོང་ཚོའི་སེམས་ཁྲལ་ཚང་མ་སེལ་གྱི་ཡོད་མོད། འོན་ཀྱང་ང་ཚོས་སྟབས་བདེ་རགས་ལས་དང‘བྲེ་ཁ་གཅིག་ཆོད’རྣམ་པའི་ཁོར་ཡུག་སྲུང་སྐྱོང་བཅོས་སྒྲིག་ལ་ངོ་རྒོལ་མཐའ་གཅིག་ཏུ་བྱེད་ཀྱི་ཡིན”ཞེས་ཧོང་རུན་ཆིའུ་ཡིས་གསུངས།