དམངས་གཉེར་ཕྲན་ཚེགས་ཁེ་ལས་ཀྱི་དངུལ་བུན་ཐོག་མ་དང་། དངུལ་བུན་མཐུད་གཡར། ཡིད་རྟོན་དངུལ་བུན་བཅས་ལ་རྒྱབ་སྐྱོར་བྱེད་ཤུགས་ཆེ་རུ་བཏང་བ།
གསར་འགོད་པས་དངུལ་རྩ་ལྟ་འདོམས་སྤྱི་ཁྱབ་ཅུས་ནས་ཤེས་རྟོགས་བྱུང་བར། སྤྱི་ཁྱབ་ཅུས་ཁོངས་གཏོགས་ཀྱིས་དམངས་གཉེར་ཁེ་ལས་ལ་ནུས་ལྡན་གྱི་འཕར་ཚད་ཡིད་རྟོན་དངུལ་བུན་མཁོ་སྤྲོད་བརྟན་པོ་རྒྱུན་འཁྱོངས་བྱས་ནས་དམངས་གཉེར་ཕྲན་ཚེགས་ཁེ་ལས་ཀྱི་དངུལ་བུན་ཐོག་མ་དང་། དངུལ་བུན་མཐུད་གཡར། ཡིད་རྟོན་དངུལ་བུན་བཅས་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་རྒྱུ་ཡིན་པ་རེད། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱས་ནས་དངུལ་ཁང་ལས་རིགས་དང་འགན་བཅོལ་ལས་རིགས་ཀྱིས་དམངས་གཉེར་ཁེ་ལས་ལ་དངུལ་རྩའི་ཞབས་འདེགས་ཏན་ཏིག་དང་། གཏིང་ཟབ། ཞིབ་ཚགས་བཅས་ཞུ་བར་མུ་མཐུད་ནུས་ཤུགས་ཆེན་པོ་བཏོན་ནས་ཁྲིད་སྟོན་དང་སྐུལ་འདེད་གཏོང་རྒྱུ་ཡིན་པ་རེད།
དམངས་ཁྲོད་ཀྱི་མ་འཇོག་རྣམ་གྲངས་གཙོ་གནད་ལ་དངུལ་ཁང་དང་ཁེ་ལས་ཀྱི་གནད་ལ་འཁེལ་བའི་འབྲེལ་མཐུད་ལས་སྟེགས་བསྐྲུན་ནས།“ཕྲན་ཚེགས་ཁེ་ལས་ཀྱི་མ་དངུལ་བསྡུ་སྒྲིལ་མཐུན་སྦྱོར་ལ་རྒྱབ་སྐྱོར་བྱེད་པའི་ལས་ཀའི་ལམ་སྲོལ”ནུས་པ་གང་ལེགས་བཏོན་པ་དང་མ་རྩ་འཇལ་མི་དགོས་པར་དངུལ་བུན་མཐུད་གཡར་གྱི་སྲིད་ཇུས་དོན་འཁྱོལ་ཡག་པོ་བྱས་ཏེ། ཚན་རྩལ་གྱི་ནུས་པས་སྤྱི་ཕན་དངུལ་རྩར་ཕན་འདོགས་པར་ཤུགས་སྣོན་བརྒྱབ་ནས་དམངས་གཉེར་ཁེ་ལས་ཀྱི་མ་དངུལ་བསྡུ་སྒྲིལ་གྱི་བློ་ཡིད་ཚིམ་ཚད་ཆེ་རུ་ཏན་ཏིག་གཏོང་རྒྱུ་དང་། “ཐོ་གཞུང་དཀར་པོའི”ལམ་སྲོལ་བེད་སྤྱོད་ཡག་པོ་བྱས་ཏེ། ས་ཁང་བདག་ཁོངས་ཀྱི་མ་དངུལ་བསྡུ་སྒྲིལ་ཡོ་བྱད་ཁག་གི“སྣ་འདུས་ཐབས་བཟང”ཡག་པོ་སྤྱོད་པ་དང་དམངས་གཉེར་ས་ཁང་བདག་ཁོངས་དང་ཁེ་ལས་ཚུད་པའི་ས་ཁང་བདག་ཁོངས་ཁེ་ལས་ཁག་གི་ལྷུ་ཚིགས་མི་འདྲ་བ་དང་དུས་མཚམས་མི་འདྲ་བའི་ལུགས་མཐུན་གྱི་མ་དངུལ་བསྡུ་སྒྲིལ་གྱི་དགོས་མཁོ་སྐོང་རྒྱུ། འགན་བཅོལ་ཐོན་རྫས་མ་ལག་ཕུན་སུམ་ཚོགས་སུ་གཏོང་བ་དང་། དངུལ་རྩའི་རྒྱུ་ནོར་མ་འཇོག་ཀུང་སིའི་རྐང་དབང་མ་འཇོག་ཚོད་ལྟའི་ལས་དོན་ལ་སྐུལ་འདེད་བརྟན་པོ་གཏོང་བ། དམངས་གཉེར་ཁེ་ལས་ཀྱི་ཕྱོགས་བསྡུས་དངུལ་རྩའི་ཞབས་ཞུར་ཤུགས་སྣོན་རྒྱག་པ་དང་འཐུས་སྒོ་ཚང་དུ་གཏོང་རྒྱུ། དངུལ་རྩའི་ལས་རིགས་ཀྱི་ཁྲོམ་རར་ཞུགས་འཐུས་ཐད་ལ་དབང་བའི་ལམ་ལུགས་སྣ་ཚོགས་ཀྱི་ཁེ་ལས་ལ་འདྲ་མཉམ་དང་དྲང་གཞག་གི་ལྟ་སྟངས་འཛིན་རྒྱུ་རེད།