ཝེ་ཐེ་ནམ་གྱི་ཙུང་ལི་ཧྥན་མིང་ཀྲེང་གིས་ཀྲུང་གོའི་མ་འཇོག་ཁེ་ལས་ཀྱི་འཐུས་མི་དང་བཞུགས་མོལ་བྱས་པ།
ཉེ་ཆར། ཝེ་ཐེ་ནམ་གྱི་ཙུང་ལི་ཧྥན་མིང་ཀྲེང་གིས་ཀྲུང་གོའི་མ་འཇོག་ཁེ་ལས་ཀྱི་བཞུགས་མོལ་ཚོགས་འདུ་གཙོ་སྐྱོང་བྱས་ཤིང་། ཝེ་ཐེ་ནམ་གྱི་ཙུང་ལི་གཞོན་པ་ཧུའུ་ཏེ་ཧྥུའུ་དང་རོན་ཀྲི་ཡུང་དང་དེ་བཞིན་འབྲེལ་ཡོད་སྲིད་གཞུང་སྡེ་ཚན་གྱི་འགན་འཁུར་བ་བཅས་ཚོགས་འདུར་ཞུགས་པ་རེད། ཝེ་ཐེ་ནམ་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཧོ་ཝུའེ་དང་དེ་བཞིན་ཀྲུང་གོའི་མ་འཇོག་ཁེ་ལས་ཀྱི་འཐུས་མི་ཚོགས་འདུར་ཞུགས་པ་རེད།
ཧྥན་མིང་ཀྲེང་གིས་ཝེ་ཐེ་ནམ་སྲིད་གཞུང་གིས་ཐོན་ཁུངས་ཡོད་ཚད་སྐུལ་སློང་བྱས་ནས་དཔལ་འབྱོར་མགྱོགས་མྱུར་རྒྱུན་མཐུད་ཆོག་པའི་ངང་འཕར་རྒྱུར་སྐུལ་འདེད་གཏོང་བཞིན་ཡོད། སླད་ཕྱིན་ཀྲུང་གོའི་མ་འཇོག་ཁེ་ལས་ཀྱིས་ཝེ་ཐེ་ནམ་མ་འཇོག་བྱ་ཡུལ་ཡག་པོ་ཞིག་ཏུ་བརྩིས་ནས་གཉིས་ཕན་མཉམ་ལས་ཀྱི་རྣམ་པ་གསར་པ་མཉམ་དུ་གཏོད་རྒྱུའི་རེ་བ་ཡོད་ཅེས་བརྗོད་པ་རེད།
ཧོ་ཝུའེ་ཡིས་ཀྲུང་གོ་དང་ཝེ་ཐེ་ནམ་གྱི་ལས་དབང་གཅིག་མཐུན་ཚོགས་པ་འཛུགས་སྐྱོང་གི་ཕན་འབྲས་ལ་གདེང་འཇོག་ཆེན་པོ་བྱས་པ་དང་། ཕྱོགས་གཉིས་པོས་མཐུན་སྦྱོར་ནུས་ཤུགས་བཏོན་ནས་མཉམ་ལས་བྱེད་རྒྱ་རྒྱུན་ཆད་མེད་པར་ཆེ་རུ་བཏང་སྟེ་རྒྱལ་ཁབ་གཉིས་པོའི་མི་དམངས་ལ་བདེ་སྐྱིད་བསྐྲུན་རྒྱུའི་རེ་འབོད་བྱས་པ་རེད།
ཚོགས་ཞུགས་ཀྲུང་གོའི་མ་འཇོག་ཁེ་ལས་ཀྱིས་ཀྲུང་གོ་དང་ཝེ་ཐེ་ནམ་གྱི་མཉམ་ལས་ལ་ཡིད་ཆེས་ཆེན་པོ་ཡོད། ཝེ་ཐེ་ནམ་སྲིད་གཞུང་གིས་སྲིད་ཇུས་ཀྱི་རྒྱབ་སྐྱོར་དང་མ་འཇོག་གི་སྟབས་བདེ་དེ་བས་མང་བ་བསྐྲུན་རྒྱུའི་རེ་བ་འཆང་ལུགས་བསྟན་པ་རེད།