རང་རྒྱལ་གྱི་བཟོ་སྐྲུན་ལས་རིགས་ཀྱི་ཐོན་རྫས་ཀྱི་སྤུས་ཚད་ཚད་ལོན་ཚད་བརྟན་ཐོག་ཡར་འཕེལ་བྱུང་བ།
▲ རང་རྒྱལ་གྱི་ཐོན་རྫས་དང་ཞབས་ཞུའི་སྤུས་ཚད་རྒྱུན་ཆད་མེད་པར་མཐོ་རུ་ཕྱིན་ཡོད། བཟའ་བཅའ་དང་སྨན་རྫས་འཐེན་བཤེར་གྱི་ཚད་ལོན་ཚད་99%ཟིན་པ་དང་ཞབས་ཞུའི་སྤུས་ཚད་ལ་བློ་ཡིད་ཚིམ་ཚད་ལོ་ལྔ་བསྟུད་མར་མཐོ་རུ་ཕྱིན་ཡོད། 2024ལོར་རྒྱལ་ཁབ་ཀྱི་ཚད་གཞི་ཁག་2869ལ་གསར་དུ་ཆོག་མཆན་སྤྲད་དེ་ཁྱབ་བསྒྲགས་བྱས་ནས་རྒྱལ་ཡོངས་སུ་སྤུས་ཚད་ཀྱི་རྨང་གཞིའི་སྒྲིག་བཀོད་ཀྱི“གཅིག་འཐུས་རྣམ་པའི”ཞབས་ཞུའི་ས་ཚིགས་2372བསྐྲུན་པས་སྤུས་ཚད་ཀྱི་རྨང་གཞིའི་སྒྲིག་བཀོད་ཀྱི་ཞབས་ཞུའི་ནུས་པ་རྒྱུན་ཆད་མེད་པར་ཆེ་རུ་ཕྱིན་ཡོད།
ཉེ་ཆར། གསར་འགོད་པར་རྒྱལ་ཁབ་ཁྲོམ་ར་ལྟ་འདོམས་སྤྱི་ཁྱབ་ཅུས་ནས་ཤེས་རྟོགས་བྱུང་བར། 2024ལོའི་ལོ་མཇུག་བར་རང་རྒྱལ་གྱི་བཟོ་སྐྲུན་ལས་རིགས་ཀྱི་ཐོན་རྫས་ཀྱི་སྤུས་ཚད་ཚད་ལོན་ཚད་93.93%ཟིན་ནས། རྒྱལ་ཡོངས་ཀྱི་བཟོ་སྐྲུན་ལས་རིགས་ཀྱི་སྤུས་ཚད་འགྲན་རྩོད་ནུས་པའི་སྟོན་གྲངས་85.6བར་མཐོ་རུ་ཕྱིན་པ་དང་འཚོ་བའི་རང་བཞིན་གྱི་ཞབས་ཞུ་དང་སྤྱི་པའི་ཞབས་ཞུའི་སྤུས་ཚད་ཀྱི་བློ་ཡིད་ཚིམ་ཚད་མཐོ་པོ་ཡིན་པ་རྒྱུན་འཁྱོངས་ཐུབ་ཡོད་པ་རེད།
2024ལོར། ཁྲོམ་ར་ལྟ་འདོམས་སྡེ་ཚན་གྱིས་ཁེ་ལས་རྒྱ་སྟོབས་ཆེ་རུ་གཏོང་བ་དང་། ཐོན་ལས་ཀྱི་འཁོར་རྒྱ་འཛུགས་པ་དང་འཁོར་འབྲེལ་ཤུགས་ཆེར་གཏོང་བ། གྲོང་ཁྱེར་རྒྱུན་མཐུད་ཆོག་པའི་འཕེལ་རྒྱས་གཏོང་བ་བཅས་ཁྲོད་ཀྱི་སྤུས་ཚད་ཀྱི་ནུས་པ་གང་ལེགས་བཏོན་ཏེ། སྤུས་ཚད་ལ་བརྟེན་ནས་ཁེ་ལས་དང་། འཁོར་འབྲེལ། རྫོང(ཆུས་དང་གྲོང་རྡལ)བཅས་སྟོབས་ཆེར་གཏོང་བའི་བྱ་སྤྱོད་གཙོ་གནད་ཐོག་སྤེལ་ཡོད། 《སྤུས་ཚད་སྟོབས་ཆེའི་རྒྱལ་ཁབ་འཛུགས་སྐྲུན་གྱི་སྣེ་ཁྲིད་ཁེ་ལས་སྐྱེད་སྲིང་བྱེད་པའི་ཕྱོགས་སྟོན་སྒྲིག་སྲོལ》བརྒྱུད་རིམ་ལྡན་པའི་སྒོ་ནས་བཙུགས་ཤིང་། རིམ་རྩིས་བརྒྱབ་ན། སྤུས་ཚད་ལག་རྩལ་གསར་གཏོད་མཉམ་འབྲེལ་སྒྲིག་གཞི་889འཛུགས་རྒྱུར་རྒྱབ་སྐྱོར་བྱས་ནས། ཁེ་ལས་ཁྲི་60ལྷག་ཙམ་ལ་རོགས་སྐྱོར་བྱས་ཡོད། རྒྱལ་ཡོངས་སུ་སྤུས་ཚད་འཁོར་འབྲེལ་ཤུགས་ཆེར་གཏོང་བའི་རྣམ་གྲངས་952ལག་བསྟར་བྱས་ནས་རྒྱལ་ཡོངས་ཀྱི་སྤུས་ཚད་འཁོར་འབྲེལ་ཤུགས་ཆེར་གཏོང་བའི་གཙོ་གནད་རྣམ་གྲངས་བརྒྱ་ཡི་གསལ་ཐོ་ཆགས་པར་བྱས་ཡོད། སྤུས་ཚད་སྟོབས་ཆེའི་རྫོང(ཆུས་དང་གྲོང་རྡལ)གི་གྲངས་འཛིན་ཅན་གྱི་ཞབས་ཞུའི་ལས་སྟེགས་བསྐྲུན་ནས་གྲོང་ཁྱེར་580རུ་སྤུས་ཚད་ལ་བརྟེན་ནས་རྫོང་དང་། ཆུས། གྲོང་རྡལ་བཅས་སྟོབས་ཆེར་གཏོང་འགོ་ཚུགས་པ་རེད།
ད་དུང་ཁྲོམ་ར་ལྟ་འདོམས་སྤྱི་ཁྱབ་ཅུས་ཀྱིས་རྒྱལ་ཁབ་འཕེལ་སྒྱུར་ཨུ་ལྷན་སོགས་སྡེ་ཚན་དང་མཉམ་དུ་སྤུས་ཚད་མཐོར་གཏོང་བྱ་སྤྱོད་ལག་བསྟར་གཏིང་ཟབ་བྱས་པས། རང་རྒྱལ་གྱི་ཐོན་རྫས་དང་ཞབས་ཞུའི་སྤུས་ཚད་རྒྱུན་ཆད་མེད་པར་མཐོ་རུ་ཕྱིན་ཡོད། བཟའ་བཅའ་དང་སྨན་རྫས་འཐེན་བཤེར་གྱི་ཚད་ལོན་ཚད་99%ཟིན་པ་དང་ཞབས་ཞུའི་སྤུས་ཚད་ལ་བློ་ཡིད་ཚིམ་ཚད་ལོ་ལྔ་བསྟུད་མར་མཐོ་རུ་ཕྱིན་ཡོད། 2024ལོར་རྒྱལ་ཁབ་ཀྱི་ཚད་གཞི་ཁག་2869ལ་གསར་དུ་ཆོག་མཆན་སྤྲད་དེ་ཁྱབ་བསྒྲགས་བྱས་ནས་རྒྱལ་ཡོངས་སུ་སྤུས་ཚད་ཀྱི་རྨང་གཞིའི་སྒྲིག་བཀོད་ཀྱི“གཅིག་འཐུས་རྣམ་པའི”ཞབས་ཞུའི་ས་ཚིགས་2372བསྐྲུན་པས་སྤུས་ཚད་ཀྱི་རྨང་གཞིའི་སྒྲིག་བཀོད་ཀྱི་ཞབས་ཞུའི་ནུས་པ་རྒྱུན་ཆད་མེད་པར་ཆེ་རུ་ཕྱིན་ཡོད་པ་རེད།