ཚེས་11ཉིན། ཀྲུང་གོ་དང་ཨ་ཧྥེ་རི་ཁས་རྒྱུན་མཐུད་ཆོག་པའི་འབྱུང་འགྱུར་མཉམ་དུ་གཏོད་པའི་མ་འཇོག་དང་དཔལ་འབྱོར་ཚོང་དོན་མཉམ་ལས་སྤེལ་རེས་ཚོགས་འདུ་ཧུའུ་ནན་ཁྲང་ཧྲ་རུ་འཚོགས་ཤིང་། ས་ཁོངས་ཕྱི་ནང་གི་ཚོང་ལས་མཐུན་ཚོགས་ཀྱི་འཐུས་མི་20ལྷག་ཙམ་དང་ཀྲུང་གོ་དང་ཨ་ཧྥེ་རི་ཁའི་ཁེ་ལས་ཀྱི་འཐུས་མི་400ལྷག་ཙམ་ཚོགས་འདུར་ཞུགས་ཡོད་པ་རེད། སྤེལ་རེས་ཚོགས་འདུའི་དམིགས་ཡུལ་ནི་སྲིད་གཞུང་དང་། ཚོང་ལས་མཐུན་ཚོགས། ཁེ་ལས་བཅས་ཕྱོགས་གསུམ་གྱི་སྟོབས་ཤུགས་གཅིག་སྡུད་ཀྱིས་ཀྲུང་གོ་དང་ཨ་ཧྥེ་རི་ཁའི་རྒྱལ་ཁབ་དབར་མ་འཇོག་དང་དཔལ་འབྱོར་ཚོང་དོན་ཁྱབ་ཁོངས་ཀྱི་མཉམ་ལས་སྔར་བས་ཟབ་ཏུ་གཏོང་རྒྱུ་དེ་རེད།

ཚོགས་འདུའི་ཐོག “ཀྲུང་གོ་དང་ཨ་ཧྥེ་རི་ཁའི་དཔལ་འབྱོར་ཚོང་དོན་དང་རིག་གནས་དཔེ་དབྱིབས་ཆེན་པོའི་ཚོད་ལྟ་ཁང”དང་། “ཐན་ཙན་ནི་ཡའི་མ་འཇོག་ལྟེ་གནས་ཀྲུང་གོ(ཧུའུ་ནན)མ་འཇོག་མཉམ་ལས་ལས་སྟེགས་ཀྱི་སྔོན་སྤེལ་ཁུལ་འབྲེལ་གཏུག་ཁྲུའུ”བཙུགས་ཏེ། ཀྲུང་གོ་དང་ཨ་ཧྥེ་རི་ཁའི་དཔལ་འབྱོར་ཚོང་དོན་མཉམ་ལས་སྐུལ་འདེད་དང་གསར་གཏོད་དཔེ་སྟོན་གླིང་དུ་དངོས་སུ་གཞིས་ཆགས་པ་རེད།