ཚེས་8ཉིན་ཤང་ཀང་དམིགས་བསལ་སྲིད་འཛིན་ཁུལ་སྲིད་གཞུང་དང་ཤང་ཀང་བུད་མེད་ལས་དོན་ཨུ་ཡོན་ལྷན་ཁང་གིས་མཉམ་འབྲེལ་ཐོག་2025ལོའི་རྒྱལ་སྤྱིའི་བུད་མེད་དུས་ཆེན་གྱི་ཆང་སྟོན་གཉེར་བ་རེད། དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་ལི་ཅཱ་ཁྲའོ་ཡིས་ཤིས་ཚིག་གནང་ནས་བུད་མེད་ནི་ཤང་ཀང་འཕེལ་རྒྱས་ཀྱི་སྟོབས་ཤུགས་གལ་ཆེན་ཞིག་དང་སྤྱི་ཚོགས་ཡར་ཐོན་ལ་སྐུལ་འདེད་གཏོང་མཁན་གལ་ཆེན་ཞིག་ཡིན་པས་རྒྱ་ཆེའི་བུད་མེད་ཀྱིས་འབད་བརྩོན་ཧུར་ཐག་བྱས་པར་ཐུགས་རྗེ་ཆེ་ཞུ་རྒྱུ་ཡིན་ཞེས་བརྗོད་པ་རེད།

ལི་ཅཱ་ཁྲའོ་ཡིས་ཤང་ཀང་ནི་རྒྱལ་སྤྱིའི་གྲོང་ཁྱེར་ཆེ་གྲས་ཤིག་ཡིན་པ་དང་བུད་མེད་ཀྱིས་ཤང་ཀང་མི་འབོར་གྱི་54%བཟུང་ཡོད། ངའི་ཚོགས་པའི་དོ་དམ་བྱེད་མཁན་ནང་བུད་མེད་ཅུས་ཀྲང་7ཡོད་པ་དེས་ཕྱེད་ཀ་ཙམ་བཟུང་ཡོད། བུད་མེད་ཞི་དཔོན་ལས་འགན་འཁུར་མཁན་གཞུང་ལས་པའི་བསྡུར་ཚད་49%ཟིན་པ་དང་། དམིགས་བསལ་སྲིད་འཛིན་ཁུལ་སྲིད་གཞུང་གི་གཞུང་ལས་པའི་རིམ་པ་མཐོ་ཤོས་ཀྱི་ལས་འགན་རྒྱུན་འཛིན་དྲུང་ཆེའི་ཁྲོད་བཅུ་ཆ་དྲུག་ནི་བུད་མེད་རེད། ཤང་ཀང་དེ“སྲིད་གཞུང་ལས་ཕྱོད”ཀྱི་ཨང་རིམ་ཁྲོད་ལོ་མང་རིང་གོ་ལ་ཧྲིལ་པོའི་ཨང་གསུམ་པའི་གྲས་སུ་སླེབས་པ་དང་བུད་མེད་གཞུང་ལས་པའི་བྱས་རྗེས་མེད་དུ་མི་རུང་བ་ཞིག་རེད་ཅེས་བརྗོད་པ་རེད།

ལི་ཅཱ་ཁྲའོ་ཡིས་མི་སྒེར་གྱི་ཁྲོམ་རར་ད་ཆ་ཆེད་ལས་མི་སྣ་བཅུ་ཆ་ལྔ་ནི་བུད་མེད་ཡིན་པ་དང་། ལས་གཉེར་ཁྲིམས་རྩོད་པ་དང་ཐོ་འགོད་རྩིས་པ་ཕྱེད་ཀ་ལྷག་ཙམ་ནི་བུད་མེད་ཡིན། སྤྱི་གཉེར་རིམ་པའི་ཁྲོད་བཅུ་ཆ་བཞི་ཙམ་ནི་བུད་མེད་ཡིན་ཞེས་བརྗོད་པ་རེད།