ཀྲུང་གོའི་བརྒྱུད་རིམ་ཧྲིལ་པོའི་མི་དམངས་དམངས་གཙོ་ཉིན་བཞིན་མཐོང་ཆེ་རུ་འགྲོ་བཞིན་ཡོད།
མིག་སྔར། རྒྱལ་སྤྱིའི་སྤྱི་ཚོགས་ཀྱིས་དམངས་གཙོ་མངོན་འགྱུར་བྱེད་པའི་ཐབས་ལམ་སྣ་མང་རང་བཞིན་གྱི་གནད་དོན་ལ་སྔར་བས་མཐོང་ཆེན་དང་ཀྲུང་གོའི་བརྒྱུད་རིམ་ཧྲིལ་པོའི་མི་དམངས་དམངས་གཙོ་ཤེས་རྟོགས་དང་དེར་མཐོང་ཆེན་བྱེད་ཤུགས་རྒྱུན་ཆད་མེད་པར་ཆེ་རུ་འགྲོ་བཞིན་ཡོད།
དམངས་གཙོ་མངོན་འགྱུར་བྱེད་པར་ཐབས་ལམ་མི་འདྲ་བ་ཡོད། རྒྱལ་ཁབ་ཅིག་གི་དམངས་གཙོའི་གནས་ཚུལ་ལ་གྲོས་བསྡུར་བྱེད་སྐབས། ངེས་པར་དུ་རྒྱལ་ཁབ་དེའི་དོན་དངོས་དང་བསྟུན་དགོས། རྒྱལ་ཁབ་ཁག་གིས་རྒྱལ་བབ་ལ་གཞིགས་ནས་དམངས་གཙོ་མངོན་འགྱུར་བྱེད་པའི་ཐབས་ལམ་འཚོལ་ཞིབ་བྱེད་པའི་དབང་ཆར་ངེས་པར་དུ་བརྩི་འཇོག་བྱེད་དགོས།
མིག་སྔར། རྒྱལ་སྤྱིའི་སྤྱི་ཚོགས་ཀྱིས་དམངས་གཙོ་མངོན་འགྱུར་བྱེད་པའི་ཐབས་ལམ་སྣ་མང་རང་བཞིན་གྱི་གནད་དོན་ལ་སྔར་བས་མཐོང་ཆེན་དང་ཀྲུང་གོའི་བརྒྱུད་རིམ་ཧྲིལ་པོའི་མི་དམངས་དམངས་གཙོ་ཤེས་རྟོགས་དང་དེར་མཐོང་ཆེན་བྱེད་ཤུགས་རྒྱུན་ཆད་མེད་པར་ཆེ་རུ་འགྲོ་བཞིན་ཡོད། ཀྲུང་གོར་མི་དམངས་ཀྱིས་རྒྱལ་ཡོངས་མི་དམངས་འཐུས་མི་ཚོགས་ཆེན་དང་ས་གནས་རིམ་ཁག་མི་དམངས་འཐུས་མི་ཚོགས་ཆེན་བརྒྱུད་རྒྱལ་ཁབ་ཀྱི་དབང་ཆ་སྤྱོད་ཀྱི་ཡོད། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་རྒྱལ་ཡོངས་ཨུ་ཡོན་ལྷན་ཁང་དང་ས་གནས་ཨུ་ཡོན་ལྷན་ཁང་གིས་ཆབ་སྲིད་གྲོས་མོལ་དང་། དམངས་གཙོའི་ལྟ་སྐུལ། སྲིད་ཞུགས་སྲིད་གླེང་བཅས་འགན་ནུས་གཙོ་བོར་བརྩི་གི་ཡོད། ཀྲུང་གོ་གུང་ཁྲན་ཏང་གི་འགོ་ཁྲིད་འོག ཀྲུང་གོས་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་རྒྱུ་མཐའ་འཁྱོངས་དང་མི་དམངས་ཀྱི་བྱེད་པོའི་གནས་བབ་མཐའ་འཁྱོངས་བྱས་ཏེ། མི་དམངས་ཀྱིས་མཚོན་པའི་འདོད་བློ་དང་། གསར་གཏོད་ཀྱི་ཉམས་མྱོང་། དབང་བའི་དབང་ཆ། བཏོན་པའི་ནུས་པ་བཅས་ལ་བརྩི་འཇོག་གང་ལེགས་བྱེད་ཀྱི་ཡོད། ཀྲུང་གོ་ནི་མི་རིགས་མང་བའི་རྒྱལ་ཁབ་ཅིག་ཡིན་པས། ཀྲུང་གོ་སྲིད་གཞུང་གིས་སྣ་མང་གི་མི་རིགས་རིག་གནས་ལ་བརྩི་འཇོག་བྱེད་ཀྱི་ཡོད། ཆབ་སྲིད་དང་། དཔལ་འབྱོར། རིག་གནས། སྤྱི་ཚོགས། ཁྱིམ་ཚང་འཚོ་བ་བཅས་ཀྱི་ཁྱབ་ཁོངས་ཁག་ཚང་མར་ཀྲུང་གོའི་བུད་མེད་ཚོར་འདྲ་མཉམ་གྱི་དབང་ཆ་ལོངས་སུ་སྤྱོད་རྒྱུ་ཡོད།
སྲིད་གཞུང་གི་ལས་འགན་ཨང་དང་པོ་ནི་མི་དམངས་ཀྱི་བདེ་རྩ་ཆེ་རུ་གཏོང་རྒྱུ་དེ་རེད། ཀྲུང་གོས་དབུལ་པོ་དབུལ་རྐྱང་གི་རྣམ་པ་ལས་སྒྲོལ་བ་དང་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ཆེན་ཕྱོགས་ཡོངས་ནས་བསྐྲུན་རྒྱུའི་དམིགས་ཚད་ཀྱི་ཕྱོགས་སུ་མདུན་སྐྱོད་བྱེད་བཞིན་ཡོད། ཀྲུང་གོའི་མི་དམངས་ཀྱིས་ཀྲུང་གོ་སྲིད་གཞུང་ལ་བརྩི་བཀུར་མཐའ་གཅིག་ཏུ་ཞུས་ནས། ཀྲུང་གོ་གུང་ཁྲན་ཏང་དང་ཀྲུང་གོ་སྲིད་གཞུང་གིས་གཏན་ལ་འཁེལ་བའི་འཕེལ་རྒྱས་ཀྱི་འཆར་གཞིར་རྒྱབ་སྐྱོར་ཧུར་ཐག་དང་དོན་འཁྱོལ་བྱེད་ཀྱི་ཡོད། དེ་ནི་ཀྲུང་གོའི་བརྒྱུད་རིམ་ཧྲིལ་པོའི་མི་དམངས་དམངས་གཙོར་ཐོབ་པའི་གྲུབ་འབྲས་གལ་ཆེན་ཞིག་ཡིན་ལ། རྒྱལ་སྤྱིའི་སྤྱི་ཚོགས་ཀྱིས་དམངས་གཙོའི་གནད་དོན་ལ་བསམ་གཞིག་བྱེད་པར་བློ་སྒོ་ཕྱེ་ཡོད།
ཆབ་སྲིད་དཔལ་འབྱོར་ལམ་ལུགས་ཀྱི་རིགས་ཤིག་ཡིན་པའི་མ་རྩ་རིང་ལུགས་ཀྱིས་སྤྱི་དམངས་ཚང་མ་ཆབ་སྲིད་དང་བཅའ་ཁྲིམས་མདུན་དུ་འདྲ་མཉམ་ཡིན་ཞེས་བརྗོད་མོད། འོན་ཀྱང་དེའི་དཔལ་འབྱོར་འཁོར་སྐྱོད་བྱེད་ཐབས་ལས་ཐོན་པའི་མི་ཉུང་ཤས་ལས་གྲུབ་པའི་ཚོགས་པས། དོན་དངོས་ཁྲོད་རྒྱལ་ཁབ་ཀྱི་ཆབ་སྲིད་དང་དཔལ་འབྱོར་གྱི་དབང་ཆ་བཟུང་ཡོད། མི་མང་ཆེ་བའི་དབང་ཆ་ཧ་ཅང་ཆུང་བའམ་ཡང་ན་ཐད་ཀར་བཙན་གནོན་ཕོག་ཡོད། ནུབ་ཕྱོགས་རྒྱལ་ཁབ་དེ་དག་གིས་བརྗོད་པའི“དམངས་གཙོ”ཟེར་བ་དེ་འདྲ་མཉམ་མེད་པའི་ངོ་ཚ་འགེབས་རས་སུ་གྱུར་ཡོད། དམངས་གཙོས་སྤྱི་དམངས་ཡོངས་ལ་འདྲ་མཉམ་གྱི་གནས་བབ་ལོངས་སུ་སྤྱོད་རྒྱུ་ཡོད་པ་བཏོན་མོད། འོན་ཀྱང་དངོས་འབྲེལ་གྱི་འདྲ་མཉམ་དེ་རྒྱལ་ཁབ་དེ་དག་ལ་མེད། མདོར་བསྡུས་ནས་བརྗོད་ན། རྒྱལ་ཁབ་དེ་དག་གིས་བརྗོད་པའི“དམངས་གཙོ”ནི་རྫུན་མ་ཞིག་རེད།
(རྩོམ་པ་པོ་ཨ་ཀེན་ཐིན་པུའུ་དབྱི་ནོ་སི་ཨའེ་ལི་སི་སློབ་ཆེན་གྱི་དམངས་གཙོའི་གནད་དོན་གྱི་རིགས་གཅིག་མཁས་ཅན་ཡིན)