ཚེས་21ཉིན། གསར་འགོད་པར་རྒྱལ་ཡོངས་ཀྱི་ཡིག་འབུལ་ཞུ་བཅར་ཅུས་ཀྲང་ཚོགས་འདུའི་ཐོག་ནས་ཤེས་རྟོགས་བྱུང་བར། 2024ལོར་རྒྱལ་ཡོངས་ཀྱི་ཡིག་འབུལ་ཞུ་བཅར་ཁོངས་གཏོགས་ཀྱིས་སྒྱུར་བཅོས་གསར་གཏོད་ཤུགས་ཆེན་བྱས་པས། ཡིག་འབུལ་ཞུ་བཅར་ལས་དོན་ཁྲིམས་སྐྱོང་ཅན་ལ་ཁྱོན་ཡོངས་ནས་སྐུལ་འདེད་བཏང་བར་ཕན་འབྲས་མངོན་གསལ་དོད་པོ་ཐོན་ཡོད། དེའི་ནང་ཡིག་འབུལ་ཞུ་བཅར་སྡེ་ཚན་གྱིས་ཀྲུང་དབྱང་དང་རྒྱལ་ཁབ་ལས་ཁུངས་42ཀྱིས“ཁྲིད་སྟོན་དཔེ་རིས”དང་ཁྲིམས་ལྟར་རིགས་དབྱེ་དང་ཐག་གཅོད་བྱེད་པའི་གསལ་ཐོ་བཟོ་བ་དང་འཐུས་སྒོ་ཚང་དུ་གཏོང་བར་སྐུལ་འདེད་བཏང་བ་དང་ཡིག་འབུལ་ཞུ་བཅར་ལས་སྒོ་ཚད་ལྡན་ཅན་འཛུགས་སྐྱོང་ལ་དཔྱད་ཞིབ་བྱས་པ་དང་། ས་ཁུལ་ཁག་དང་འབྲེལ་ཡོད་སྡེ་ཚན་ཁག་གིས་ལས་ཀའི་ལམ་སྲོལ་འཐུས་སྒོ་ཚང་དུ་བཏང་ནས་ཁྲིམས་ལྟར་གནད་དོན་ཐག་གཅོད་བྱས་པས། ཡིག་འབུལ་ཞུ་བཅར་ལས་དོན་ཁག་གཞི་རྩའི་ཆ་ནས་ངོ་བོ་དབྱེ་འབྱེད་དང་། བདག་ཁོངས་ཁ་གསལ་བཟོ་བ། སྒྱུར་སྒྲུབ་དང་སྒྲུབ་སྐུལ་གནད་ལ་འཁེལ་བ་བཅས་བྱུང་ཡོད། གཞན་ཡང་ཡིག་འབུལ་ཞུ་བཅར་སྡེ་ཚན་གྱིས་དུས་རབས་གསར་པའི“ཧྥེང་ཆའོ་ཉམས་མྱོང”མཐའ་འཁྱོངས་དང་འཕེལ་རྒྱས་གཏོང་བ་དང་། ཡིག་འབུལ་ཞུ་བཅར་གནད་དོན་གྱི་འབྱུང་རྩ་བཅོས་སྐྱོང་འགག་སྒྲོལ་དང་མངོན་གསལ་དོད་པའི་འགལ་བ་སེལ་བའི་ལས་དོན་གཏིང་ཟབ་དང་ཏན་ཏིག་སྤེལ་བ། རིམ་ཁག་འགོ་ཁྲིད་ལས་བྱེད་པས་ཡིག་འབུལ་ཞུ་བཅར་དང་ལེན་དང་གཞི་རིམ་དུ་བསྐྱོད་ནས་ཡིག་འབུལ་ཞུ་བཅར་གནད་དོན་ཐག་གཅོད་བྱ་རྒྱུར་ལྟ་སྐུལ་བྱེད་པར་སྐུལ་འདེད་ཤུགས་ཆེན་བཏང་སྟེ། རིམ་ཁག་འགོ་ཁྲིད་ལས་བྱེད་པ་མི་ཐེངས་ཁྲི་57.4ཞུགས་པ་དང་མང་ཚོགས་ཁག་ཐེངས་ཁྲི་108.8ལ་སྣེ་ལེན་ཞུས་པ་རེད།

ཟླ་2ཚེས་20དང་21ཉིན། རྒྱལ་ཡོངས་ཀྱི་ཡིག་འབུལ་ཞུ་བཅར་ཅུས་ཀྲང་ཚོགས་འདུ་པེ་ཅིང་དུ་འཚོགས་ཡོད། ཚོགས་འདུའི་ཐོག རྒྱལ་ཁབ་ཡིག་འབུལ་ཞུ་བཅར་ཅུས་ཀྱི་འགན་འཁུར་བས། 2024ལོར་རྒྱལ་ཡོངས་ཀྱི་ཡིག་འབུལ་ཞུ་བཅར་ཁོངས་གཏོགས་ཀྱིས《ཡིག་འབུལ་ཞུ་བཅར་ལས་དོན་སྐོར་གྱི་སྲོལ་ཡིག》ཕྱོགས་ཡོངས་ནས་དོན་འཁྱོལ་བྱས་ཏེ“135”ཨར་སྐྲུན་ལམ་རིས་གཞིར་བཟུང་། ཡིག་འབུལ་ཞུ་བཅར་ལས་དོན་ཁྲིམས་སྐྱོང་ཅན་ལ་སྐུལ་འདེད་ཤུགས་ཆེན་གཏོང་བ་དང་། སྤྱི་ཚོགས་ཀྱི་གནས་ཚུལ་དང་དམངས་ཀྱི་འདོད་འདུན་དུས་ཐོག་ཏུ་མཚོན་པ། ཡིག་འབུལ་ཞུ་བཅར་གནད་དོན་ཐག་གཅོད་བྱེད་པའི་ཁྲོད་འགན་འཁྲི་འཁུར་བ་དང་བྱས་རྗེས་འཇོག་པ། ཉེན་ཁ་འགོག་སེལ་གྱི་བརྒྱུད་རིམ་ནང་སྤྱི་ཚོགས་བརྟན་ལྷིང་ཡོང་བར་སྐུལ་འདེད་གཏོང་བ་བཅས་བྱས་ནས། རྒྱལ་ཡོངས་ཀྱི་ཡིག་འབུལ་ཞུ་བཅར་དུས་བབ་རྒྱུན་མཐུད་བརྟན་ལྷིང་དང་ལེགས་པའི་ཕྱོགས་སུ་སྐྱོད་པར་སྐུལ་འདེད་བཏང་ཡོད་ཅེས་ངོ་སྤྲོད་བྱས་པ་རེད།

རྒྱལ་ཁབ་ཡིག་འབུལ་ཞུ་བཅར་ཅུས་ཀྱི་འགན་འཁུར་བས། 2025ལོར་རྒྱལ་ཡོངས་ཀྱི་ཡིག་འབུལ་ཞུ་བཅར་ཁོངས་གཏོགས་ཀྱིས་ཏང་དང་རྒྱལ་ཁབ་ཀྱི་ལས་དོན་སྤྱི་ཡོངས་ལ་དམ་པོར་དམིགས་ཏེ། ཡིག་འབུལ་ཞུ་བཅར་ལས་དོན་ཁྲིམས་སྐྱོང་ཅན་ལ་སྐུལ་འདེད་གཏིང་ཟབ་གཏོང་རྒྱུ་གཙོ་རྐང་དུ་བྱས་ནས། ཡིག་འབུལ་ཞུ་བཅར་སྡེ་ཚན་གྱི་ཆབ་སྲིད་ལས་ཁུངས་འཛུགས་སྐྱོང་དང་། ཡིག་འབུལ་ཞུ་བཅར་ལས་དོན་ཁྲིམས་སྐྱོང་ཅན། ཡིག་འབུལ་ཞུ་བཅར་གནད་དོན་གྱི་འབྱུང་རྩ་བཅོས་སྐྱོང་དང་མངོན་གསལ་དོད་པའི་འགལ་བ་སེལ་བ། ཡིག་འབུལ་ཞུ་བཅར་ལས་དོན་གྱི་སྒྲིག་སྲོལ་དང་ལམ་སྲོལ་སྒྱུར་བཅོས། ཡིག་འབུལ་ཞུ་བཅར་ལས་བྱེད་པའི་དཔུང་ཁག་འཛུགས་སྐྱོང་བཅས་ལས་འགན་གཙོ་བོ་ལྔ་ལ་སྐུལ་འདེད་ཤུགས་ཆེན་བཏང་ནས། དུས་རབས་གསར་པ་དང་རྒྱང་ལམ་གསར་པའི་ཡིག་འབུལ་ཞུ་བཅར་ལས་དོན་གྱི་རྣམ་པ་གསར་པ་ནུས་ཤུགས་ཡོད་རྒུས་གཏོད་རྒྱུ་ཡིན་ཞེས་བརྗོད་པ་རེད།