འཁོར་འབྲེལ་དངོས་མང་སྟོན་ཚོགས་སྐབས་གསུམ་པའི་འོས་སྦྱོར་ངོ་སྤྲོད་ཚོགས་འདུ་ཏཱ་པན་དུ་འཚོགས་པ།
ཚེས་2ཉིན། རི་པིན་ཀོན་ཤིས་དཔལ་འབྱོར་ལས་རིགས་ཀྱི་སྤེལ་རེས་ཚོགས་འདུ་དང་འཁོར་འབྲེལ་དངོས་མང་སྟོན་ཚོགས་སྐབས་གསུམ་པའི་འོས་སྦྱོར་ངོ་སྤྲོད་ཚོགས་འདུ་ཏཱ་པན་དུ་འཚོགས་པ་རེད།
ཀྲུང་གོ་ཚོང་དོན་སྐུལ་སྤེལ་མཐུན་ཚོགས་ཀྱི་ཚོགས་གཙོ་རེན་ཧུང་པིན་གྱིས་ཤིས་ཚིག་སྒྲོན་སྐབས། ཀྲུང་གོ་དང་རི་པིན་གྱི་དཔལ་འབྱོར་མཉམ་འདྲེས་གཏིང་ཟབ་བྱུང་ནས་མཉམ་ལས་ཁྱབ་ཁོངས་རྒྱུན་ཆད་མེད་པར་རྒྱ་ཆེར་ཕྱིན་ཡོད། ཉེ་བའི་ལོ་ཤས་རིང་། སྤེལ་རེས་དང་མཉམ་འགུལ་ཡང་ཡང་བྱས་པ་དེས་ཕྱོགས་གཉིས་པོའི་དཔལ་འབྱོར་ཚོང་དོན་གྱི་མཉམ་ལས་ལ་གདེང་ཚོད་དང་སྒུལ་ཤུགས་བསྣན་ཡོད། ཟླ་གོང་མར། ཀྲུང་གོ་སྲིད་གཞུང་གིས《2025ལོའི་ཕྱི་དངུལ་བརྟན་པོ་ཡོང་བའི་བྱ་སྤྱོད་ཀྱི་ཇུས་གཞི》བཏོན་ནས། ཕྱི་དངུལ་འགུག་ཤུགས་ཆེ་རུ་གཏོང་བའི་བརྡ་རྟགས་གསལ་པོ་བཏང་སྟེ་རི་པིན་གྱི་ཁེ་ལས་ཚུད་པའི་རྒྱལ་ཁབ་ཁག་གི་ཁེ་ལས་ལ་དེ་བས་རྒྱ་ཆེ་བའི་ཁྲོམ་ར་དང་མཉམ་ལས་ཀྱི་གོ་སྐབས་མཁོ་འདོན་བྱས་ཡོད། ཀྲུང་གོ་ཚོང་དོན་སྐུལ་སྤེལ་མཐུན་ཚོགས་ཀྱིས་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་གྱི་རྒྱལ་སྤྱིའི་མཉམ་ལས་ལ་ཤུགས་རྒྱག་རྒྱུ་ཡིན་པས། རི་པིན་གྱི་ཁེ་ལས་དང་སྒྲིག་གཞི་དེ་བས་མང་བ་འཁོར་འབྲེལ་དངོས་མང་སྟོན་ཚོགས་སྐབས་གསུམ་པར་ཞུགས་རྒྱུར་དགའ་བསུ་ཞུ་རྒྱུ་ཡིན་ཞེས་བརྗོད་པ་རེད།
ཀོན་ཤིས་དཔལ་འབྱོར་མཉམ་འབྲེལ་ལྷན་ཚོགས་ཀྱི་ཚོགས་གཙོ་སུང་པིན་ཀྲེང་དབྱི་དང་ཏཱ་པན་ཚོང་ལས་ལས་དོན་ཚོགས་འདུ་ཁང་གི་ཚོགས་གཙོ་ཉའོ་ཅིན་ཤིན་ཝུའུ་སོགས་ཚོགས་འདུར་ཞུགས་པ་དང་འབྲེལ་ཤིས་ཚིག་ཀྱང་བསྒྲོན་པ་རེད།