བསྟན་པས་དམངས་འཚོའི་ཚོང་ཟོག་ཁྲོམ་རའི་མཁོ་སྤྲོད་འགན་ལེན་དང་། ཟོག་གོང་བརྟན་པོ་དང་འཛད་སྤྱོད་ལ་སྐུལ་འདེད་གཏོང་བའི་ལས་དོན་ལ་བརྟག་ཞིབ་གནང་བ།
ཚེས་21ཉིན་གྱི་སྔ་དྲོར། ལྗོངས་ཏང་ཨུད་ཀྱི་རྒྱུན་ཨུ་དང་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་བསྟན་པས་རང་སྐྱོང་ལྗོངས་སྲིད་གཞུང་གཞུང་དོན་ཐིང་དང་། ལྗོངས་ཚོང་དོན་ཐིང་། ལྷ་ས་གྲོང་ཁྱེར་བཅས་ཀྱི་འབྲེལ་ཡོད་མི་སྣའི་སྣེ་ཁྲིད་དེ་སྟོད་ལུང་བདེ་ཆེན་ཆུས་གདོང་དཀར་ཞིང་ཞོར་ཐོན་རྫས་སྡེབ་ཚོང་ཁྲོམ་ར་དང་། པའེ་དབྱི་སྒོ་རྩིས་ཚོང་ཁང་། བར་སྐོར་ཚོང་ར་སོཌ་སུ་ཕེབས་ནས་བོད་ཀྱི་ལོ་གསར་གོང་གི་དམངས་འཚོའི་ཚོང་ཟོག་ཁྲོམ་རའི་མཁོ་སྤྲོད་འགན་ལེན་དང་། ཟོག་གོང་བརྟན་པོ་དང་འཛད་སྤྱོད་ལ་སྐུལ་འདེད་གཏོང་བའི་ལས་དོན་ལ་བརྟག་ཞིབ་གནང་བ་རེད།
བརྟག་ཞིབ་གནང་རིང་། བསྟན་པས་འབྲས་དང་། གྲོ་ཞིབ། སྣུམ། ཤ་སྒོང་། འོ་མ། སྔོ་ཚལ། ཤིང་འབྲས་སོགས་དམངས་འཚོའི་ཚོང་ཟོག་གལ་ཆེན་གྱི་ཐོན་ཡུལ་དང་། མཁོ་སྤྲོད། སྤུས་ཚད། རིན་གོང་བཅས་ཀྱི་གནས་ཚུལ་ལ་མཁྱེན་རྟོགས་ཞིབ་ཕྲ་གནང་ཞིང་། ཁོང་གིས་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་མཐའ་འཁྱོངས་བྱས་ཏེ། ཧྲུའུ་ཅི་ཝང་ཅུན་ཀྲེང་དང་ཀྲུའུ་ཞི་ཀརྨ་ཚེ་བརྟན་གྱིས་གནང་བའི་འབྲེལ་ཡོད་མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་ནན་ཏན་བྱས་ནས། དུས་ཆེན་རིང་གི་འཛད་སྤྱོད་ཀྱི་ཁྱད་ཆོས་ལ་གཞིཌ་ཏེ་ཟོག་ཁུངས་བཀོད་སྒྲིག་དང་སྣ་ཁ་ཕུན་སུམ་ཚོགས་སུ་བཏང་ནས་དུས་ཆེན་རིང་དངོས་ཟོག་ཁག་ཁྲོམ་རར་མཁོ་སྤྲོད་འདང་ངེས་ཐུབ་པར་བྱེད་དགོས་པ་དང་། ཐོན་རྫས་ཀྱི་སྤུས་ཚད་ལ་ཞིབ་བཤེར་བྱེད་པ་སོཌ་ཀྱི་ལས་དོན་ནུས་ཤུགས་ཡོད་རྒུས་ཡག་པོ་བསྒྲུབས་ནས་ཚད་གཞི་མ་ལོན་པའི་ཚོང་ཟོག་ཁྲོམ་རར་ཁྱབ་རྒྱུ་གཏན་འགོག་གིས་མང་ཚོགས་དགའ་སྤྲོ་དང་འཆམ་མཐུན་གྱི་བོད་ཀྱི་ལོ་གསར་གཏོང་ཐུབ་པའི་འགན་ལེན་བྱེད་དགོས་པའི་ནན་བཤད་གནང་བ་རེད།