དབུ་ཤོག>གསར་འགྱུར།>དཔལ་འབྱོར།
  • ན་ནིང་བོད་ལྗོངས་ཀྱིས་འབྲུ་རིགས་ཏུན་ཁྲི་1.82ཉོ་སྒྲུབ་བྱས་པ།

    འབྲུ་རིགས་འདེབས་མཁན་ཞིང་པའི་ཡོང་འབབ་སྒོར་ཁྲི་7600ཟིན་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-03-01

    གསར་འགོད་པར་ཉེ་དུས་འཚོགས་པའི་ལྗོངས་ཡོངས་ཀྱི་འབྲུ་རིགས་དང་དངོས་ཟོག་གྲབས་གསོག་ལས་དོན་ཚོགས་འདུའི་ཐོག་ནས་ཤེས་རྟོགས་བྱུང་བར། 2024ལོར་ལྗོངས་ཡོངས་ཀྱི་ལོ་ཧྲིལ་པོར་འབྲུ་རིགས་ཉོ་སྒྲུབ་བྱེད་ཚད་ཏུན་ཁྲི་1.82ཟིན་པ་དང་འབྲུ་རིགས་འདེབས་མཁན་ཞིང་པར་ཡོང་འབབ་སྒོར་ཁྲི་7600བྱུང་ནས་འབྲུ་རིགས་བདེ་འཇགས་ཀྱི་འགན་སྲུང་ནུས་པ་དང་། དངོས་ཟོག་གྲབས་གསོག་མ་ལག དེ་བཞིན་སྒྲིག་གཞི་དང་ལམ་སྲོལ་སྒྱུར་བཅོས་སོགས་མངོན་གསལ་དོད་པོས་འཐུས་སྒོ་ཚང་དུ་ཕྱིན་ཡོད།

    གྲབས་གསོག་འབྲུ་རིགས་ཡུན་རིང་སོས་པར་གནས་པའི་འགན་ལེན་བྱ་ཆེད། རང་ལྗོངས་ཀྱིས་གྲབས་གསོག་བརྗེ་རེས་ཀྱི་དོ་དམ་ལ་ཤུགས་སྣོན་བརྒྱབ་ནས་རང་སྐྱོང་ལྗོངས་ཀྱིས་གྲབས་གསོག་བྱས་པའི་འབྲུ་རིགས་དང་སྣུམ་སྤྱི་རྒྱ་ཁྲི་825བདེ་བླག་ངང་བརྗེ་པོ་བརྒྱབ་ཡོད། དེ་དང་ཆབས་ཅིག་འབྲུ་རིགས་འགྲོ་རྒྱུག་ལ་ལྟ་འདོམས་བྱེད་པའི“བྱ་སྤྱོད་ནན་པོ”ཤུགས་ཆེན་སྤེལ་ནས་སྡེ་ཚན་སྒྲོལ་བའི་མཉམ་འབྲེལ་ཁྲིམས་སྒྱུར་ཕྱོགས་ཡོངས་ནས་ཁྱབ་གདལ་གཏོང་བ་དང་ལྟ་འདོམས་ཀྱི་ཆ་འཕྲིན་ཅན་ལ་རྒྱུན་མཐུད་སྐུལ་འདེད་བཏང་བས་ས་གནས་ཀྱི་གྲབས་གསོག་འབྲུ་རིགས་ཀྱི་ལྟ་འདོམས་ཕྱོགས་ཡོངས་ལ་ཁྱབ་ཡོད།

    འབྲུ་རིགས་གྲོན་ཆུང་དང་གྱོང་གུན་ཆུང་དུ་གཏོང་བའི་ཐད་ལྗོངས་ཡོངས་ཀྱིས“མཐོར་གཏོང་བྱ་སྤྱོད་ཆེན་པོ་དྲུག”ལག་བསྟར་གཏིང་ཟབ་བྱས་ཤིང་། 2024ལོའི་ལོ་མཇུག་བར། རིམ་རྩིས་བརྒྱབ་ན་ཞིང་དུད་ལ་ཚན་རིག་དང་མཐུན་པའི་འབྲུ་རིགས་གྲབས་གསོག་མཛོད་ཁང་ཆ་ཚང་ཁྲི་1.6སྤྲད་ཡོད་པ་རེད།

    འཕྲལ་སྡོམ་འགན་སྲུང་ནུས་པའི་ཐད། ན་ནིང་རང་ལྗོངས་སུ་ལྗོངས་དང་། གྲོང་ཁྱེར(ས་ཁུལ) རྫོང(ཆུས་དང་གྲོང་ཁྱེར)བཅས་ཀྱི་རིམ་གསུམ་འབྲུ་རིགས་འཕྲལ་སྡོམ་སྔོན་ཇུས་ཕྱོགས་ཡོངས་ལ་ཁྱབ་པ་དང་། གྲོང་ཁྱེར(ས་ཁུལ)7གྱི་འབྲུ་རིགས་འཕྲལ་སྡོམ་སྡེབ་སྐྱེལ་ལྟེ་གནས་ཕྱོགས་ཡོངས་ལ་ཁྱབ་པ། རྫོང(ཆུས་དང་གྲོང་ཁྱེར)74ཡི་འབྲུ་རིགས་འཕྲལ་སྡོམ་གསོག་འདྲེན་ཁེ་ལས་དང་ལས་སྣོན་བྱེད་ནུས་ཕྱོགས་ཡོངས་ལ་ཁྱབ་ཡོད། གཞིས་རྩེའི་དིང་རིར་ས་ཡོམ་རིམ་པ་6.8བརྒྱབ་རྗེས་ལྗོངས་ཡོངས་ཀྱི་འབྲུ་རིགས་གྲབས་གསོག་ཁོངས་གཏོགས་ཀྱིས་རིམ་པ་བཞི་པའི་དངོས་ཟོག་དང་རིམ་པ་གསུམ་པའི་འབྲུ་སྣུམ་གྲབས་གསོག་ཕྱོགས་བསྡུས་འགན་སྲུང་ལམ་སྲོལ་ཐེངས་དང་པོར་སྤེལ་འགོ་བཙུགས་ནས་རིམ་རྩིས་བརྒྱབ་ན་རིམ་པ་ཁག་གི་དངོས་ཟོག(ཆ་ཚང)ཁྲི་35ལྷག་ཙམ་འཐེན་སྤྱོད་བྱས་པ་དང་གྲབས་གསོག་འབྲུ་སྣུམ་ཏུན་560སྤྱད་ནས་གནོད་འཚེ་ཕོག་པའི་མང་ཚོགས་ལ་བཀོད་སྒྲིག་འོས་འཚམ་དང་བདེ་འཇགས་དང་དྲོ་སོབ་སོབ་ངང་དགུན་སྒྲོལ་ཐུབ་པའི་འགན་ལེན་བྱས་ཡོད།

    འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

མཉམ་སྤྱོད།

འབྲེལ་ཡོད་གསར་འགྱུར།