འདི་ནི་བྱེད་སྒོའི་ཁྲོད་ཅང་སུའུ་ཞིང་ཆེན་ཏན་དབྱང་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱི་རིམ་པ་དང་པོའི་སྲིད་འཛིན་ཁྲིམས་སྒྱུར་པ་སྐལ་བཟང་སྒྲོལ་དཀར་གྱིས་ལས་ཀའི་མྱོང་བ་བརྗོད་བཞིན་པ།

འདི་ནི་བྱེད་སྒོའི་ཁྲོད་ཁྲང་ཀྲོའུ་བོད་ལྗོངས་མི་རིགས་སློབ་འབྲིང་གི་ལོ་རིམ་བརྒྱད་པའི་སློབ་མ་བསོད་ནམས་ཆོས་མཚོས་སློབ་གཉེར་གྱི་ཉམས་མྱོང་མཉམ་སྤྱོད་བྱེད་བཞིན་པ།

འདི་ནི་བྱེད་སྒོའི་ཁྲོད་ཁྲང་ཀྲོའུ་བོད་ལྗོངས་མི་རིགས་སློབ་འབྲིང་གི་དགེ་སློབ་འཐུས་མི་500ལྷག་ཙམ་གྱིས་གཏམ་བཤད་ནན་ཏན་ངང་ཉན་བཞིན་པ།

2024ལོའི་ཟླ་11པར། “དུས་རབས་གསར་པའི་བོད་ཀྱི་གཏམ་རྒྱུད·གྲགས་ཅན་མི་སྣའི་འཆད་སྟེགས”བྱེད་སྒོ་ཐེངས་བརྒྱད་པ་ཁྲང་ཀྲོའུ་བོད་ལྗོངས་མི་རིགས་སློབ་འབྲིང་དུ་སྤེལ་བ་རེད།

གདན་ཞུས་སྐུ་མགྲོན་ཀྲུང་གོ་བོད་རིག་པ་ཞིབ་འཇུག་ལྟེ་གནས་ཀྱི་རིམ་པ་གཉིས་པའི་ཞིབ་འཇུག་པ་ཀྲང་ཡུན་གྱིས“མི་རིགས་ཁག་འགྲོ་འོང་སྤེལ་རེས་མཉམ་འདྲེས་བྱེད་པ་ནི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་ཐབས་ལམ་གལ་ཆེན་ཞིག་རེད”ཅེས་པའི་འཆད་ཁྲིད་གནང་ཞིང་། ཁོང་གིས་ཕྱོགས་མང་པོ་ནས་བོད་དང་མེས་རྒྱལ་ནང་ས་དང་བོད་རིགས་དང་མི་རིགས་གཞན་དག་དབར་གྱི་འགྲོ་འོང་དང་། སྤེལ་རེས། མཉམ་འདྲེས་བཅས་ཀྱི་ལོ་རྒྱུས་ཀྱི་དོན་དངོས་བརྗོད་པ་རེད།

ལྷ་ས་གྲོང་ཁྱེར་ཆུ་ཤུར་རྫོང་དུ་འཚར་ལོངས་བྱུང་བའི་སྐལ་བཟང་སྒྲོལ་དཀར་ནི་ད་ལྟ་ཅང་སུའུ་ཞིང་ཆེན་ཀྲེན་ཅང་གྲོང་ཁྱེར་གྱི་གཞི་རིམ་ཁྲོམ་ར་ལྟ་འདོམས་ཀྱི་ཁྲིམས་སྒྱུར་པ་ཞིག་ཡིན་ཞིང་། ཁོང་གིས། ལོ་14ཡི་གོང་ལ་འབྱུང་འགྱུར་ལ་བཅངས་པའི་ཕུགས་འདུན་མངོན་འགྱུར་བྱ་ཆེད་ལོ12ལ་སླེབས་ཙམ་གྱི་ཁོ་མོས་ཧྥུའུ་ཅན་བོད་ལྗོངས་འཛིན་གྲྭར་སློབ་གཉེར་ལ་བསྐྱོད་པའི་མི་ཚེའི་གཏམ་རྒྱུད་མཉམ་སྤྱོད་བྱས་པ་རེད། དེ་དུས་ཁོ་མོ་ཐག་རིང་ལ་བསྐྱོད་ཐེངས་དང་པོ་རེད་ལ་ལས་དབང་གི་ཁ་ལོ་འགྱུར་མཚམས་ཤིག་ཀྱང་རེད།

བགྲང་བྱ་བཅུ་ཕྲག་ལྷག་གི་རིང་། སྐལ་བཟང་སྒྲོལ་དཀར་དང་འདྲ་བའི་བོད་རིགས་སློབ་མ་གྲངས་ལས་འདས་པས་བོད་ལྗོངས་འཛིན་གྲྭའི་སྟེགས་བུ་བརྒྱུད། གངས་ལྗོངས་ས་མཐོ་ནས་ཐོན་ཏེ་སྔར་བས་སྤུས་ལེགས་ཀྱི་སློབ་གསོ་དང་ལེན་བྱས་པ་རེད། སྐལ་བཟང་སྒྲོལ་དཀར་གྱིས་རང་ཉིད་ཀྱི་གཏམ་རྒྱུད་དཔེ་མཚོན་དུ་བྱས་ནས་སློབ་གྲོགས་ཚོར་རྒྱལ་ཡོངས་ས་གནས་ཁག་ཏུ་ཁོ་མོ་དང་འདྲ་བའི་ཐེམ་ཁུངས་བོད་ནས་ཡིན་པའི་སློབ་ཆེན་སློབ་ཐོན་སློབ་མ་མང་པོས་ལང་ཚོ་དང་ཁྲག་དྲོན་ལ་བརྟེན་ནས་རྒྱལ་ཁབ་ཀྱི་གྲོང་ཁྱེར་འཛུགས་སྐྲུན་ནང་ཞུགས་བཞིན་ཡོད་པ་དང་། བོད་དུ་བོད་སྐྱོར་ལས་བྱེད་པ་མང་པོས་མཐའ་མཚམས་སེམས་སུ་བཅངས་ཤིང་། འགན་འཁྲི་ཕྲག་ཏུ་ཁུར་ཏེ་ས་མཐོའི་འཕེལ་རྒྱས་དང་འཛུགས་སྐྲུན་ལ་སྐད་གྲགས་མེད་པར་ལེཌ་སྐྱེས་འབུལ་བཞིན་ཡོད་ལུགས་བརྗོད་པ་རེད།

ལོ་གཅིག་གོང་ཆབ་མདོའི་བུ་མོ་བསོད་ནམས་ཆོས་མཚོ་ཁྲང་ཀྲོའུ་བོད་ལྗོངས་མི་རིགས་སློབ་འབྲིང་དུ་རྒྱུགས་ལོན་པ་རེད། སློབ་གྲྭར་སླེབས་རྗེས་མི་རིང་བར“རྒྱ་བོད་ཁྱིམ་ཚང་གཅིག་ལྟར་བརྩེ”ཞེས་པའི་ཁྱིམ་ཚང་ཆ་སྒྲིག་བྱེད་སྒོ་ལས་ཁོ་མོར་ཅང་སུའུ་ནས“ཁྲང་ཀྲོའུ་ཡི་ཕ་མ”ཞིག་བྱུང་བ་རེད།

ཁྲང་ཀྲོའུ་བོད་ལྗོངས་མི་རིཌ་སློབ་འབྲིང་གི་དགེ་རྒན་གྱིས་ངོ་སྤྲོད་བྱས་དོན། བོད་རིཌ་ཀྱི་སློབ་མ་ཚང་མར་ཁྲང་ཀྲོའུ་རུ་ཁྱིམ་ཚང་ཡོད་པ་དང་། གཉེན་ཉེ་དང་ཁྱིམ་ཚང་གི་དྲོ་སྐྱིད་རྟག་ཏུ་ཚོར་ཐུབ་པར་བྱ་ཆེད། 2010ལོ་ནས་བཟུང་སློབ་གྲྭས་རྒྱ་བོད་ཁྱིམ་ཚང་གི་ཆ་སྒྲིག་བྱེད་སྒོ་གསར་གཏོད་བྱས་པ་རེད།

“དུས་རབས་གསར་པའི་བོད་ཀྱི་གཏམ་རྒྱུད·གྲགས་ཅན་མི་སྣའི་འཆད་སྟེགས”བྱེད་སྒོ་ཐེངས་བརྒྱད་པ་བོད་རང་སྐྱོང་ལྗོངས་ཏང་ཨུད་དྲིལ་བསྒྲགས་པུས་གཙོ་གཉེར་དང་བོད་རང་སྐྱོང་ལྗོངས་སློབ་གསོ་ཐིང་དང་ཁྲང་ཀྲོའུ་བོད་ལྗོངས་མི་རིགས་སློབ་འབྲིང་གིས་གཉེར་འགན་ཁུར་བ་དང་། མི་དམངས་དྲ་བ་སོགས་སྨྱན་སྦྱོར་གྱིས་ཐད་གཏོང་བྱས་ཤིང་། དགེ་སློབ་འཐུས་མི་500ལྷག་ཙམ་གྱིས་ས་གནས་ས་ཐོག་ཏུ་འཆད་ཁྲིད་ཉན་པ་མ་ཟད། རྒྱལ་ཡོངས་ཀྱི་དྲ་གྲོཌ་ཁྲི་310.8ཀྱིས་དྲ་ཐོག་ནས་འཆད་ཁྲིད་ལྟ་ཉན་བྱས་པ་རེད།