འདི་ནི་ཚང་ཚིང་གིས་བརྒྱན་པའི་ཀའོ་ཏང་གྲོང་ཚོ་ཡིན་པ།

འདི་ནི་ཡུལ་མིས་ཡུལ་སྐོར་བར་སྣེ་ལེན་བྱེད་བཞིན་པ།

འདི་ནི་ཡུལ་མིས་ཚེ་པཱ་བཟོ་བཞིན་པ།

ཀུའེ་ཀྲོའུ་ཞིང་ཆེན་ཨན་ཧྲུན་གྲོང་ཁྱེར་ཀྲེན་ཉིང་པུའུ་དབྱི་རིགས་དང་མེའོ་རིགས་རང་སྐྱོང་རྫོང་གི་ལྷོ་ནུབ་དང་ཧོང་ཀུའོ་ཧྲུའུ་སྟོད་རྒྱུད་ཀྱི་སོའོ་ལུའོ་གཙང་འགྲམ་དུ་གནས་པའི་ཀའོ་ཏང་གྲོང་ཚོ་དེར་ལོ་ངོ་སྟོང་གི་ལོ་རྒྱུས་ལྡན་ལ། ད་བར་སྲུང་སྐྱོང་ཡག་པོ་བྱུང་བའི་པུའུ་དབྱི་རིགས་ཀྱི་གྲོང་ཚོའི་གྲས་ཤིག་ཀྱང་རེད།

ཀུའེ་ཀྲོའུ་ཞིང་ཆེན་གྱི་ཡིད་དབང་འཕྲོག་ཤུགས་ཆེ་ཤོས་ལྡན་པའི་མི་རིགས་གྲོང་ཚོ་30ཡི་གྲས་ཤིག་ཡིན་པའི་ཀའོ་ཏང་གྲོང་ཚོའི་ཕྱོགས་གང་སར་ལོ་བརྒྱ་ལྷག་ཙམ་གྱི་གནའ་བོའི་མཁར་རྫོང་དང་། ཟམ་པ། ཤིང་སྡོང་བཅས་ཡོད་པ་མ་ཟད། གང་སར་ཐུན་མོང་མ་ཡིན་པའི་པུའུ་དབྱི་རིགས་ཀྱི་ཡུལ་སྲོལ་གོམས་གཤིས་ཀྱི་རྣམ་པས་ཁེངས་ལ། གྲོང་ཚོའི་ནང་གི་ལོ་རྒྱུས་རིང་བའི་ཁང་པ་དེ་དག་མིང་རྒྱལ་རབས་དུ་བརྒྱབ་པ་ཤ་སྟག་རེད།

2013ལོའི་ཟླ་8པར། ཀའོ་ཏང་གྲོང་ཚོ་དེ་ཉིད་ཀྲུང་གོའི་སྲོལ་རྒྱུན་གྲོང་ཚོའི་མིང་གཞུང་ཁག་གཉིས་པའི་ནང་བཅུག་པ་དང་། 2015ལོར“ཀྲུང་གོའི་གྲངས་ཉུང་མི་རིགས་ཀྱི་ཁྱད་ལྡན་གྲོང་ཚོ”ཁག་དང་པོར་བདམས་ཡོད། ད་ཆ། ཀའོ་ཏང་གྲོང་ཚོས་པུའུ་དབྱི་རིགས་ཀྱི་ལོ་རྒྱུས་རིག་གནས་དང་། གནའ་བོའི་བབ་ཆགས་ཀྱི་འཛུགས་སྐྲུན་བཀོད་པ། སྐྱེ་ཁམས་ཁོར་ཡུག་བཟང་པོ། དེ་བཞིན་བབ་ཆགས་ཀྱི་ཡུལ་སྲོལ་གོམས་གཤིས་བཅས་ལ་བརྟེན་ནས“མཛེས་ལྗོངས་ཁུལ་སྐྲུན་པ་དང་། ཚོགས་པ་ཅན་གྱི་གཉེར་སྐྱོང་། མཉམ་ཕན་ཅན་གྱི་འཕེལ་རྒྱས”བཅས་ས་ཁོངས་ཡོངས་ཀྱི་མཉམ་སྐྲུན་མཉམ་སྤྱོད་བྱེད་ཐབས་ལ་བརྟེན་ནས་གྲོང་གསེབ་ཀྱི་ཡུལ་སྐོར་བཏོད་པ་དང་། གྲོང་གསེབ་དར་རྒྱས་ཡོང་བར་སྐུལ་འདེད་བཏང་བར་བརྟེན། སྔོན་མའི་གནའ་གྲོང་ད་ཆ་ཡུལ་སྐོར་གྲོང་ཚོར་གྱུར་ཡོད།