ཤིན་ཧྭ་གསར་འགྱུར་ཁང་པེ་ཅིང་ནས་གློག་འཕྲིན་འབྱོར་གསལ། བསྡོམས་རྩིས་གྲངས་གཞི་ལས་མངོན་པར། 2024ལོར་རང་རྒྱལ་གྱི་རྒྱ་མཚོའི་དཔལ་འབྱོར་འཕེལ་རྒྱས་ཤུགས་ཆེན་ཕྱིན་ནས་དཔལ་འབྱོར་བསྡོམས་འབོར་སྒོར་དུང་ཕྱུར་ཁྲི་10ལས་ཐོག་མར་བརྒལ་ཡོད།

ཚེས་24ཉིན། རང་བྱུང་ཐོན་ཁུངས་པུའི་རྒྱ་མཚོའི་འཐབ་ཇུས་འཆར་འགོད་དང་དཔལ་འབྱོར་སིས《2024ལོའི་ཀྲུང་གོའི་རྒྱ་མཚོའི་དཔལ་འབྱོར་གྱི་བསྡོམས་རྩིས་སྤྱི་བསྒྲགས》ཁྱབ་བསྒྲགས་བྱས་པ་ལས་མངོན་པར། ཞིབ་རྩིས་རགས་ཙམ་བརྒྱབ་པར། 2024ལོའི་རྒྱལ་ཡོངས་ཀྱི་རྒྱ་མཚོའི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་105438ཟིན་པ་དེ་ལོ་གོང་མ་ལས་5.9%འཕར་ནས་འཕེལ་རྒྱས་ཤུགས་ཆེན་འགྲོ་ཚུལ་མངོན་ཡོད་པ་རེད།

རྒྱ་མཚོའི་ཞབས་ཞུའི་ལས་རིགས་ཀྱིས་རྒྱ་མཚོའི་དཔལ་འབྱོར་ལ་སྐུལ་ཁྲིད་བྱེད་ནུས་མངོན་གསལ་དོད་པོ་ཡོད། 2024ལོར་རྒྱ་མཚོའི་ཞབས་ཞུའི་ལས་རིགས་ཀྱི་འཕར་ཐང་གིས་རྒྱ་མཚོའི་ཐོན་སྐྱེད་རིན་ཐང་བསྡོམས་འབོར་གྱི་བསྡུར་གྲངས་བཟུང་ཚད་59.6%ཟིན་ཡོད། རྒྱ་མཚོའི་ཡུལ་སྐོར་ཁྲོམ་ར་རྒྱུན་མཐུད་དར་བ་དང་ཡུལ་སྐོར་མཚོ་གྲུའི་ཡུལ་སྐོར་བྱེད་མང་དུ་ཤུགས་ཆེན་ཕྱིན་ཡོད་པ་རེད།

མཚོ་ཐོག་རླུང་གློག་དེ་གཞི་ཁྱོན་ཅན་དང་ཚོ་འདུས་ཅན་གྱི་འཕེལ་རྒྱས་དུས་མཚམས་གསར་པར་རིམ་བཞིན་སླེབས་ནས་ལོ་ཧྲིལ་པོའི་མཚོ་ཐོག་རླུང་གློག་གི་གློག་གཏོང་ཚད་དུས་མཚུངས་ལས་30%ཙམ་འཕར་ཡོད། ཨེ་ཤེ་ཡའི་བཟོ་ལས་རིམ་པའི་མཚོ་ཐོག་རླུང་གློག་གི་དཔེ་སྟོན་རྣམ་གྲངས་ཐོག་མ་ཀོང་ཏུང་ཀྲུའུ་ཧའེ་རུ་བརྟན་པོའི་ངང་སྤྱོད་ཐུབ་ནས་རང་རྒྱལ་གྱིས་ཆན་ཝ་100ལས་བརྒལ་བའི་རླངས་སྒུལ་རྣམ་པའི་མཚོ་རླབས་གློག་གཏོང་སྒྲིག་ཆས་ཐོག་མ“ཧྭ་ཆིང་རྟགས་ཅན”བདེ་བླག་ངང་ཆུར་འཛུལ་ནས་ཀྲའོ་ཝ་རིམ་པའི་རླབས་རྒྱུན་ནུས་པའི་གློག་གཏོང་འཕྲུལ་ཙུའུ“འབད་འཐབ་རྟགས་ཅན”གྱིས་རིམ་རྩིས་བརྒྱབ་ན་དྲ་སྦྲེལ་གློག་གཏོང་བྱེད་ཚད་ཆུ་ཚོད་ཆན་ཝ་ཁྲི་450ལས་བརྒལ་ཡོད་པ་རེད།