རྒྱལ་ཁབ་རྒྱལ་སྤྱིའི་འཕེལ་རྒྱས་མཉམ་ལས་ཧྲུའུ་ཡིས་ངོས་འཛིན་བྱས་དོན།
“ཆུང་ཡང་གོ་ཆོད་པའི”རྣམ་གྲངས་དེ་ཀྲུང་གོས་རྒྱལ་སྤྱིའི་འཕེལ་རྒྱས་མཉམ་ལས་སྤེལ་བའི་བཀྲག་མདངས་འཚེར་ས་ཞིག་ཏུ་གྱུར་པ།
ཟླ་2ཚེས་11ཉིན། རྒྱལ་ཁབ་རྒྱལ་སྤྱིའི་འཕེལ་རྒྱས་མཉམ་ལས་ཧྲུའུ་ཡིས《རྒྱལ་སྤྱིའི་འཕེལ་རྒྱས་མཉམ་ལས་ཀྱི་ཀྲུང་གོའི་ལག་ལེན》གྱི“ཆུང་ཡང་གོ་ཆོད་པའི”རྣམ་གྲངས་ལེའུ་དང་ལྗང་མདོག་འཕེལ་རྒྱས་རོགས་སྐྱོར་ལེའུ་ཡི་ཡོངས་བསྒྲགས་ཚོགས་འདུ་འཚོགས་པ་རེད། སྙན་ཞུའི་ནང་ངོས་འཛིན་བྱས་དོན། “ཆུང་ཡང་གོ་ཆོད་པའི”རྣམ་གྲངས་མཉམ་ལས་ནི་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་གྱི་ནང་དོན་གལ་ཆེན་ཞིག་ཡིན་ཞིང་། དེ་ནི་ཀྲུང་གོས་རྒྱལ་སྤྱིའི་འཕེལ་རྒྱས་མཉམ་ལས་སྤེལ་བའི་བཀྲག་མདངས་འཚེར་ས་དང་མིང་བྱང་དུ་རིམ་བཞིན་འགྱུར་བཞིན་ཡོད། དེ་དང་ཆབས་ཅིག ལྗང་མདོག་འཕེལ་རྒྱས་མཉམ་ལས་དེ་ཀྲུང་གོས་རྒྱལ་སྤྱིའི་འཕེལ་རྒྱས་མཉམ་ལས་སྤེལ་བའི་ཁྱབ་ཁོངས་གལ་ཆེན་ཞིག་ཏུ་འགྱུར་བཞིན་ཡོད།
ད་ཐེངས་ཀྱི་སྙན་ཞུའི་ཡོངས་བསྒྲགས་ཚོགས་འདུ་ནི་རྒྱལ་ཁབ་རྒྱལ་སྤྱིའི་འཕེལ་རྒྱས་མཉམ་ལས་ཧྲུའུ་ཡིས་གཙོ་གཉེར་དང་ཀྲུང་གོ་རྒྱལ་སྤྱིའི་འཕེལ་རྒྱས་ཤེས་བྱ་ལྟེ་གནས་ཀྱིས་སྒྲུབ་འགན་ཁུར་བ་ཞིག་རེད། ཚོགས་ཞུགས་སྐུ་མགྲོན་གྱིས་ཀྲུང་གོས་དུས་ཡུན་རིང་པོའི་ནང་གོ་ལ་ཧྲིལ་པོའི་འཕེལ་རྒྱས་བྱ་གཞག་ལ་སྐུལ་འདེད་གཏོང་བར་ལེགས་སྐྱེས་གལ་ཆེན་ཕུལ་བར་གདེང་འཇོག་གང་ལེགས་བྱས་པ་དང་། ཀྲུང་གོས“ཆུང་ཡང་གོ་ཆོད་པའི”རྣམ་གྲངས་དང་ལྗང་མདོག་འཕེལ་རྒྱས་རོགས་སྐྱོར་རྣམ་གྲངས་སྤེལ་བར་ཐོབ་པའི་གྲུབ་འབྲས་གལ་ཆེན་ལ་བསྔགས་བརྗོད་ཆེན་པོ་བྱས་པ་མ་ཟད། ཀྲུང་གོ་ཕྱོགས་དང་མུ་མཐུད་མཉམ་ལས་ལ་ཤུགས་སྣོན་བརྒྱབ་ནས། ཐུན་མོང་ཐོག“རྒྱུད་གཅིག་ལམ་གཅིག”འཛུགས་སྐྲུན་ལ་སྐུལ་འདེད་དང་། གོ་ལ་ཧྲིལ་པོའི་འཕེལ་རྒྱས་ཀྱི་གྲོས་འགོ་དང་། གོ་ལ་ཧྲིལ་པོའི་བདེ་འཇགས་ཀྱི་གྲོས་འགོ གོ་ལ་ཧྲིལ་པོའི་ཤེས་དཔལ་གྱི་གྲོས་འགོ་བཅས་དོན་འཁྱོལ་ཡག་པོ་བྱེད་འདོད་ཡོད་ཅེས་བརྗོད་པ་རེད།