དཔྱིད་དུས་ཀྱི་ཞིང་ལས་གཡོག་བྱེད་དང་དཔྱིད་རྨོད་ཀྱི་ལས་དོན་ལྷོ་ནས་བྱང་བར་གཅིག་རྗེས་གཉིས་མཐུད་ངང་སྤེལ་བཞིན་པ།
ཞིང་ལས་གྲོང་གསེབ་པུས་ལས་དོན་ཚོགས་ཆུང་5བརྟག་ཞིབ་དང་མཛུབ་ཁྲིད་བྱེད་པར་མངགས་པ།
ཆར་ཆུ་འབེལ་བའི་དུས་ཚིགས་འཆར་ཉེར་ཡོད་པས་རྒྱལ་ཡོངས་ཀྱི་དཔྱིད་དུས་ཀྱི་ཞིང་ལས་གཡོག་བྱེད་དང་དཔྱིད་རྨོད་ཀྱི་ལས་དོན་དེ་ལྷོ་ནས་བྱང་བར་གཅིག་རྗེས་གཉིས་མཐུད་ངང་སྤེལ་བཞིན་ཡོད། ཉེ་ཆར། ཞིང་ལས་གྲོང་གསེབ་པུས་ལས་དོན་ཚོགས་ཆུང་5འབྲུ་རིགས་དང་བཟའ་སྣུམ་ཐོན་སྐྱེད་གཙོ་བོའི་ཞིང་ཆེན་10ལ་ཁག་བགོས་ནས་ཞིང་ནང་དང་མུ་ཁར་བསྐྱོད་དེ་གྲོ་དང་པད་ཁའི་མྱུ་གུ་སྐྱེ་ཚུལ་དང་། འབྲུ་རིགས་ཀྱི་རིན་གོང་། འདེབས་འཛུགས་ཀྱི་འདོད་བློ། ཞིང་སྤྱོད་རྒྱུ་ཆ་གཤམ་སྤྲོད་སོགས་ཀྱི་གནས་ཚུལ་ལ་བརྟག་དཔྱད་བྱས་པ་དང་། ས་གནས་ཁག་གིས་ཡུལ་བབ་དང་བསྟུན་པ་དང་མྱུ་གུ་སྐྱེས་ཚུལ་ལ་གཞིགས་ནས་དཔྱིད་དུས་ཀྱི་ཞིང་ལས་གཡོག་བྱེད་ལ་ཤུགས་སྣོན་རྒྱག་རྒྱུར་མཛུབ་ཁྲིད་བྱས་ཏེ། དཔྱིད་ཐན་དང་དཔྱིད་གྲང་སོགས་ཀྱི་གནོད་འཚེར་འགོག་ཟོན་ཏན་ཏིག་བྱེད་པ་དང་། སྲིད་ཇུས་ཁག་དོན་འཁྱོལ་ཞིབ་ཚགས་བྱས་ནས་ཞིང་དུས་འཐུས་ཤོར་མི་ཡོང་བ་དང་དཔྱིད་རྨོད་དཔྱིད་འདེབས་ལ་དམ་འཛིན་ཡག་པོ་བྱས་ཏེ། འདེབས་དགོས་རིགས་ཚང་མ་འདེབས་པ་དང་ནམ་དུས་ཡག་ཤོས་སུ་འདེབས་ཐུབ་པའི་འགན་ལེན་བཅས་བྱས་ནས་ལོ་ཧྲིལ་པོར་ལོ་ལེགས་ཡོང་བའི་རྨང་གཞི་བརྟན་དུ་བཏང་ཡོད།