དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ཀྲུང་གོའི་ཁེ་ལས་300ལྷག་ཙམ་2025ལོའི་འཛམ་གླིང་སྒུལ་འཕྲིན་ཚོགས་ཆེན་ནང་ཞུགས་པ།

    —— “ཀྲུང་གོའི་ཁེ་ལས་དང་ཀྲུང་གོའི་ཐོན་རྫས་ལ་མི་རྣམས་ཀྱིས་ལོ་ལྟར་རེ་སྒུག་ཆེན་པོ་བྱེད་པ”

  • ཡོང་ཁུངས།  མི་དམངས་ཉིན་རེའི་ཚགས་པར།   |     རྩོམ་པ་པོ།  ཡན་ཧོན། ཤུའེ་ཧའེ་ལིན།   |     སྤེལ་དུས།  2025-03-11

    འདི་ནི་2025ལོའི་འཛམ་གླིང་སྒུལ་འཕྲིན་ཚོགས་ཆེན་ཐོག་ལྟ་སྐོར་བས་ཀྲུང་གོའི་ཁེ་ལས་ཀྱིས་བཏོན་པའི་རིག་ནུས་ཀི་ཐར་བཀྲོལ་བཞིན་པ།

    ཟླ་3ཚེས་3ཉིན་ནས་6ཉིན་བར། 2025ལོའི་འཛམ་གླིང་སྒུལ་འཕྲིན་ཚོགས་ཆེན་སི་ཕེན་གྱི་པཱ་སའེ་ལུའོ་ནཱ་ཚོགས་འགྲེམས་ལྟེ་གནས་སུ་འཚོགས་ཤིང་། གོ་ལ་ཧྲིལ་པོའི་འགྲེམས་ཞུགས་ཚོང་པ་2800ལྷག་ཙམ་ཡོད་པ་རེད། སྐབས་འདིའི་འགྲེམས་ཚོགས་ནང“གཅིག་འདུས་དང་། སྦྲེལ་མཐུད། གསར་གཏོད”བཅས་བརྗོད་དོན་གཙོ་བོར་བྱས་ནས། 5Gཡི་འཕེལ་འགྱུར་དང་མི་ཐབས་རིག་ནུས་ལ་གཙོ་གནད་ཐོག་དོ་ཁུར་བྱེད་པ་དང་། ཕྱོགས་གཉིས་པོའི་ཕན་ཚུན་ནུས་སྤྲོད་དང་མཉམ་འདྲེས་གཏིང་ཟབ་སོགས་ཀྱི་གྲོས་དོན་ལ་གྲོས་བསྡུར་གཏིང་ཟབ་བྱེད་པ་དང་ཆབས་ཅིག སྒུལ་འཕྲིན་ཁྱབ་ཁོངས་ཀྱི་ལག་རྩལ་གསར་ཤོས་དང་དུས་བབ་གཅིག་སྡུད་བྱས་ཡོད་པ་རེད། འགྲེམས་ཚོགས་རིང་ཀྲུང་གོའི་ཁེ་ལས་300ལྷག་ཙམ་གྱིས་བརྒྱུད་རིམ་ཧྲིལ་པོ་དང་རྣམ་པ་ཅན་གྱི་ཐོན་རྫས་ཀྱི་ཐག་གཅོད་ཇུས་གཞི་དང་དེ་བཞིན་རིག་ནུས་ཁ་པར་སོགས་མི་སྒེར་གྱི་མཇུག་སྣེའི་ཐོན་རྫས་བསྟན་ནས་ལྟད་མོ་བ་མང་པོ་ཞིག་གིས་ལྟ་སྐོར་དང་ཉམས་ལེན་བྱེད་པའི་ཡིད་དབང་བཀུག་ཡོད་པ་རེད།

    ཆ་འཕྲིན་དང་འཕྲིན་གཏོང་ལག་རྩལ་དང་མི་ཐབས་རིག་ནུས་ལག་རྩལ་མཉམ་འདྲེས་གཏིང་ཟབ་བྱས་ནས་མི་རྣམས་ཀྱི་ལས་ཀ་དང་འཚོ་བར་འགྱུར་ལྡོག་ཆེན་པོ་བྱུང་ཞིང་། གསར་འགོད་པས་ཁོའོ་ཏ་ཤུན་ཧྥེའི་འགྲེམས་སྟེགས་ནས་སྐབས་བསྟུན་སྐད་སྒྱུར་འཕྲུལ་ཆས་ཤིག་གཡར་བ་མ་ཟད། འདི་སྤྱད་ནས་ཧྥ་རན་སེའི་ཚན་རྩལ་སྨྱན་སྦྱོར་གྱི“ཨན་ཀྲོའུ་གདེང་འཇོག”ལེ་ཚན་གྱི་གཙོ་སྒྲིག་པ་ཕི་ཨར·ཀུའུ་ཕིར་ལ་བཅར་འདྲི་ཡང་བྱས་པ་རེད། སྐད་སྒྱུར་འཕྲུལ་ཆས་དེས་གསར་འགོད་པའི་རྒྱ་ཡིག་གི་དྲི་བ་དག་ཀུའུ་ཕིར་ལ་མགྱོགས་མྱུར་ཡིག་སྒྱུར་བྱེད་པ་དང་། ཁོང་གི་ཧྥ་རན་སེའི་སྐད་ཐོག་ནས་བསྐྱོན་པའི་ལན་དག་རྒྱ་སྐད་ལ་བསྒྱུར་གྱི་ཡོད། “ང་ཚོ་ཚན་རྩལ་རིགས་ཀྱི་སྨྱན་སྦྱོར་ངོས་ནས་བརྗོད་ན་ཀྲུང་གོའི་ཁེ་ལས་དང་ཀྲུང་གོའི་ཐོན་རྫས་ལ་མི་རྣམས་ཀྱིས་ལོ་ལྟར་རེ་སྒུག་ཆེན་པོ་བྱེད་པ་ཞིག་རེད”ཅེས་བརྗོད།

    “གོ་ལ་ཧྲིལ་པོའི་སྔོན་ཐོན་གྱི་མིའི་དབྱིབས་ཀྱི་འཕྲུལ་མི་བརྒྱུད་ང་ཚོས་ཡོང་སྲིད་པ་དེ་བས་མང་བ་གཏོད་རེ་བྱེད་ཀྱི་ཡོད”པཱ་སའེ་ལུའོ་ནཱ་འཛམ་གླིང་སྒུལ་འཕྲིན་ཐེབས་རྩ་ལྷན་ཚོགས་ཀྱི་དབུ་བཞུགས་ཆ་འཕྲིན་དཔོན་ཨའེ་ཏེ་ཧྭ·མཱ་ཏིང་གིས་གསར་འགོད་པར་ལྟ་སྐྱོང་འཕྲུལ་མིས་སྡེ་ཁུལ་གྱི་ཚང་སྟོང་རྒན་རྒོན་དང་ཁེར་སྡོད་རྒན་རྒོན་ལ་བདེ་འཇགས་དང་དྲོ་སྐྱིད་ལྡན་པའི་ཁྱིམ་སྡོད་རྒན་གསོའི་ཁོར་ཡུག་ཅིག་གཏོད་པ་མ་ཟད། ཡུལ་རྣམ་དེ་བས་མང་བར་བསྐྱར་ཟློས་རང་བཞིན་དང་། ཉེན་ཁ་ཆེ་ཞིང་དཀའ་ལས་ཆེ་བའི་ལས་ཀའི་ཚབ་བྱེད་ཀྱི་ཡོད། “འཕྲིན་གཏོང་ལག་རྩལ་དང་མི་ཐབས་རིག་ནུས་ཀྱི་ཁྱབ་ཁོངས་སུ་ཀྲུང་གོ་འཛམ་གླིང་གི་མདུན་གྲལ་དུ་སླེབས་ནས་འབྱུང་འགྱུར་གྱི་སྤྱི་ཚོགས་ལ་དེ་བས་བསྟུན་མཁས་ཀྱི་གྲངས་འཛིན་རྨང་གཞིའི་སྒྲིག་བཀོད་གཏོད་རྒྱུ་ཡིན། དེ་ཡང་མི་རྣམས་ཀྱིས་རེ་སྒུག་བྱ་ཡུལ་ཞིག་རེད”ཅེས་ངོ་སྤྲོད་བྱས།

    འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

མཉམ་སྤྱོད།

འབྲེལ་ཡོད་གསར་འགྱུར།