ཚེས་23ཉིན། རང་སྐྱོང་ལྗོངས་གནམ་གཤིས་ལས་ཁུངས་ཀྱིས་མ་འོངས་ཉིན་བཅུའི་གནམ་གཤིས་སྔོན་བརྡ་བཏང་ཞིང་། སྔོན་དཔག་བྱས་ན། ཚེས་26ཉིན་གོང་། རང་ལྗོངས་ཀྱི་ཤར་རྒྱུད་དུ་གངས་སམ་ཆར་པ་མང་པོ་འབབ་རྒྱུ་དང་། དེའི་ནང་ཉིང་ཁྲིར་གངས་སམ་ཆར་པ་འབབ་ཚད་ཅུང་མང་བ་དང་། སྤོ་བོ་དང་མེ་ཏོག་གི་ས་བབ་མཐོ་བའི་ས་ཆར་གངས་ཆེ་བ་ནས་ཧ་ཅང་ཆེ་བའི་བར་འབབ་རྒྱུ། ཟླ་2ཚེས་27ཉིན་ནས་ཟླ་3ཚེས་1ཉིན་བར། མངའ་རིས་ཀྱི་ནུབ་རྒྱུད་དང་ལྷོ་རྒྱུད་དང་གཞིས་རྩེའི་ནུབ་རྒྱུད་དང་ལྷོ་རྒྱུད་དུ་གངས་སམ་ཆར་པ་ཆེན་པོ་འབབ་རྒྱུ། ས་ཆ་མང་ཆེ་བར་གངས་ཆུང་བ་ནས་འབྲིང་བའི་བར་འབབ་རྒྱུ། ས་ཆ་ཁག་གཅིག་ལ་གངས་ཆེ་བ་ནས་ཧ་ཅང་ཆེ་བའི་བར་འབབ་རྒྱུ། 

ཚེས་26ཉིན་ནས། རང་ལྗོངས་ཀྱི་ས་ཆ་མང་ཆེ་བར་དྲོད་ཚད་མངོན་གསལ་དོད་པོས་མཐོ་རུ་འགྲོ་རྒྱུ། ས་ཁོངས་རང་བཞིན་གྱི་ལྷགས་པ་ཆེ་བ་མང་དུ་འགྲོ་རྒྱུ་སྟེ། མངའ་རིས་དང་། ནག་ཆུ། གཞིས་རྩེ་བཅས་སུ་ལྷགས་པ་ཆེ་བ་རིམ་པ་8ཡས་མས་རྒྱག་རྒྱུ་དང་། ས་ཆ་ཁག་གཅིག་ལ་ཐོལ་རླུང་རིམ་པ་10ནས་11བར་རྒྱག་རྒྱུ། ལྷ་ས་དང་། ལྷོ་ཁ། ཆབ་མདོ་བཅས་སུ་ཐོལ་རླུང་རིམ་པ་5ནས་6བར་རྒྱག་རྒྱུ། ས་ཆ་ཁག་གཅིག་ལ་ཐོལ་རླུང་རིམ་པ་7ནས་8བར་རྒྱག་རྒྱུ།