ཟླ་2ཚེས་11དང་12ཉིན། རྒྱལ་ཡོངས་ཀྱི་བསྡོམས་རྩིས་ལས་དོན་ཚོགས་འདུ་དང་རྒྱལ་ཁབ་བསྡོམས་རྩིས་ཅུས་ཀྱི་ཏང་འཛུགས་སྐྱོང་ལས་དོན་ཚོགས་འདུ་འཚོགས་པ་རེད། ཚོགས་འདུའི་ཐོག་བསྟན་དོན། 2025ལོར་བསྡོམས་རྩིས་སྡེ་ཚན་གྱིས་བསྡོམས་རྩིས་གྲངས་གཞིའི་སྤུས་ཚད་ཀྱི་ལྟེ་བ་བརྟན་པོར་སྲུང་བ་དང་གཙོ་གནད་ལས་འགན་ཁག་ཏན་ཏིག་ངང་ཡག་པོ་བསྒྲུབས་ནས“ལོ་ལྔ་ཚན་བཅུ་བཞི་པའི”འཆར་འགོད་དམིགས་ཚད་ལས་འགན་སྤུས་ཚད་མཐོན་པོས་ལེགས་གྲུབ་དང་། “ལོ་ལྔ་ཚན་བཅོ་ལྔ་པའི”འགོ་ཡག་པོ་འཛུགས་པར་སྤུས་ལེགས་ཀྱི་བསྡོམས་རྩིས་ཞབས་འདེགས་ཞུ་དགོས།

གཙོ་གནད་ལས་འགན་ནང་། བསྡོམས་རྩིས་ཀྱི་ལམ་ལུགས་དང་བྱ་ཐབས་རྒྱུན་མཐུད་ལེགས་སུ་དང་འཐུས་སྒོ་ཚང་དུ་གཏོང་བ་དང་། བསྡོམས་རྩིས་ཀྱི་རིགས་དབྱེའི་ཚད་གཞི་འཐུས་སྒོ་ཚང་དུ་གཏོང་བ། གཉེར་སྐྱོང་བྱེད་པོའི་བྱེད་སྒོ་སྤེལ་ཡུལ་གྱི་བསྡོམས་རྩིས་ཁྱབ་སྤེལ་མགྱོགས་པོ་བཅས་བྱས་ནས། གྲངས་འཛིན་དཔལ་འབྱོར་དང་། དྲ་ཐོག་སིལ་ཚོང་། འབྲུ་རིགས་དང་ཟས་རིགས་ཆེན་པོ། གྲོང་གསེབ་དར་རྒྱས། གྲོང་ཁྱེར་གྱི་སྤུས་ཚད་མཐོ་བའི་འཕེལ་རྒྱས། རིག་གནས། མི་འབོར་ལས་ཞུགས་སོགས་ཁྱབ་ཁོངས་ཀྱི་བསྡོམས་རྩིས་ལམ་ལུགས་འཛུགས་པ་དང་འཐུས་སྒོ་ཚང་དུ་གཏོང་རྒྱུ་དང་། བསྡོམས་རྩིས་ཞིབ་རྩིས་སྒྱུར་བཅོས་སྔར་བས་ཟབ་ཏུ་གཏོང་བ་དང་། རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་གྱི་ཞིབ་རྩིས་འཐུས་སྒོ་ཚང་དུ་གཏོང་བ། རྒྱལ་ཡོངས་ཀྱི་རྒྱུ་ནོར་བུན་ཟུག་རེའུ་མིག་བཟོ་སྟངས་ལེགས་སུ་གཏོང་བ། མ་འཇོག་དང་ཐོན་སྒོའི་རེའུ་མིག་དང་མཁོ་སྤྲོད་དང་བེད་སྤྱོད་ཀྱི་རེའུ་མིག་བཟོ་འགོད་ནན་ཏན་བཅས་བྱས་ནས། གཙོ་གནད་ཁྱབ་ཁོངས་ཀྱི་བསྡོམས་རྩིས་ཞིབ་རྩིས་སྒྱུར་བཅོས་ལ་སྐུལ་འདེད་མགྱོགས་པོ་གཏོང་རྒྱུ། བསྡོམས་རྩིས་ཁྲིམས་སྐྱོང་འཛུགས་སྐྱོང་ལ་ཤུགས་སྣོན་རྒྱག་པ་དང་། ཐབས་མང་མཉམ་སྤྱོད་ཀྱིས་བསྡོམས་རྩིས་རྫུན་བཟོར་འགོག་བཅོས་བྱེད་པ། བསྡོམས་རྩིས་ཁྲིམས་འཛུགས་དང་བཅའ་ཁྲིམས་ཁྱབ་གདལ་གྱི་ལས་དོན་ཏན་ཏིག་ངང་ལེགས་པར་སྒྲུབ་པ་བཅས་བྱས་ནས་བསྡོམས་རྩིས་ལྟ་སྐུལ་དང་ལྟ་སྐུལ་རིགས་གཞན་དག་དབར་གྱི་འབྲེལ་མཐུད་མཐུན་སྦྱོར་ལ་ཤུགས་སྣོན་རྒྱག་རྒྱུ། ཡོངས་བཤེར་དང་བརྟག་དཔྱད་སྒྲིག་འཛུགས་ཏན་ཏིག་དང་། རྒྱལ་ཡོངས་ཀྱི་དཔལ་འབྱོར་ཡོངས་བཤེར་ཐེངས་ལྔ་པའི་གྲུབ་འབྲས་གསར་སྤེལ་དང་བེད་སྤྱོད་གཏིང་ཟབ། རྒྱལ་ཡོངས་ཀྱི་ཞིང་ལས་ཡོངས་བཤེར་ཐེངས་བཞི་པའི་གྲ་སྒྲིག་ནན་ཏན་བཅས་བྱས་ནས་རྒྱུན་སྲོལ་གྱི་བསྡོམས་རྩིས་བརྟག་དཔྱད་ཁག་སྒྲིག་འཛུགས་དང་ལག་བསྟར་ཡག་པོ་བྱ་རྒྱུ། བསྡོམས་རྩིས་ལྟ་ཞིབ་ཚད་ལེན་དབྱེ་ཞིབ་དང་ཡོངས་བསྒྲགས་གསལ་འགྲེལ་བྱེད་ཤུགས་ཆེ་རུ་གཏོང་བ་དང་། ཐོན་སྐྱེད་ནུས་ཤུགས་གསར་མ་དང་། ཐཱན་ཕྱིར་འབུད། འཛད་སྤྱོད་མ་འཇོག སྤྱི་ཚོགས་ཀྱི་དམངས་འཚོ་སོགས་ཁྱབ་ཁོངས་ཀྱི་བསྡོམས་རྩིས་ལྟ་ཞིབ་ཚད་ལེན་བྱེད་ཤུགས་ཆེ་རུ་གཏོང་བ། རྒྱུན་སྲོལ་གྱི་བསྡོམས་རྩིས་གྲངས་གཞི་ཁྱབ་བསྒྲགས་ཡག་པོ་བཅས་བྱས་ནས་དཔལ་འབྱོར་ཐད་གླེང་མང་བ་དང་མང་ཚོགས་ཀྱིས་དོ་ཁུར་བྱེད་པའི་གནད་དོན་ལ་གསལ་འགྲེལ་བྱེད་ཤུགས་ཆེ་རུ་གཏོང་རྒྱུ་བཅས་ཚུད་ཡོད་པ་རེད།