ཉེ་བའི་ལོ་ཤས་རིང་། རང་རྒྱལ་དུ་དྲག་ཆར་ཆེན་པོ་བབས་པའི་རྐྱེན་གྱིས་ཆུ་ལོག་གནོད་འཚེ་ཡང་ཡང་ཐོན་པར་ཁ་གཏད་ཇི་ལྟར་གཅོག་དགོས་སམ།

“ཆུ་བེད་པུའུ་ཡིས་ཆུ་ལོག་འགོག་པའི་བདེ་འཇགས་མ་ལག་དང་ནུས་པ་འཛུགས་སྐྱོང་ལ་སྐུལ་འདེད་གཏོང་བའི་དམིགས་ཚད་གཏན་འཁེལ་བྱས་ཏེ། ‘མ་ལག་གསུམ’འཛུགས་སྐྱོང་ལ་སྐུལ་འདེད་ཧུར་ཐག་བཏང་ཡོད”ཅེས་ལི་གོ་དབྱིང་གིས་བརྗོད་པ་དང་། ཁོང་གིས་མ་ལག་དང་པོ་ནི་འབབ་རྒྱུད་ཀྱི་ཆུ་ལོག་འགོག་པའི་ལས་གྲྭའི་མ་ལག་ཡིན་པ་དང་མིག་སྔར་རྒྱལ་ཡོངས་སུ་ཆུ་མཛོད་སྣ་ཚོགས་ཁྲི་9.4ལྷག་ཙམ་དང་ཆུ་ལམ་ཆུ་རགས་སྣ་ཚོགས་སྤྱི་ལེ་ཁྲི་32.5བསྐྲུན་ཡོད། མ་ལག་གཉིས་པ་ནི་ཆར་ཆུའི་གནས་ཚུལ་ལྟ་ཞིབ་ཚད་ལེན་སྔོན་བརྡ་གཏོང་བའི་མ་ལག་ཡིན་པ་དང་དེས་ཆུ་ལོག་སྔོན་འགོག་དང་བཀོད་གཏོང་བྱེད་པར་ཆར་ཆུའི་གནས་ཚུལ་གྱི་གསང་འཕྲིན་གྱི་རྒྱབ་སྐྱོར་བྱེད་ཀྱི་ཡོད། མ་ལག་གསུམ་པ་ནི་འགོག་སྲུང་ལས་ཀའི་མ་ལག་ཡིན་པ་དང་དེས་འགོག་སྲུང་ལས་དོན་ནུས་ལྡན་དང་གོ་རིམ་ལྡན་པའི་ངང་སྤེལ་རྒྱུར་འགན་ལེན་བྱས་ཡོད། “‘མ་ལག་གསུམ’པོ་འདིས་ན་ནིང་འབྲུབ་འགོག་དང་ཆུ་ལོག་འགོག་པའི་ལས་དོན་ཁྲོད་ནུས་པ་གལ་ཆེན་བཏོན་ཡོད”

ཆུ་ལོག་འགོག་པའི་བདེ་འཇགས་མ་ལག་དང་ནུས་པ་འཐུས་སྒོ་ཚང་དུ་དང་ཆེ་རུ་གཏོང་བ་དང་ཆབས་ཅིག ཆུ་བེད་པུས་ད་དུང་གཙང་པོ་དང་། ཆུ་བོ། དེ་བཞིན་མཚའུའི་སྐྱེ་ཁམས་སྲུང་སྐྱོང་དང་བཅོས་སྐྱོང་ལ་ཤུགས་སྣོན་ཧུར་ཐག་བརྒྱབ་པས་ཆུ་བོ་དེ་བས་མང་བ་སླར་གསོ་བྱུང་ནས་འབབ་རྒྱུད་ཀྱི་སྐྱེ་སྟོབས་སླར་ཡང་མངོན་ཡོད།

ལི་གོ་དབྱིང་གིས“ཉེ་བའི་ལོ་བཅུའི་རིང་རྒྱལ་ཡོངས་ཀྱི་ཆུ་སྤྱོད་བསྡོམས་འབོར་འཕར་མེད”ཅེས་གསུངས་པ་རེད།