ཤིན་ཧྭ་གསར་འགྱུར་ཁང་ལུའོ་ཧྲན་ཅི་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོའི་འགུལ་རིས་གློག་བརྙན《བདུད་ཕྲུག་ནོ་ཏྲས་རྒྱ་མཚོ་དཀྲུགས་པ》(གཤམ་དུ《ནོ་ཏྲ་2》ཞེས་བསྡུ་རྒྱུ)ཨ་རིའི་ལུའོ་ཧྲན་ཅི་ཡི་ཧའོ་ལའེ་ཝུའུ་TCLཀྲུང་གོའི་ཟློས་གར་ཁང་ཆེན་པོར་མེ་གླིང་བྱང་མའི་པར་ཕུད་མཛད་སྒོ་འཚོགས་པར“ནོ་ཏྲ”ལ་དགའ་པོ་བྱེད་མཁན་བརྒྱ་གྲངས་ཁ་ཤས་དང་ཀྲུང་ཨ་རྒྱལ་ཁབ་གཉིས་པོའི་གློག་བརྙན་ལས་རིགས་ཀྱི་མི་སྣ་ཁག་གཅིག་ཞུགས་ཡོད། གློག་བརྙན་དེ་ཚེས་14ཉིན་མེ་གླིང་བྱང་མའི་གློག་བརྙན་ཁང་དུ་ཁྱོན་ཡོངས་ནས་བསྟན་རྒྱུ་ཡིན་པ་རེད།

ལུའོ་ཧྲན་ཅི་རུ་བཅའ་སྡོད་ཀྲུང་གོའི་སྤྱི་ཁྱབ་གཞུང་ཚབ་ཁང་གི་སྤྱི་ཁྱབ་གཞུང་ཚབ་གཞོན་པ་ལི་ཀྲི་ཆང་གིས་པར་ཕུད་མཛད་སྒོའི་ཐོག་ཤིས་ཚིག་གསུང་སྐབས《ནོ་ཏྲ་2》ལ་ཀྲུང་གོའི་ཁྲོམ་རར་ཕུལ་དུ་བྱུང་བའི་གྲུབ་འབྲས་ཐོབ་པ་མ་ཟད། མེ་གླིང་བྱང་མ་སོགས་སུའང་དོ་ཁུར་རྒྱ་ཁྱབ་ཐོབ་ཡོད། སླད་ཕྱིན་ཀྲུང་ཨ་རྒྱལ་ཁབ་གཉིས་པོའི་གློག་བརྙན་བརྙན་འཕྲིན་མཉམ་ལས་ལ་མུ་མཐུད་སྐུལ་འདེད་བཏང་སྟེ། ཨ་རིའི་ལྟད་མོ་བ་དེ་བས་མང་པོས་གློག་བརྙན་བརྒྱུད་ཀྲུང་གོར་ཤེས་རྟོགས་ཐུབ་ནས་ཕན་ཚུན་དབར་གྱི་མཛའ་གྲོགས་ཟབ་ཏུ་འགྲོ་རྒྱུའི་རེ་བ་ཡོད་ཅེས་གསུངས་པ་རེད།