ཝང་ཀྲི་ཆིན་ནི་ཀྲུང་གོ་ཆ་འཕྲིན་འཕྲིན་གཏོང་ཞིབ་འཇུག་ཁང་གི་ཞིབ་འཇུག་པ་དང་། ཀྲུང་གོ་འཕྲིན་གཏོང་ཚད་ལྡན་ཅན་མཐུན་ཚོགས་སྐུད་མེད་ཨུ་ཡོན་ལྷན་ཁང་གི་ཀྲུའུ་ཞི་རེད། ཁོང་གིས་ལོ་30ལྷག་ཙམ་རིང་ཚན་རིག་ཞིབ་འཇུག་གི་འཐབ་ས་དང་པོ་བརྟན་སྲུང་བྱས་ནས། ཀྲུང་གོའི་འཕྲིན་གཏོང་བྱ་གཞག་འཕེལ་རྒྱས་ཆེད་འབད་བརྩོན་ལྷོད་མེད་བྱས་ཡོད། ཝང་ཀྲི་ཆིན་གྱིས་ཚོགས་པའི་སྣེ་ཁྲིད་དེ། 5Gདུས་འཁོར་ཧྲིལ་པོའི་གཞི་གཅིག་ཅན་གྱི་ཐོན་ལས་ཚན་རྩལ་གསར་གཏོད་མ་ལག་འཛུགས་པ་སོགས་ཞིབ་འཇུག་ལས་དོན་གཙོ་སྐྱོང་བྱས་ནས། རང་རྒྱལ་གྱིས“3Gཚད་བརྒལ་དང་། 4Gམཉམ་སྐྱོད། 5Gསྣེ་ཁྲིད”བཅས་ཀྱི་མཆོང་སྐྱོད་ལྟ་བུའི་འཕེལ་རྒྱས་མངོན་འགྱུར་ཆེད་ལེགས་སྐྱེས་ཕུལ་ཡོད། མིག་སྔར། ཝང་ཀྲི་ཆིན་གྱིས་ཚོགས་པའི་སྣེ་ཁྲིད་དེ། 6Gམདུན་ལྗོངས་ཞིབ་འཇུག་དང་། འགག་རྩའི་ལག་རྩལ་ཞིབ་སྤེལ། ཚོད་ལྟའི་དཔྱད་དཔོག རྒྱལ་སྤྱིའི་ཚད་གཞིའི་གྲ་སྒྲིག་ཞིབ་འཇུག་སོགས་ཀྱི་ལས་དོན་བཀོད་སྒྲིག་བྱེད་བཞིན་ཡོད་པ་རེད། ཝང་ཀྲི་ཆིན་དང་ཚོགས་པའི་ཚན་རྩལ་གྲུབ་འབྲས་ལ་རྒྱལ་ཁབ་ཚན་རིག་ལག་རྩལ་ཡར་ཐོན་བྱ་དགའི་དམིགས་བསལ་བྱ་དགའ་དང་བྱ་དགའ་ཨང་དང་པོ་སོགས་མང་པོ་ཐོབ་ཅིང་། ཁོང་རང་ཉིད་ལའང་རྒྱལ་ཡོངས་ཀྱི་གསུམ་བརྒྱད་དར་དམར་བའི་དཔེ་དམག་དང་། རྒྱལ་ཡོངས་ལྔ་གཅིག་ངལ་རྩོལ་གཟེངས་རྟགས་སོགས་མཚན་སྙན་མང་པོ་ཐོབ་སྟེ། ཀྲུང་གོའི་ཆ་འཕྲིན་འཕྲིན་གཏོང་ཁྱབ་ཁོངས་ཀྱི་བུད་མེད་འཐུས་མིར་གྱུར། དུས་རབས་གསར་པ་དང་རྒྱང་ལམ་གསར་པར། ཁོང་གིས་མུ་མཐུད་ཚོགས་པའི་སྣེ་ཁྲིད་དེ་རང་རྒྱལ་གྱི་འཕྲིན་གཏོང་བྱ་གཞག་རྒྱུན་མཐུད་འཕེལ་རྒྱས་དང་ཚན་རྩལ་རང་ཚུགས་རང་དར་མངོན་འགྱུར་ཆེད་སྟོབས་ཤུགས་སྐྱེས་སུ་ཕུལ་དང་འབུལ་བཞིན་མཆིས། འདི་ནི་ཟླ་2ཚེས་27ཉིན། ཝང་ཀྲི་ཆིན་གྱིས་ཀྲུང་གོ་ཆ་འཕྲིན་འཕྲིན་གཏོང་ཞིབ་འཇུག་ཁང་གི་གཞུང་ལས་ཁང་དུ་ལས་ཀ་བྱེད་བཞིན་པ།