2024ལོར་གཞིས་རྩེ་གྲོང་ཁྱེར་གྱིས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་སླར་ཡང་གྲུབ་འབྲས་བཟང་པོ་ཐོབ་ནས། དཔལ་འབྱོར་དམིགས་ཚད་མང་པོ་ལྗོངས་ཡོངས་ཀྱི་མདུན་གྲལ་དུ་སླེབས་ཡོད་ཅིང་། དེའི་ནང་གྲོང་ཁྱེར་གྲོང་རྡལ་དང་གྲོང་གསེབ་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དང་། དམངས་ཁྲོད་མ་འཇོག་འཕར་ཚད། དེ་བཞིན་ཐོན་ལས་དང་པོའི་འཕར་ཐང་བསྡོམས་འབོར་བཅས་ལྗོངས་ཡོངས་ཀྱི་ཨང་དང་པོར་སླེབས་པ་དང་། ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་དང་། ས་ཁང་བདག་ཁོངས་ཀྱི་མ་འཇོག་དང་ཐོབ་ཐང་ཡན་གྱི་ཨར་ལས་ལས་རིགས་ཀྱི་ཐོན་རྫས་རིན་ཐང་འཕར་ཚད། དེ་བཞིན་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་དང་། གཏན་འཇགས་རྒྱུ་ནོར་གྱི་མ་འཇོག་བསྡོམས་འབོར། སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར། སྤྱིར་བཏང་གི་སྤྱི་པའི་སྔོན་རྩིས་གཏོང་སྒོ ཕྱི་ཕྱོགས་ཚོང་དོན་ཕྱིར་གཏོང་ནང་འདྲེན་གྱི་བསྡོམས་འབོར། བཟོ་སྐྲུན་ལས་རིགས་ཀྱི་འཕར་ཐང་། ཐོན་ལས་གསུམ་པའི་འཕར་ཐང་སོགས་དཔལ་འབྱོར་དམིགས་ཚད་ཀྱི་བསྡོམས་འབོར་ལྗོངས་ཡོངས་ཀྱི་ཨང་གཉིས་པར་སླེབས་ཡོད་པ་རེད།

2024ལོར་གཞིས་རྩེ་གྲོང་ཁྱེར་གྱི་གྲོང་རྡལ་དང་གྲོང་གསེབ་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་54481དང་སྒོར་19668སོ་སོར་ཟིན་ནས་7.2%དང་8.8%སོ་སོར་འཕར་ཡོད། ཞིང་འབྲོག་པ་ཁྲི་26.11ལས་ཞུགས་གཞན་སྒྱུར་ཐུབ་ནས་ཡོང་འབབ་སྒོར་དུང་ཕྱུར་34.83བྱུང་ཡོད། “རྫོང་གཅིག་དང་ཚོགས་པ་གཅིག”གི་རྩ་འཛུགས་ཅན་གྱི་ལས་ཞུགས་གཞན་སྒྱུར་གྱི་དཔེ་སྟོན་ས་ཚིགས་ཕྱོགས་ཡོངས་ནས་བསྐྲུན་པ་དང་གནས་ཀྱིས་ཁྱོན་ལ་སྣེ་ཁྲིད་དང་དཔེ་སྟོན་ཁྱབ་གདལ་བཏང་བར་བརྟེན་གྲོང་ཁྱེར་ཡོངས་ཀྱི་སྒྲིག་འཛུགས་ཅན་དང་གཞི་ཁྱོན་ཅན་ལ་བརྟེན་ནས་མི་ཁྲི་19.14ལས་ཞུགས་གཞན་སྒྱུར་ཐུབ་པ་དང་སྒྲིག་འཛུགས་ཅན་གྱི་ཚད་གཞི་73.3%ཟིན་ནས་ཞིང་འབྲོག་པའི་འབབ་འཕར་ཐབས་ལམ་གལ་ཆེན་གྱི་གྲས་སུ་གྱུར་ཡོད།