འདི་ནི་བཟོ་པས་ཁྱིམ་སྤྱོད་མཁའ་རླུང་སྙོམས་སྒྲིག་འཕྲུལ་ཆས་སྒྲིག་སྦྱོར་བྱེད་བཞིན་པ།

འདི་ནི་བརྙན་འཕྲིན་ཐོན་སྐྱེད་འཁོར་ཁང་དུ་བཟོ་པས་ལས་ཀ་བྱེད་བཞིན་པ།

འདི་ནི་བཟོ་པས་འགྲིལ་མདོང་གོས་འཁྲུད་འཕྲུལ་ཆས་ཀྱི་སྒོ་བསྒར་བཞིན་པ།

འདི་ནི་བཟོ་པས་གོས་འཁྲུད་འཕྲུལ་ཆས་ཀྱི་ལྷུ་ལག་ལ་བརྟག་དཔྱད་བྱེད་བཞིན་པ།

(གོང་གསལ་གྱི་པར་ཚང་མ་འདི་ག་ཚགས་པར་གྱི་གསར་འགོད་པ་ཧྲེན་ཞའོ་ཞའོ་ཡིས་བརྒྱབ)

 འདི་ནི་ས་གནས་དེ་གའི་དམངས་ཚོགས་ཀྱིས་ཨེ་ཅིབ་ཀྱི་ཧའེ་ཨེར་རྟགས་ཅན་ཚོང་ཁང་དུ་ཐོན་རྫས་བློ་འདྲི་བྱེད་བཞིན་པ། ཧའེ་ཨེར་ཨེ་ཅིབ་འཕྲུལ་ཆས་ཚད་ཡོད་ཀུང་སི་ནས་པར་མཁོ་འདོན་བྱས།

2024ལོའི་ཟླ་5པར། ཧའེ་ཨེར་ཨེ་ཅིབ་སྐྱེ་ཁམས་གླིང་དངོས་སུ་སྒོ་ཕྱེ་ནས་དུས་ཐེངས་དང་པོའི་རྣམ་གྲངས་ཐོན་སྐྱེད་བྱེད་འགོ་ཚུགས་ཡོད། ལོ་དེའི་ཟླ་7པར་བཟོས་པའི་ཐོན་རྫས་ཁག་དང་པོ་ཁེན་ནི་ཡར་ཕྱིར་གཏོང་བྱས་པ་དང་། ལོ་དེའི་ཟླ་9པར་དུས་ཐེངས་གཉིས་པའི་རྣམ་གྲངས་ཀྱི་རྩིག་རྨང་བཏིང་བ་རེད། ཧའེ་ཨེར་ཨེ་ཅིབ་སྐྱེ་ཁམས་གླིང་གིས་གོམ་པ་རིམ་བགྲོད་བཞིན“ཨེ་ཅིབ་ཀྱི་བཟོ་སྐྲུན”གྱི་སྤུས་རིམ་མཐོར་གཏོང་ལ་རམ་འདེགས་བྱེད་ཀྱི་ཡོད། ཧའེ་ཨེར་ཨེ་ཅིབ་ཚོང་དོན་ཀུང་སིའི་སྤྱི་ཁྱབ་ཅིང་ལི་ཨའེ་ཧ་མའེ་ཏེ·ཀྲན་ཏི་ཡིས་འདི་ག་ཚགས་པར་གྱི་གསར་འགོད་པའི་བཅར་འདྲི་དང་ལེན་བྱེད་སྐབས“སྐྱེ་ཁམས་གླིང་གིས་ཨེ་ཅིབ་ཀྱི་བཟོ་སྐྲུན་ལས་རིགས་འཕེལ་རྒྱས་དང་བཟོ་ལས་ཅན་གྱི་འཕེལ་རིམ་ལ་སྐུལ་འདེད་གཏོང་བར་ནུས་པ་གལ་ཆེན་བཏོན་ནས་ཉེ་བའི་ལོ་ཤས་རིང་ཨེ་ཅིབ་དང་ཀྲུང་གོའི་དཔལ་འབྱོར་མཉམ་ལས་ཀྱི་མིང་བྱང་ཡག་ཤོས་ཤིག་ཏུ་གྱུར་ཡོད”ཅེས་བཤད་པ་རེད།

ཧའེ་ཨེར་ཨེ་ཅིབ་གློག་ཆས་ཚད་ཡོད་ཀུང་སིའི་སྤུས་རྟགས་ཚོང་གཉེར་གྱི་འགན་འཁུར་བ་ཝང་མོང་གིས། སྐྱེ་ཁམས་གླིང་བསྐྲུན་ནས་ཐོན་སྐྱེད་བྱེད་འགོ་ཚུགས་ཚུན་མཁའ་རླུང་སྙོམས་སྒྲིག་འཕྲུལ་ཆས་དང་། བརྙན་འཕྲིན། གོས་འཁྲུད་འཕྲུལ་འཁོར་སོགས་ཧའེ་ཨེར་ཐོན་རྫས་ཨེ་ཅིབ་ཀྱི་ཁྲོམ་རར་ཕྱིར་ཚོང་བྱེད་ཚད་ཅུང་མགྱོགས་པོ་འཕར་ཡོད། མཁའ་རླུང་སྙོམས་སྒྲིག་འཕྲུལ་ཆས་ལ་དཔེ་བཞག་ན། 2024ལོའི་ཟླ་3པར་ཚོད་ལྟའི་ཐོན་སྐྱེད་བྱེད་འགོ་ཚུགས་པ་ནས་བཟུང་ཨེ་ཅིབ་ཀྱི་ཁྲོམ་རར་ཧའེ་ཨེར་མཁའ་རླུང་སྙོམས་སྒྲིག་འཕྲུལ་ཆས་ཕྱིར་ཚོང་བྱེད་ཚད་ལོ་གོང་མ་ལས་300%ཙམ་འཕར་བ་དང་། མིག་སྔར་ཁྲོམ་ར་བཟུང་ཚད་10%ཙམ་ཟིན་ཡོད།