ཀོང་ཤིས་ནས་ཐོན་འགོ་ཚུགས་པའི་ཀྲུང་ཝེའི་དུས་གཏན་མེ་འཁོར་གྱིས་དངོས་ཟོག་སྐྱེལ་འདྲེན་བྱེད་ཚད་ཆེ་རུ་ཤུགས་ཆེན་ཕྱིན་པ།
གསར་འགོད་པས་ཀྲུང་གོ་ལྕགས་ལམ་ནན་ནིང་ཅུས་ཚོགས་པ་ཚད་ཡོད་ཀུང་སི་ནས་ཤེས་རྟོགས་བྱུང་བར། ད་ལོའི་ཟླ་དང་པོ་དང་གཉིས་པར་ཀོང་ཤིས་ནས་ཐོན་འགོ་ཚུགས་པའི་ཀྲུང་ཝེའི་དུས་གཏན་མེ་འཁོར་གྱིས་རིམ་རྩིས་བརྒྱབ་ན། དངོས་ཟོག་ཚད་ལྡན་དོས་སྒམ་5118སྐྱེལ་འདྲེན་བྱས་པ་དེ་དུས་མཚུངས་ལས་753%འཕར་ནས་མུ་མཐུད་མགྱོགས་མྱུར་འཕར་བའི་རྣམ་པ་རྒྱུན་འཁྱོངས་ཐུབ་ཡོད།
ད་ལོ་ཚུན་དུ་རྒྱལ་ཁབ་ལྕགས་ལམ་ནན་ནིང་ཅུས་ཀྱིས་སྐྱེལ་འདྲེན་ཁྲོམ་ར་སྔར་བས་གསར་འབྱེད་བྱས་ཏེ། འབྲི་ཆུའི་ཟུར་གསུམ་ས་ཁུལ་གྱི་ཟོག་ཁུངས་སྔོག་འདོན་གཏིང་ཟབ་བྱས་ནས་མཁོ་མཁན་ལ་སྐྱེལ་འདྲེན་ཇུས་གཞི་གཏན་འཁེལ་བྱས་ཏེ། ཀྲུང་ཝེའི་དུས་གཏན་མེ་འཁོར་གྱི་ལྕགས་ལམ་དང་མཚོ་ཐོག་མཉམ་འབྲེལ་སྐྱེལ་འདྲེན་བྱེད་སྟངས་བརྒྱུད་ཨན་ཧུའེ་ཡི་བཏུང་བྱ་ཝེ་ཐེ་ནམ་དུ་ཕྱིར་ཚོང་བྱས་པ་དང་། དུས་མཚུངས་ཀྲེ་ཅང་གི་འཁེལ་འཐག་ཐོན་རྫས་དང་ཅང་སུའུ་ཡི་གློག་རྡུལ་ཐོན་རྫས་ཚོད་ལྟའི་སྐྱེལ་འདྲེན་བྱས་ནས་དུས་གཏན་མེ་འཁོར་གྱི་ཟོག་ཁུངས་རྒྱུན་ཆད་མེད་པར་རྒྱ་ཆེར་གཏོང་བཞིན་ཡོད་པ་རེད།