ཉེ་ཆར། ཝེ་ཐེ་ནམ་གྱི་རྒྱལ་ཚོགས་སྐབས་བཅོ་ལྔ་པའི་དམིགས་བསལ་ཚོགས་འདུ་ཐེངས་དགུ་པའི་ཐོག་ལའོ་ཅེ་ནས་ཧ་ནོ་དབྱི་བརྒྱུད་ཧའེ་ཧྥང་བར་གྱི་ལྕགས་ལམ་རྣམ་གྲངས་ཀྱི་མ་འཇོག་སྲིད་ཇུས་སྐོར་གྱི་གྲོས་ཆོད་ལ་བརྡས་ཐག་བཅད་ནས་གྲོས་འཆམ་བྱུང་བ་རེད། ལྕགས་ལམ་དེ་བསྐྲུན་རྗེས་ཝེ་ཐེ་ནམ་གྱི་བྱང་རྒྱུད་ཞིང་ཆེན་དང་ཀྲུང་གོའི་ལྷོ་ནུབ་ས་ཁུལ་སྦྲེལ་མཐུད་ཐུབ་རྒྱུ་རེད།

ཝེ་ཐེ་ནམ་གསར་འགྱུར་ཁང་གིས་གནས་ཚུལ་སྤེལ་བར་གཞིགས་ན། ཝེ་ཐེ་ནམ་གྱི་དམིགས་ཡུལ་ནི་དེང་རབས་ཅན་གྱི་ལྕགས་ལམ་གསར་པ་ཞིག་བསྐྲུན་ནས་ཝེ་ཐེ་ནམ་རྒྱལ་ནང་གི་སྐྱེལ་འདྲེན་དང་དེ་བཞིན་ཀྲུང་གོའི་དབར་གྱི་རྒྱལ་སྤྱིའི་སྐྱེལ་འདྲེན་གྱི་དགོས་མཁོ་སྐོང་བ་དང་། དཔལ་འབྱོར་དང་སྤྱི་ཚོགས་རྒྱུན་མཐུད་འཕེལ་རྒྱས་མྱུར་པོ་འགྲོ་བར་སྒུལ་ཤུགས་གལ་ཆེན་གཏོད་པ། ལའོ་ཅེ་ནས་ཧ་ནོ་དབྱི་བརྒྱུད་ཧའེ་ཧྥང་བར་གྱི་དཔལ་འབྱོར་བར་ཁྱམས་ཀྱི་ལེགས་ཆ་བཏོན་ནས་རྒྱལ་ཁབ་ཕྱི་ནང་གི་ལྕགས་ལམ་དྲ་བ་སྦྲེལ་མཐུད་ནུས་ལྡན་ཐུབ་པའི་འགན་ལེན་བཅས་བྱ་ཆེད་རེད།